主題:華為 Honor、小米 京東銷量鬥法!小米疑出古惑,6 小時被 KO?

ePrice HK
  • 發表時間:2018-06-21 20:49 收錄檢舉
    在寫文之前,版主先戴定頭盔,其實這篇文章跟香港關係並不太大,不過當係花生 share 俾大家食下,又未嘗不可。故事係咁嘅:其實每年嘅 6 月 18 日,大陸嘅京東都會搞促銷活動,將一系列嘅產品劈價清貨。貨品平咗,除咗消費者能夠受利之外,其實廠商之間係會互相競爭,力爭 618 促銷活動嘅銷量榜首。排名是根據 1/6 - 18/6 期間的銷量而定的,在 19/6 的凌晨 1 點左右,雷軍就在微博發文,宣佈小米在 618 活動中大獲全勝。然而,經過 6 小時之後,結局卻被華為 Honor 改寫。點解會咁?

    華為 Honor、小米 京東銷量鬥法!小米疑出古惑,6 小時被 KO?
     

    為咗令大家更清楚理解,華為 Honor 同小米之間發生咗乜嘢事,版主就用 時間軸 同大家說明:


    18 / 6  22:06  榮耀官方微博表示榮耀手機斬獲京東平台手機品類累計銷量冠軍,以及手機品類單日銷量冠軍。
    華為 Honor、小米 京東銷量鬥法!小米疑出古惑,6 小時被 KO?
    ▲ 其實去到 18/6 晚上 10 點果陣,華為 Honor 手機依然是排喺榜首。

    19 / 6 01:04  雷軍發表微博宣佈小米在 618 大促中大獲全勝,獲得京東天貓蘇寧銷量第一,金額第一。
    華為 Honor、小米 京東銷量鬥法!小米疑出古惑,6 小時被 KO?
    ▲ 去到凌晨 1 點,雷軍宣佈自己驘咗華為,好似好威威咁。

    19 / 6 06:18 京東競速榜顯示,Honor 重回榜首。
    華為 Honor、小米 京東銷量鬥法!小米疑出古惑,6 小時被 KO?華為 Honor、小米 京東銷量鬥法!小米疑出古惑,6 小時被 KO?
    ▲ 左圖係 18/6 晚上 23:59:59 的結果,而右圖則是 19/6 早上 6:18:00 的結果。去到 19/6 早上 6 時,華為 Honor 回復榜首。

    到底點解,18 號夜晚 10 點果陣,華為明明仲係排喺榜首,在短短唔夠 2 個鐘之內,小米能夠超越到華為?原因實在是匪疑可思。而點解經過 6 小時之後,京東又顯示 Honor 先喺排第一?

    根據 Honor CEO 趙明的發文表示,其實京東的即時競速排行榜改變,是因為在後期統計時,京東會剔除 6 小時之內沒有付款的訂單,所以 Honor 重回榜首。

    華為 Honor、小米 京東銷量鬥法!小米疑出古惑,6 小時被 KO?
     

    這意味着甚麼?有兩個可能性:


    1. 有好多「真消費者」按下了購買,但最後決定唔買,沒有付款。(可能是小米的粉絲不夠虔誠吧!?)

    2. 小米在 18/6 晚上見到華為個 post 之後,做咗啲「小動作」將個排行谷到榜首,但因為 6 小時之內沒有付款,所以最後結果依然是 Honor 成為冠軍。

    到底是京東統計遲鈍的問題,抑或是小米粉們都唔記得準時找數? 版主唔知。對於這件事,網友點睇呢?​

    立即加入Facebook 專頁,新聞/消息/優惠,最快知。

    01樓 ▲TOP 回列表頁