版主收到風，一直只有水貨的華為 Honor 系列，大概會在 12 月殺到香港。有行貨，個個就未必會再買水貨，這種情況有可能會對水貨店造成威脅。係好事？定壞事？真係睇你點睇。如果 Honor 系列出行貨，你又會想佢在香港推出邊部手機呢？下面可以俾你投票
華為旗下的榮耀 Honor 系列，一直都係 Sell 高性價比，而且並不會因為便宜，質素就會降低，所以好多時候 Honor 系列手機，都能夠得到不少網友青睞。就好像早三個月前推出的 Honor Note 10，版主聽聞水貨都賣得好勁，又有 6.95 吋巨芒，又有旗艦 U，雖然唔係用到最新 Kirin 980，但一般打機其實都算夠用，再加埋有 5000mAh 大電，硬件上係幾不錯。當時有網友甚至用佢嚟同小米 Max 3 比較，認為 Honor Note 10 吸引得多。
仲有仲有，小米最新咪發表咗部滑蓋手機小米 MIX 3 嘅，華為 Honor 都有呢種設計的手機 —— Honor Magic 2，可以見到，其實 Honor 系列係對住小米嚟打，唔單止打平價，而且仲講質素。Honor 系列在香港推出，某程度上可以說是用家的福音，你又同意嗎？