主題:兩大絕招 K.O. 對手 ! Sony Xperia X 「人無佢有」相機功能

※ 此文已被鎖定,無法回覆與編輯 ※
  • 發表時間:2016-06-21 16:42 收錄檢舉
    講到手機相機,Sony 由 Xperia Z1 起,已搶先採用二千萬像素感光元件再配合自家 G Lens,而每代都有功能上嘅提升。來到今代 Xperia X Performance 及 Xperia X,配備 2300 萬像素感光元件外,更加入了 0.6 秒快速啟動相機連拍攝及來自 Sony 相機嘅預測追蹤對焦功能。呢兩個功能,都係其他手機做唔到的! 又係我,熊大,是 Sony 手機迷, 第二次透過 ePrice 平台同大家交流,今次想同大家示範一下,Xperia X Performance 上的快速啟動連拍攝以及預測追蹤對焦,到底有多強,有乜用!

    兩大絕招 K.O. 對手 ! Sony Xperia X 「人無佢有」相機功能

    強項001 : 預測追蹤對焦
    首先我要俾個讚!係 Sony  Xperia X Performance 與 X 上面新加嘅預測追蹤對焦功能,對我來講,真係非常實用。原因無他,皆因我係一個電-車-迷,平時得閒無事好中意去影下電車,靜止的電車影起上黎當然容易,但移動中的電車就好難攪。一般智能手機上的相機,都只能夠定點手動對焦,面對着移動中的主體,當你一點屏幕,再按快門,主體已移離對焦點,要清晰對焦拍攝也來不及,有時甚至會出現 out focus 的情況。然而,Xperia X Performance 加入的預測追蹤對焦功能,只需要一點移動中的目標主體,相機就會自動預測主體的移動路線,追住移動主體進行對焦。以下我將會借助一套模型電車,來示範一下。熊大亦找了兩部同樣採用 S820 的手機進行對比,讓大家看看有追蹤對焦以及無追蹤對焦的差別。


    ▲ 影片首兩段是另外兩部 S820 CPU 手機,可見係拍攝移動物件的情況下,要手動對焦再拍,係有點麻煩。而 X Performance 的預測追蹤對焦,為用家省卻了手動對焦部份,加快拍攝移動物件的速度。 
     

    同期手機比拼

    剛才就同大家示範完到底預測追蹤對焦是甚麼一回事,咁而家就讓大家看看,有追蹤對焦同無追蹤對焦,出來的成像有甚麼不同。以下三組圖片,就是上面影片示範拍攝玩具電車的情況,分別有 Sony Xperia X Performance 及兩款同期採用 S820 的手機拍出來作對比。

    兩大絕招 K.O. 對手 ! Sony Xperia X 「人無佢有」相機功能  兩大絕招 K.O. 對手 ! Sony Xperia X 「人無佢有」相機功能
    ▲ 由 X Performance 拍攝,左面 (或手機 M 版上面)可放大睇原圖。右面是原圖裁剪電車部份。

    兩大絕招 K.O. 對手 ! Sony Xperia X 「人無佢有」相機功能 兩大絕招 K.O. 對手 ! Sony Xperia X 「人無佢有」相機功能
    ▲  由 S820 手機 A 拍攝,左面 (或手機 M 版上面)可放大睇原圖。右面是原圖裁剪電車部份。

    兩大絕招 K.O. 對手 ! Sony Xperia X 「人無佢有」相機功能 兩大絕招 K.O. 對手 ! Sony Xperia X 「人無佢有」相機功能
    ▲  由 S820 手機 B 拍攝,左面 (或手機 M 版上面)可放大睇原圖。右面是原圖裁剪電車部份。

    從以上三圖中我們可以看到,Sony Xperia X Performance 與兩款 S820 手機,所拍攝出來的相片質素看似差唔多 (縮圖呀! ),但如果仔細看電車縮圖,Xperia X Performance 影出來係最實正,亦無 Out Focus 感覺。至於另外兩部沒有追蹤對焦的 S820 手機,表現又如何? 先看看 S820 手機 A,我們可以見到其實出來的成像亦算不錯,但相比 X Performance,還是不及 X Performance 的實正。至於 S820 手機 B,則明顯看到出現 out focus 的情況。另外,由於兩部手機都沒有追蹤對焦的關係,對焦速度相對 X Performance 慢。

    強項002 :0.6 秒快速啟動連拍攝
    試完預測追蹤對焦功能之後,將會示範一下 Xperia X Performance 的 Quick Launch and Capture。事實上,在 Xperia Z5 Premium 上都有類似的功能,在關閉屏幕的情況下,長按快門鍵,就能開啟相機。然而,Z5 Premium 雖然能夠快速開啟相機,但之後你仲要另外再按快門鍵,其實計起上來都快唔到幾多。今次 Sony 在 Xperia X Performance 的 Quick Launch and Capture 上再走多一步,同樣長按快門鍵,0.6 秒快速啟動相機不特止,在這 0.6 秒入面,甚至已經同你瞬間影到張相,實現真真正正的 0.6 秒快速啟動連拍攝,對比其他對手,真係搵唔到比它快的手機呢! 實在是非常厲害!

