比旗艦更有吸引力?Sony、三星中階手機平價鬥,網友會撐邊部?
|
Sony
先講 Sony,其實早排 S630 手機 Xperia XA2 減咗價,由原本企硬唔減的 $2698,大舖減咗 $200 賣 $2498,其實減得咁少,係咪立即可以吸引到網友入手呢?未必,但有減總比無減好,你話係咪先。講規格配置,其實 Xperia XA2 並不算差,用上 5.2 吋 1080p 芒,有 S630 處理器,內置 3GB RAM 以及 32GB ROM,電量以 Sony 手機來說算大,有 3300mAh,正常使用一天唔使用尿袋應無問題。另外,XA2 亦具有前置廣角相機,支持 120 度廣角拍攝,用來自拍效果不錯。
至於三星中階手機有咁多,又講緊邊部呢?講緊嘅係首部具有雙鏡頭的 Galaxy C8 64GB 版本,唔係度度都有減喎,大舖無,但 csl. 就搶先減。正當大舖仲係減得果 $100 賣 $2898 的時候,csl. 已經行先一步,將 Galaxy C8 減到 $2698,而且唔使上台已經可以買到,叫做買機多一個地方考慮。Galaxy C8,值唔值得入手呢?一直以來 C 系列影相質素都不太理想,但 C8 在相機部份確係有少量的提升,勉強可以說在可接受範圍之內。而特別要注意的是,如果你係啲淨係睇 CPU 揀機嘅人,呢部 C8 或者就未必適合你,因為 C8 係用 MTK P25 處理器,就算佢講到幾好都好,網友都未必會 buy。不過之前都有提過,聽三星 promotor 所講,呢粒 P25 係同 C8 雙鏡頭配合得最好的處理器,你又會揀三星定 Sony 呢?
Sony Xperia XA2 在文章發表時,大舖賣價為 $2498,按這裡有詳細規格及最新賣價。
Samsung Galaxy C8 (64GB) 在文章發表時,大舖賣價為 $2898,按這裡有詳細規格及最新賣價。