華為廣告宣傳疑似造假 手機自拍原來係專業單反
|
Huawei
呢條廣告片係華為埃及嘅出品,代言人 Sarah Elshamy 係當地著名女演員,Instagram 有 130 萬人追蹤。廣告片中男主角手執華為 Nova 3 跟 Elshamy 自拍,雖然華為未有表明廣告內畫面係由 Nova 3 拍攝,但觀眾都會有此聯想,但現實情況卻喺 Elshamy 嘅 Instagram 呈現。Elshamy 上載咗廣告拍攝時幕後花絮,見到男主角手上根本就冇任何手機,而廣告攝影師則利用專業級單反放喺男主角手邊,模擬他手執 Nova 3 自拍嘅效果。
幕後花絮一出馬上引來華為誤導消費者嘅討論,Elshamy 急急刪相,但已經被網民 Cap 圖留底。有網民甚至將華為 P8、P9 曾經以相同手法,利用專業相機「冒充」手機宣傳拍照,指華為是慣犯,又話華為現時在手機攝影界有不俗的得分,卻不改其造假壞習慣。
資料來源:cnbeta