到埗!價合理!華為 Mate 9 開箱評測 試 Kirin 960 效能 + Leica 雙鏡頭

左定坤 (Cho Ting Kwan) 2016-11-16 19:50 | Huawei
華為 Mate 9 剛在德國發表時,開價成港幣差不多六千幾,其實真係有點嚇人。當然啦,呢個價錢仲未扣取銷售稅,所以並唔能夠完全作準。終於,Mate 9 水貨今日終於正式抵港,賣價又無想像中咁昂貴,至少版主覺得,都算是一個合理的價錢,到底 Mate 9 第一水賣價幾多呢?下文會講,而版主亦都會在這篇文章中,同大家搶先做個開箱測試,等大家可以更清楚知道,到底呢部 Mate 9 是何方神聖。睇下文啦!

Mate 9(Facebook).jpg

開箱!保留 Mate 8 風格,但手感更佳!
華為 Mate 9 水貨今日抵港,在旺角先達可以找到 4GB RAM + 64GB ROM 的版本,第一水賣價大約為 $5080,呢個價錢,版主覺得又可以接受,唔係話平,但亦不算貴。無嘅,雖然 Mate 9 在外型設計方面,並不能給到我太多的驚喜,不過,佢嘅貴多得佢個 Leica 鏡頭,乜都值啦係唔係先?今代的 Mate 9 同上代最大的唔同,就係主相機用上了垂直的雙鏡頭,其餘的部份俾我感覺上,同 Mate 8 唔差太遠,屏幕比 Mate 8 細左 0.1 吋,但拎上手的手感,就相對更加好揸手。

DSC_4412.JPG
▲ 開箱!首先可以見到,Mate 9 的包裝盒係黑漆漆的,而正面的下方,會見到有寫住「Leica DUAL CAMERA」的字樣。

DSC_4414.JPG
▲ 打開個盒,首先你會見到會有部 Mate 9,版主今次開箱的是金色的版本,然後隔離就寫住「HUAWEI DESIGN」。

DSC_4420.JPG
▲ 掀起面頭果層,你會見到入面有兩個盒。

DSC_4416.JPG
▲ 左邊個盒會有支 SIM 卡針、透明保護殼以及說明書。

DSC_4417.JPG
▲ 而右邊果個盒,則有 USB 線、microUSB to Type-C 轉換器、插頭 (因為係水貨,所以插頭係雙腳頭) 以及耳機。

DSC_4418.JPG
▲ 而留意個火牛,你會見到最高支持 22.5W 的輸出。不過快速一定要跟番住呢個火牛,所以火牛千祈唔好唔見。

DSC_4428.JPG
▲ 睇完盒入面有啲乜嘢跟機配件,係時候睇下部機,首先啦,Mate 9 採用了 5.9 吋 FHD 屏幕。

DSC_4432.JPG
▲ 正面上方會見到有 800 萬像素的前置鏡頭。

DSC_4435.JPG
▲ 而正面下方則會見到「HUAWEI」的字樣。

DSC_4441.JPG
▲ 同之前一樣,右側會有開關鍵以及音量鍵。

DSC_4445.JPG
▲ 而左側則會見到有 SIM 卡槽,不過又係弧寒式三選二設計。

DSC_4446.JPG
▲ 機背會見到有雙鏡頭,下方具有指紋辨識,而側邊會有補光燈。

DSC_4448.JPG
▲ 望真啲,雙鏡頭之間有寫住「LEICA」,而右側就寫住「SUMMARIT-H 1:2.2 / 27 ASPH」。光圈得 F2.2,網友覺得夠唔夠呢?

DSC_4451.JPG
▲ 機頂會見到有 3.5mm 耳機孔。

DSC_4452.JPG
▲ 而機底則會有雙喇叭以及 USB Type-C 充電插槽。

DSC_4456.JPG
▲ 或者因為個芒比上代略少的關係,版主覺得拎上手的感覺更佳。

Kirin 960 處理器真係有咁勁?Mate 9 跑分軟件試效能
目前香港有的版本,是 4GB RAM + 64GB ROM 的 Mate 9,配備了 Kirin 960 處理器,之前 Huawei 好巴閉咁講到,呢粒處理器無論是 CPU 還是 GPU 效能上,都能夠完勝 Qualcomm S820 / S821 處理器,係唔係真係咁勁?實質的使用感受,版主暫時就無辦法感受到 (因為不是長借),淨係覺得,download 嘢果陣速度好似飛嘅一樣,呢點版主真係可以明顯感受到。不過,目前版主可以借助安兔兔、Basemark ES2.0 Taiji Free 等跑分軟件,睇下呢部 Mate 9 的分數如何,都可以當成是一個參考的指標。即刻睇睇!

