主題:帶着 Sony XZ3 遊日本!相機實測,日拍、夜拍有進步?

ePrice HK
  • 發表時間:2018-09-20 03:13 收錄檢舉
    呢幾日版主就被獲邀到日本東京,出席 Sony Xperia XZ3 嘅簡介會,並體驗到底呢部 2018 下半年最新旗艦,實力到底係點。事實上,在之前 IFA 大展期間,版主 Keith 已經上手試玩過呢部 XZ3,不過果陣我無去,無得試玩,等到而家先可以喺日本上手。Sony 旗艦手機,代代都係講到相機好勁,係咪天下無敵,相信不是。不過佢一代比一代進步,亦是事實。比較好奇的是,明明舊代 XZ2 Premium 開始跟潮流玩雙鏡,點解突然間到 XZ3 又返轉頭玩單鏡呢?而玩返單鏡嘅 XZ3,影出來的成像又點?下文話你知。

    帶着 Sony XZ3 遊日本!相機實測,日拍、夜拍有進步?

    以旗艦手機嚟講,今時今日仲玩單鏡頭,會唔會太 out?傳媒問及點解會由舊代 XZ2 Premium 的雙鏡頭,無啦啦又返轉頭玩單鏡頭呢?Sony 就表示,XZ3 單鏡頭的拍攝能力,並唔會輸俾雙鏡頭,簡單點來說,就係話單鏡頭已足夠,無必要特登加個雙鏡頭落去。會唔會仲有其他內情?有佢哋都唔會話你知吧~表情 #4
     

    相機新功能 001:Side Sense 快速按快門

    有看過版主 Keith 之前試玩,都知道 Sony「參考」了 HTC 的 Edge Sense 設計,並喺 XZ3 上加入了 Side Sense 功能,作用除咗可以快速開啟常用應用程式之外,另一個作用就係 for 影相用。當你開啟相機後,在影相嘅時候點兩下屏幕側面,就相等於按下了快門。多一種按快門嘅方式,係方便嘅,不過版主試用時就覺得,佢個 Side Sense 有時太過 Sensitive,明明未擺好角度,但因為手指唔覺意 high 到屏幕側面點咗兩下,你個相簿就會無啦啦多咗張「劣照」/ 疑似偷拍的照片 (冤枉啊大人~ 我只係唔小心 high 錯制咋!表情 #5)。

    帶着 Sony XZ3 遊日本!相機實測,日拍、夜拍有進步?
     

    相機新功能 002:Smart Launch

    除咗 Side Sense,XZ3 亦都加入咗 Smart Launch 功能,當你喺褲袋拎部手機出嚟,拎到面前並打橫部機,透過手機入面加速度感應器嘅偵測移動以及光源感應器偵測亮度嘅反應,佢會計算出你可能係想影相。呢個時候,神奇嘅事就出現了,佢會自動由閉屏畫面,進入拍照模式,呢個功能嘅目的係讓用家能夠更快啟動相機。概念上係好,實際係咪真係咁有用,則見仁見智。
     

    Sony Xperia XZ3 相機日本東京實拍

    好了,以上說的全是廢話 (其實又唔可以咁講嘅,當俾大家知下囉,可能有啲人會覺得實用),但其實相機幾方便都好,最終最關注的,都係佢可唔可以幫用家影到靚相。硬件上其實同上代一樣,都係用上 Motion Eye 19MP 鏡頭,並整合了 Exmor RS 感光元件、Sony G Lens 等級鏡頭、BIONZ for Mobile 處理器。雖然硬件上大致一樣,但 Sony 今次強調佢哋重新設計咗 XZ3 演算法,例如喺一啲容易失真過曝嘅環境下,透過 AI 可以自動調整曝光以及白平衡,令到成像表現更佳。

    講係無用,事不宜遲,就即刻展示俾大家睇下 XZ3 嘅成像,睇下你哋滿唔滿意呢部手機的表現。

    主相機實拍
    帶着 Sony XZ3 遊日本!相機實測,日拍、夜拍有進步?
    ▲ 食飯之前當然係相機食先!(光圈值:F2;快門速度:1/30s;感光度:ISO200)