    你會問,到底呢項功能,會在甚麼時候用到呢? 有! 當然唔係叫你偷拍啦! 例如當你咁啱行過公園仔,見到有隻蝴蝶定左係朵花上採蜜,你想影佢,但唔排除等得你開相機黎,隻蝴蝶已經飛走左。又或者當你搭緊巴士的時候,剛好見到窗外有個景幾靚想影低,呢個時候,Quick Launch and Capture 就大派用場了! 簡單來說,Quick Launch and Capture 的主要用途,就讓你減低錯過重要時刻的機會,捕捉最珍貴的一刻。比個 Tips 大家,如果用 Quick Launch and Capture 的話,影中距離的主體,效果最好。

    0.6 秒快速啟動連拍攝測試

    表情 #2

    表情 #2
    ▲ 有時候如果同朋友一齊去公園散步,見到眼前的風景好想影低佢,但又覺得要朋友等你唔係咁好意思的話,亦都可以利用 X Performance 的 Quick Launch and Capture 功能。而利用 Quick Launch and Capture 影出黎的風景相,毋須後期編輯,都能夠保留令人滿意的質素。


    兩大絕招 K.O. 對手 ! Sony Xperia X 「人無佢有」相機功能
    ▲ 對於唔怕佢會走的事物,你中意近啲影又得,遠啲影都得,任君選擇。

    兩大絕招 K.O. 對手 ! Sony Xperia X 「人無佢有」相機功能
    ▲ 但係如果你平時中意影下一些小動物,又唔能夠太近影,因為太近的話,可能會嚇走佢地 (其實可能係嚇親熊大我表情 #4),呢個時候,中距離拍攝應該係最好的。然而,影小動物,唔排除當你慢慢開得相機,再按快門鍵,隻小動物可能已經感受到你的威脅,已經走左,所以呢個時候,Quick Launch and Capture 就發揮了很強的功效。要注意的是,由於 Quick Launch and Capture 功能是讓你一按即拍,捕捉你的目標主體,本身不具備 Zoom 功能,因此影小動物的話,好多時候都需要後期編輯,將你想要的部份 chop 番出來。從上圖可以見到,雖然已經放大左好多倍,但細節部份、相片的清晰度依然做得很不錯。

    兩大絕招 K.O. 對手 ! Sony Xperia X 「人無佢有」相機功能
    ▲ 再一幅,大石壓小龜? 按下快門鍵影完之後,再 chop 番主體落黎,其實可以見到,放大之後的成像質素依然不差,睇得好清楚! 呢點真係多得 X Performance 的 2300 萬像素。之後,放上 Facebook 分享俾朋友,呃下 Like 都得!

    兩大絕招 K.O. 對手 ! Sony Xperia X 「人無佢有」相機功能
    ▲ 睇左邊,係咪唔知我影緊乜呢? 唔緊要,放大左,哦,原來係一隻青蛙,淨係聽到佢「呱呱」聲,今次仲搵你唔到! 原本你係完全睇唔到我影緊啲乜野,但 Zoom 大左之後,細節部份都非常清楚,咁嘅清晰度,仲可以 share 俾身邊朋友添!

    兩大絕招 K.O. 對手 ! Sony Xperia X 「人無佢有」相機功能
    ▲ 頭先上面三張,都係影緊一啲定左係度唔郁的主體,可能你會覺得,未必能夠突出到 Quick Launch and Capture 的威力。唔緊要,俾張主體郁緊的相俾大家睇下! 其實好簡單,即係咁啱經過,見到有隻艇仔駛過,隨手拎起部 X Performance 撳個掣,就影到左面幅圖出黎。Zoom 番近之後,成架艇上面有幾多人,都睇得好清楚。

    兩大絕招 K.O. 對手 ! Sony Xperia X 「人無佢有」相機功能
    ▲ 再來一張!從原圖看,或者你看不清有甚麼,其實是有隻鴿子向着我直衝過來,感覺就像快要撞到我身上去! 放大了,可以看清楚那隻鴿子。
     

    小結:識得玩,可以好實用

    Sony Xperia X Performance 及 X 新加的 0.6 秒 Quick Launch and Capture 及預測追蹤對焦,係市面上嘅手機係做唔到。但熊大試玩過,實用性好高,拍出來效果也很不錯呢! 
     

    Sony Xperia X Performace 評測系列

    依舊好慳電! Sony Xperia X Performance 電量測試 勝上代 赢對手
    兩大絕招 K.O. 對手 ! Sony Xperia X 「人無佢有」相機功能

    資料由客戶提供

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia X Performance
    • 現時售價: 已下市
    • 尺寸: 143.7 x 70.4 x 8.7 mm / 164 g
    • 電池: 2700 mAh
    • 插卡: microSD
    • 螢幕: 1920 x 1080、 5 吋 IPS TFT
    • 相機: 2300 萬像素CMOS
    • 顏色: 黑/銀/黃綠/粉
    • 時間: N/A
    • 上市: 2016-06-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • SONY Xperia X
    • 現時售價: 已下市
    • 尺寸: 142.7 x 69.4 x 7.9 mm / 153 g
    • 電池: 2620 mAh
    • 插卡: microSD
    • 螢幕: 1920 x 1080、 5 吋 IPS TFT
    • 相機: 2300 萬像素CMOS
    • 顏色: 黑/銀/黃綠/粉
    • 時間: N/A
    • 上市: 2016-06-17
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