遲買幾日,再平幾舊!華為 P30 / P30 Pro 大舖價再創新低
|
Huawei
對上果次華為 P30、P30 Pro 大舖減價,都不過係上星期嘅事,版主都預計唔到,點解咁短時間內,大舖又減價。上回先講到,P30 同埋 P30 Pro 再減 $200,前者賣 $3788,而後者 256GB 則賣 $5288。
點知今日 (3/12) 起,衛訊又再出招減價,P30 最新賣價為 $3599,而 P30 Pro 256GB 最新賣價則為 $4999。但反而 512GB 大容量版本,就繼續唔減,賣 $6398,問過係唔係無貨,衛訊又話唔係,係有貨。通常啲旗艦手機,都係大容量減最多,因為大容量反而少人買,大家未必用得着咁大 GB 數,但 P30 Pro 就反其道而行,大容量企硬而細容量連環減價,又有無特別的原因呢?
至於豐澤,在版主撰文時則未有跟上衛訊減價。
華為 P30 在文章發表時,大舖賣價為 $3588,按這裡有詳細規格及最新賣價。
華為 P30 Pro 256GB 在文章發表時,大舖賣價為 $4999,按這裡有詳細規格及最新賣價。
華為 P30 Pro 512GB 在文章發表時,大舖賣價為 $6398,按這裡有詳細規格及最新賣價。