唔使問阿貴，而家大舖尚有賣的 Mate 系旗艦，係 Mate 10 / Mate 10 Pro，最近留意到大舖出現了新低價，當中的 Mate 10 最新賣價為 $3780，相比之前個價低多 $200，而 Mate 10 Pro 最新賣價則為 $4680，相比之前個價再平 $400。嫌大舖價貴，可以俾埋細舖價大家參考一下：版主問過相熟細舖，Mate 10 現時行貨最新賣價為 $3180，而 Mate 10 Pro 則賣 $4280。呢個價買 Mate 10 系列，係咪值得呢？唔介意大陸機同埋用 Kirin U 的話，個人覺得本身華為並不是太差，一般使用基本上完全無問題。
華為 Mate 10 同 Mate 10 Pro 最明顯的不同，就是前者用上 16:9 2K 芒，而後者則用上 18:9 1080p 屏幕，Mate 10 Pro 拎上手的感覺，會修身一點，好揸一點。規格部份，Mate 10 同 Mate 10 Pro 同樣用上 Kirin 970 處理器，Mate 10 內置 4GB RAM 以及 64GB ROM，而 Mate 10 Pro 則內置 6GB RAM + 128GB ROM。電量部份，兩部手機都是內置 4000mAh 電池。至於相機部份，兩部相機用嘅鏡頭都係一樣，採用 1200 萬像素彩色 + 1200 萬像素黑白 Leica 雙鏡頭組合，兩個鏡頭都係 F1.6 大光圈，並具有 AI 功能。
華為 Mate 10 在文章發表時，大舖賣價為 $3780，按這裡有詳細規格及最新賣價。
華為 Mate 10 Pro 在文章發表時，大舖賣價為 $4680，按這裡有詳細規格及最新賣價。