傳說中首部用鴻蒙 Harmony OS 2 嘅手機 P50 Pro 水貨終於嚟到香港，256GB 同 512GB 都到港，第一水賣價分別為 $8980 以及 $10300。至於較平價嘅 P50，就暫時未有抵港。至於問及用鴻蒙 Harmony OS 2 嘅 P50 Pro，能唔能夠完美安裝 Google，旺角先達店主則表示，未試，咁唔知會唔會有風險裝唔到 Google 呢？
不過啦，今次華為 P50 Pro 就只有推出 4G，無 5G 版。其他規格又點？ 6.6 吋曲面芒，120Hz 屏幕刷新率，4360mAh，支持 66W 有線快充。相機最勁咪話有 200 倍變焦範圍囉，計返上嚟其實即係 100 倍 Zoom，但就講到再勁咗，影得更清楚。但實際係咪咁勁，機我就未試過喇，等香港真係出，先再試下啦。