外型靚仔 有 6GB RAM!Sony 6 系中階手機 限時有新低價

左定坤 (Cho Ting Kwan) 2018-12-21 18:36 | Sony
版主幾乎每日都會同大家分享手機減價情報,然而有網友就同我講,成日講來講去都係旗艦手機,可唔可以講下中低階的手機減價消息呢?可能你會覺得我有點忽略了唔追求效能、唔打機的網友,不過事實上旗艦減價往往更為有吸引力,況且大舖中低階手機減價其實並不多,都好難成日分享到咁多。今次,就順應民意,講下中階機:最近有網店將 Sony 6GB RAM 中階機限時減價,賣呢個價又會否係好選擇呢?睇下文啦!

Sony(Facebook).jpg

又到星期五,是豐澤例行「出招劈價」的日子,今次佢哋將 Sony Xperia XA2 Plus 減價,出面大舖仲係賣緊 $2898 之際,網店就將佢以 $2598 賣,呢個價你點睇?講真,呢個價買 S630 手機,其實我認為價錢還是偏高,但比較可取的是,佢可以話係近年最靚的 Sony 手機,你又同唔同意先?相信,就算性價比唔算高,但 Sony 忠粉應該都不會介意。

48425009_590672401384932_1059805243534999552_n.png

剛才說過,$2588 買 S630 手機,雖然外型係幾靚仔,但性價比並不算十分高。那差不多價位會有甚麼其他的選擇呢?唔介意畀多幾百,可以考慮 $2998 的 Samsung Galaxy A7,具有三個主鏡頭,配備 Exynos 7885 處理器,有朋友用緊覺得算是不錯。華為都有不錯選擇,Nova 3i 用 Kirin 710 處理器,機背有漸變色都算幾靚,又有 128GB ROM,大舖只係賣緊 $2288,性價比幾高。嗯,講中階機亦不得不提 HTC U12 Life,出咗無耐大舖已有減價,最新賣價為 $2198,有 S636 處理器,普通用又得,平時間唔中玩下一般 Game,都支持得住。

上面講講咗咁多選擇,有無邊部啱你心水呢?其實,講咁多都係唔夠昨日版主分享,$2500 都唔使就買到嘅 POCOPHONE F1 咁抵玩,畢竟佢係旗艦手機,同中階機比都係兩個層次。不過,都要視乎你個人會唔會想用大陸機嘅~留言講下你會點揀啦!

Sony Xperia XA2 Plus 在文章發表時,大舖賣價為 $2898,按這裡有詳細規格及最新賣價
Samsung Galaxy A7 (2018) 在文章發表時,大舖賣價為 $2998,按這裡有詳細規格及最新賣價
Nova 3i 在文章發表時,大舖賣價為 $2288,按這裡有詳細規格及最新賣價
HTC U12 Life 在文章發表時,大舖賣價為 $2198,按這裡有詳細規格及最新賣價
POCOPHONE F1 在文章發表時,SmarTone 優惠價為 $2499,按這裡有詳細規格及最新賣價

最新新聞