中階機款,相機旗艦級!Sony XA1、XA1 Ultra 容量大提升!

左定坤 (Cho Ting Kwan) 2017-02-25 19:47 | Sony
之前版主同大舖店員吹開水,話 Sony 三四月左右,會有兩部中階手機開賣,本來仲以為,今次 MWC 大展,Sony 應該不會有旗艦手機啦!點知估錯左,既有旗艦,又有中階。旗艦就有 Xperia XZ Premium、Xperia XZs,而中階就有 XA1 以及 XA1 Ultra。有關旗艦新機的詳情,可以按這裡睇番,本文版主就會同大家講下,到底 XA1 同 XA1 Ultra 有乜特別。睇下文啦!

XA ULTRA (Facebook).jpg

好有趣的是,估唔到 Sony Xperia XA 同 XA Ultra 嘅後繼機,居然唔係叫 XA2,亦都唔係好似傳聞咁,叫 XA (2017),而係叫做 XA1 同 XA1 Ultra,版主總是覺得怪怪的,不過算了,都係名一個啫!呢兩部手機預計於 2017 年春季上市,同大舖店員講的三四月不謀而合。

外觀設計跟上代幾乎無分別,同樣採用超窄邊框

Sony 呢兩部 XA1 系列新機,在外觀上繼承了之前 XA 系列的超窄邊框設計,屏幕大小同埋解像度都同舊款的一樣,XA1 用上 5 吋 HD 屏幕,而 XA1 Ultra 則用上 6 吋 FHD 屏幕,而整體造型上亦都用番 Sony Mobile 近期好興嘅 Unified Design 設計,由外至內都係講求一致性,呢種咁嘅設計,唔知網友又喜唔喜歡呢? 至於顏色方面,兩部新機同樣有黑色、白色、粉紅色以及金色四種選擇。

Screen Shot 2017-02-27 at 3.50.23 PM.png
▲ Xperia XA1 有四種顏色,分別為白、黑、粉以及金。

Screen Shot 2017-02-27 at 3.49.36 PM.png

Screen Shot 2017-02-27 at 3.50.08 PM.png
▲ 同 XA 一樣,用上了窄邊框設計,網友又喜歡不?

中階手機,旗艦級相機配置!

睇番上代嘅 Xperia XA 以及 XA Ultra,兩部機都係主打相機同自拍等功能,而今次新一代嘅 XA1 以及 XA1 Ultra,在主相機的規格上更有進一步嘅升級。XA1 以及 XA1 Ultra,採用了跟 Z5 同級的 1/2.3 吋 2300 萬像素 Exmor RS 感光元件,並支援 0.6 秒快速啟動連拍攝、混合自動對焦等功能;而前置相機方面則同上代無分別,XA1 內置 800 萬像素前置相機,而 XA1 Ultra 則配備了 1600 萬像素光學防手震前置相機,並內建自拍閃光燈。

Screen Shot 2017-02-27 at 3.49.41 PM.png
▲ 配備同 Z5 同級的 2300 萬像素相機。

Screen Shot 2017-02-27 at 3.49.49 PM.png
▲ Sony 表示就算在低光環境下,拍攝表現都會相當出色。

Screen Shot 2017-02-27 at 3.49.56 PM.png
▲ 同時亦有自動追焦功能。

Screen Shot 2017-02-27 at 3.50.03 PM.png
▲ 前置鏡頭有 800 萬像素。

配備 MTK P20 處理器,記憶體、儲存容量大升級!

至於其他配置方面,XA1、XA1 Ultra 同樣配備了 MTK Helio P20 八核心處理器 (又係 MTK......),無錯雖然呢粒 U 會比上代 P10 效能更好,但 MTK 喎,就唔係個個會受。不過值得一讚的,應該係呢兩部手機嘅記憶體以及儲存空間,終於都肯升級!

唔好講笑,上代 XA 同 XA Ultra,兩部都係得果 16GB ROM,XA 仲衰,連 RAM 都得 2GB (XA Ultra 有 3GB),放到今時今日來說,真係唔夠用。不過去到新一代,版主都要俾個讚 Sony,XA1 升級至 3GB RAM + 32GB ROM,而 XA1 Ultra 則升級至 4GB RAM + 64GB ROM,雖然容量唔算特別大,但相信都夠大部份人使用。另外,兩部新機亦支持 MTK PE2.0 快充技術,同時亦都可以擴充記憶卡,而 XA1 Ultra 更支持「真三卡」,可以同時放置兩張 SIM 卡以及一張 microSD 記憶卡。

整體成部機大致係咁,價錢方面版主估計,都係同上代的開價差不多,唔知網友對呢兩部中階手機,又有啲乜嘢睇法呢?留言一齊討論下啦!

Sony Xperia XZ Premium 在文章發表時,香港上市日期未定,按這裡有詳細規格及最新賣價
Sony Xperia XZs 在文章發表時,香港上市日期未定,按這裡有詳細規格及最新賣價

相關產品 (2)

相關報導 (3)

新年清舊貨!Sony 大芒手機大舖有新低價,同價位最抵應係「佢」?

新年清舊貨!Sony 大芒手機大舖有新低價,同價位最抵應係「佢」?

還有不夠10日,就係農曆新年,以為大舖會跟往常般,一到特別節日會將一大堆手機減價?我最期望的畫面,今次似乎沒有出現了。雖然衛訊某些手機型號係有貼住「新春優惠價」,但實際上個價都同上個月一樣,無減價。諗住得返咁少時間,應該價錢上都唔會再有變動,殊不知今日行場時留意到,原來Sony又有兩部手機在大舖出現了新低價。講緊邊兩部,又減得多唔多呢?睇下文啦!

左定坤 (Cho Ting Kwan) | 2018-02-08
最後機會! 免費得 Xperia XZs 凌晨前快報名體驗日

最後機會! 免費得 Xperia XZs 凌晨前快報名體驗日

Sony好快推出XperiaXZs!今次係相機部份再度升級,可拍攝每秒960格拍攝做出「超慢動作」,又點拍先最好?今次ePrice.HK與SonyMobile合辦「SonyXperiaXZs網友體驗日」,我哋請到最攪鬼嘅「100毛」攝影師DericWong,為大家分享XperiaXZs拍攝之樂!我哋仲會安排可愛小貓,等大家即場用XperiaXZs試拍「超慢動作」小貓玩遊戲短片,拍得最好嘅一位,即有機會得到XperiaXZs手機一部!

管理員 | 2017-03-27
中階機款,相機旗艦級!Sony XA1、XA1 Ultra 容量大提升!

中階機款,相機旗艦級!Sony XA1、XA1 Ultra 容量大提升!

之前版主同大舖店員吹開水,話Sony三四月左右,會有兩部中階手機開賣,本來仲以為,今次MWC大展,Sony應該不會有旗艦手機啦!點知估錯左,既有旗艦,又有中階。旗艦就有XperiaXZPremium、XperiaXZs,而中階就有XA1以及XA1Ultra。有關旗艦新機的詳情,可以按這裡睇番,本文版主就會同大家講下,到底XA1同XA1Ultra有乜特別。睇下文啦!

左定坤 (Cho Ting Kwan) | 2017-02-27

最新新聞