Screenshot_20161116-185610.pngScreenshot_20161116-185626.png
▲ 首先係安兔兔,可以見到安兔兔跑分為 127246 分,就咁睇分數,其實並不覺得特別高分,不過可以見到,Mate 9 在 3D 以及 UX 的分數都相當不錯,睇黎 Mate 9 真係改善了 GPU 的問題。

Screenshot_20161116-185723.png
▲ 睇埋 Basemark ES 2.0 Taiji Free,呢個 App 係用來測試手機在玩 3D 遊戲時的效能。滿分為 60 分,Mate 9 得出 61.44 分,爆哂分,即係表示用 Mate 9 玩遊戲,理論上會非常流暢。

Screenshot_20161116-185739.pngScreenshot_20161116-185745.pngScreenshot_20161116-185751.png
▲ 至於 Vellamo 又如何呢?呢隻軟件分為三個部分,分別為瀏覽器、金屬以及多核。瀏覽器方面版主選用了不少人使用的 Google Chrome,得出 7172 呢個非常好的分數,表示用 Chrome 上網的體驗應該會非常順暢!至於金屬以及多核,都是用來測試手機的整體效能,除了金屬部份有少許出乎意料的低之外,多核的表現還是相當不錯。

Leica 雙鏡頭,影相表現如何呢?即刻睇相!
今代的華為 Mate 9,主相機方面改用了雙鏡頭設計,兩個鏡頭之中,一個用上 F2.2 光圈的 2000 萬像素黑白感光元件,而另一個則用上 1200 萬像素 RGB 感光元件,同樣都是有 Leica 認証,理論上在拍攝的時候,白平衡應該能夠有所優化,配合第二個鏡頭,亦能夠有助造出更佳的景深效果。另外,Mate 9 亦具備完善的手動模式 (M Mode),最高可以調校至 30s 的快門速度,用來影車軌、流水效果,非常有用。而 Mate 9 亦跟 P9 一樣,具備「鮮豔色彩」以及「流暢色彩」兩種模式。當然,版主比較喜歡的,是「鮮豔色彩」,感覺上顏色會更飽和。

IMG_20161116_183109.jpg  IMG_20161116_183133.jpg

IMG_20161116_183217.jpg  IMG_20161116_183235.jpg
▲ 仔細放大來看,其實 Mate 9 成像的細緻度確是不差。

IMG_20161116_183254.jpg  IMG_20161116_183337.jpg
▲ 左邊呢張,已經是 Starbucks 內相當昏暗的位置。隱約會見到有點雜訊,但整體來說,還是清晰,可以接受。

IMG_20161116_184427.jpg  IMG_20161116_184451.jpg
▲ Mate 9 具備手動模式 (M Mode),你可以按自己的需要,自行調校 ISO、快門、曝光等設定,營造你最喜歡的效果。

IMG_20161116_184752.jpg  IMG_20161116_184800.jpg
▲ 而 Mate 9 亦具備大光圈模式,左圖為關閉是的效果,而右圖是開啟了「大光圈模式」的效果,可以見到,雖然無開到果陣,都會有景深效果,但開啟左之後,會相對明顯左。

小結
版主可以上手測試的時間有限,未能詳細地感受,Mate 9 在實際使用上的效能,只能單純從跑分、相機方面,簡單試玩一下。跑分唔使版主講,都知道 Kirin 960 並不算太差,驚喜的是,Kirin 960 似乎在 GPU 效能上有明顯的提升。而試相部份,版主覺得無論在手機上看,抑或是放到電腦上看,成像質素都不算是太差,是水準之上。而雙鏡頭的作用,更在大光圈模式下,展現出來。唔知網友又點睇呢?