    帶着 Sony XZ3 遊日本!相機實測,日拍、夜拍有進步?
    ▲ Sony 總部。(光圈值:F2;快門速度:1/400s;感光度:ISO40)

    帶着 Sony XZ3 遊日本!相機實測,日拍、夜拍有進步?
    (光圈值:F2;快門速度:1/125s;感光度:ISO40)

    帶着 Sony XZ3 遊日本!相機實測,日拍、夜拍有進步?
    ▲ 呢度係台場的 TeamLab 門外,有個摩天輪。(光圈值:F2;快門速度:1/1250s;感光度:ISO40)

    帶着 Sony XZ3 遊日本!相機實測,日拍、夜拍有進步?
    ▲ TeamLab 有咩睇?其實就好似之前我哋之前試 XZ2 Premium 果陣去嘅螢光花園咁,入面有好多光影嘅展覽,俾人影相打卡。(光圈值:F2;快門速度:1/125s;感光度:ISO640)

    帶着 Sony XZ3 遊日本!相機實測,日拍、夜拍有進步?
    (光圈值:F2;快門速度:1/8s;感光度:ISO1600)

    帶着 Sony XZ3 遊日本!相機實測,日拍、夜拍有進步?
    ▲ 媽~ 係高達啊!(光圈值:F2;快門速度:1/20s;感光度:ISO200)

    帶着 Sony XZ3 遊日本!相機實測,日拍、夜拍有進步? 帶着 Sony XZ3 遊日本!相機實測,日拍、夜拍有進步?
    ▲ XZ3 (左) VS XZ2 Premium (右)

    帶着 Sony XZ3 遊日本!相機實測,日拍、夜拍有進步? 帶着 Sony XZ3 遊日本!相機實測,日拍、夜拍有進步?
    ▲ XZ3 (左) VS XZ2 Premium (右)

    前置鏡頭實拍
    帶着 Sony XZ3 遊日本!相機實測,日拍、夜拍有進步?
    ▲ 今代嘅 XZ3 喺前置鏡頭部份,將像素由 5MP 提升到 13MP,光圈值有 F1.9。同時,XZ3 前置鏡頭亦支持美顏拍攝、眼鏡偵測、臉部辨識、景深等功能。

    帶着 Sony XZ3 遊日本!相機實測,日拍、夜拍有進步?
    ▲ 唔係新鮮事,不過都講下,自拍亦都會有補光燈功能,就算你在漆黑不見五指的環境下,開咗補光燈都可以清晰見到你個樣。


    帶着 Sony XZ3 遊日本!相機實測,日拍、夜拍有進步? 帶着 Sony XZ3 遊日本!相機實測,日拍、夜拍有進步?
    ▲ 左:美顏自拍(景深)、右:美顏自拍(正常)
     

    小結

    關於相機部份,版主就簡單地做個總結。首先抵讚嘅係,我成日都覺得 Sony 手機影相係好慢,我指嘅慢係好多時按完快門,影完,但預覽位置都仲係度轉圈,而今代 XZ3 似乎改善咗呢部份嘅問題。同時,日拍成像細緻度都算幾高,放大相片連樹木的紋理都可以看得到,雖然還是有少許油畫,但相比兩年之前明顯看出它的進步;而夜拍部份則噪點較為明顯,亦都係一樣有少許油畫,但還是在可接受範圍內。睇完 XZ3 的成像,你又覺得質素如何呢?留言講下你的感覺吧!

    Sony Xperia XZ3 在文章發表時,香港上市日期未定,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • SONY Xperia XZ3
    • 現時售價: HK $6,198
    • 尺寸: 158 x 73 x 9.9 mm / 193 g
    • 電池: 3300 mAh
    • 插卡: microSD
    • 螢幕: 2880 x 1440、 6 吋 OLED
    • 相機: 1900 萬像素CMOS
    • 顏色: 黑/銀/綠/紅
    • 時間: N/A
    • 上市: 2018-10-12
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 無 3.5mm 耳機孔