超嬲!!各位去黐invisible shield時要小心

bobogood 2009-01-31 11:37 | Apple
過年前去3度出咗部iphone,買機果陣sales已好好心咁提埋試水紙位置,聽friend話最好去包番套invisible shield保護吓部機,咁咪拎咗去先達二樓整,去到見到差不多間間都話有得包,咪求其搵一間包,我見佢包緊果陣噴d類似水嘅入去,又用暖風機,我問佢噴果啲係乜,佢話可以令層膠包得靚啲,見佢大pat大pat咁噴落去,心都實埋,我仲問師傅怕唔怕,佢拍晒心口話唔會瀨嘢喎。 早兩日部機忽然虧咗,篤入itunes冇反應,即刻拎部機落維修部,佢地話部機試水紙個位「紅咗」,仲照埋俾我睇。我心諗我用得超小心,明明冇濕過水,後來先懷疑應該係包膠果陣出事,但過咗咁多日,講乜都冇用,真係牛年第一嬲~[img]//img.eprice.com.tw/img/forum/smile/50[/img] 奉勸各位冇乜必要無謂去包膠,要包的話都要小心,最好包前包後都check吓個試水紙位…

最新新聞