說的是數碼通，即日起將華為 P20 以及 P20 Pro 減價，前者 P20 就只係比大舖平咗 $100，最新賣價為 $4680，而後者則比大舖平多 $200，最新賣價為 $6280。P20 減價，就未必關三星事嘅，可能係因為自己出咗部 Nova 3，定位差唔多，都要落一落下價「荼毒」下網友入手嘅~
至於 P20 Pro，我個人覺得或多或少都同 Note9 有點關係，你又點睇？
當然，如果 P20 同 P20 Pro 比較，P20 Pro 應該係會吸引到不少網友，最主要原因都係影相部份。但老老實實，以我用咗 P20 Pro 好幾個月的評價，P20 Pro 除了影相之外，其他方面給版主的體驗，都比較一般，例如用落會有少少窒等等。但無可否認，佢光是影相，都應該已經氹到唔少人出手。而家 Note9 快到，P20 Pro 減價，未買的網友，又會唔會考慮呢？
華為 P20 在文章發表時，SmarTone 賣價為 $4680，按這裡有詳細規格及最新賣價。
華為 P20 Pro 在文章發表時，SmarTone 賣價為 $6280，按這裡有詳細規格及最新賣價。