查詢及鳴謝: 三禾電氣  23740618 (旺角) 23740718 (銅鑼灣)

華為 Mate 9 在文章發表時,行貨預計 11 月底上市,按這裡有詳細規格及最新賣價

相關產品 (1)

相關報導 (5)

不再企硬!華為 Mate 系旗艦正式清貨!大舖直劈 $1500 必 Buy?

不再企硬!華為 Mate 系旗艦正式清貨!大舖直劈 $1500 必 Buy?

近期有乜手機抵玩?如果上個月你問版主,我會答你華為Mate10。雖然佢係一部大陸機,但老老實實華為手機絲毫不比其他國際大廠的手機差,各方面都做得到位,Leica認證鏡頭影相又靚,唔似得某品牌掛蔡司鏡頭虛有其表。上個月衛訊推限時賣$3999,其實呢個價算係幾抵。可惜,限時優惠做完,以為佢會順勢減價,點知我估錯咗,而家加返價但多咗嘢送。反而之前版主話死唔減價的舊代旗艦,今個月起又突然來個大劈價,直劈$1500,也許是目前相對較值得買的一部手機?

左定坤 (Cho Ting Kwan) | 2018-03-09
華為 Mate 9 外型、影音、電力、相機全方面評測

華為 Mate 9 外型、影音、電力、相機全方面評測

華為這款新一代旗艦機種Mate9優點可不僅於具備5.9吋大屏幕,其中內建4,000mAh大容量電池並採用第二代Leica雙鏡頭更是華為Mate9受到矚目的主要關鍵!今天我們就要由開箱開始,一步步帶著大家深入認識華為Mate9,文中更針對Mate9的電力(包括充電與續航)、性能和相機(除了實拍,還有與P9的比較喔)等方面的表現進行試用與測試,如果也你正對這款新機感到好奇或打算購入此機,那可就更不容錯過這回的詳細評測。

Keith Yim | 2016-12-28
華為 Mate 9 Pro 波子版成天價,普通版明抵港價合理?

華為 Mate 9 Pro 波子版成天價,普通版明抵港價合理?

或者是因為版主而家用機愈來愈多,真係愈來愈覺得,今年無乜邊部手機有吸引力。在2016年眾多旗艦手機當中,要講到大發光彩的,應該是小米MIX以及華為Mate9,可惜小米MIX得個樣,影相真係麻麻地,反而就以Mate9讓版主最為滿意。Mate9港行已經開賣,佢另外仲有兩個版本,分別為Mate9Pro以及Mate9ProPorsche(波子版),兩個版本都在今日(15/12)於中國大陸正式開賣,前者水貨將於明天抵港,而後者版主則收到風,炒價甚至高過小米MIX!睇

左定坤 (Cho Ting Kwan) | 2016-12-15
Leica 雙鏡二代 + 巨芒!華為 Mate 9 +Mate 9 Pro  香港定價曝光

Leica 雙鏡二代 + 巨芒!華為 Mate 9 +Mate 9 Pro 香港定價曝光

當三星Note7已byebye,LGV20又唔夠貨,HTC無氣息,Sony係CPU/RAM數字唔夠人強,好多網友嘅目光,都投向華為身上。華為Mate9用上獨家新一代高速CPU,好合家陣網友,睇CPU揀機嘅要求。當然,新一代二千萬+千二萬像素雙Leica認證鏡頭,做到iPhone7Plus拍到嘅玩意,又真係幾吸引。而香港更會推出非PorsheDesign嘅曲芒2K芒Mate9Pro!與。賣幾錢先?

Keith Yim | 2016-11-29
到埗!價合理!華為 Mate 9 評測 試 Kirin 960 效能 + Leica 雙鏡頭

到埗!價合理!華為 Mate 9 評測 試 Kirin 960 效能 + Leica 雙鏡頭

華為Mate9剛在德國發表時,開價成港幣差不多六千幾,其實真係有點嚇人。當然啦,呢個價錢仲未扣取銷售稅,所以並唔能夠完全作準。終於,Mate9水貨今日終於正式抵港,賣價又無想像中咁昂貴,至少版主覺得,都算是一個合理的價錢,到底Mate9第一水賣價幾多呢?下文會講,而版主亦都會在這篇文章中,同大家搶先做個開箱測試,等大家可以更清楚知道,到底呢部Mate9是何方神聖。睇下文啦!

左定坤 (Cho Ting Kwan) | 2016-11-16

最新新聞