4K 120Hz 芒!相機、娛樂係賣點!Sony S888 旗艦 Xperia 1 III 發表

左定坤 (Cho Ting Kwan) 2021-04-14 15:07 | Sony
Sony 終於有新機推出喇!傳聞一直都講話會有 Xperia 1 III 以及 Xperia 10 III,但今次真係估你唔到原來有第三部,就係 Xperia 5 III,呢個 Xperia 5 系列以往都係下半年先發表,而家提早一次過 Show 哂畀大家睇,反而令我對下半年仲會出乜機,有少少期待。呢篇文章版主主要會講咗 Xperia 1 III 先,想知呢部旗艦手機有乜賣點,內文話你知!

FB.jpg

Sony Xperia 1 III 三色登出!磨砂機背配 S888 + 4K HDR 芒

Sony Xperia 1 III 正式推出,延續過去 Xperia 1 系列嘅特色,用上 4K HDR OLED 21:9 比例嘅 CinemaWide 導演模式廣色域屏幕,並且今次仲首次加入 4K 120Hz 屏幕刷新率,無論係滑動手機或者睇片玩遊戲,都會有相當流暢嘅視覺體驗,而呢部 Xperia 1 III 更係全球第一部用 4K 120Hz 並用上 HDR OLED 屏幕嘅手機。

至於規格部分,Xperia 1 III 一如預期配備咗 Qualcomm Snapdragon 888 5G 5nm 制程處理器,內置 12GB RAM 以及 256GB / 512GB ROM,正面屏幕部分採用最新一代康寧大猩猩 Glass Victus 玻璃面板,背面則係用磨砂玻璃質感嘅康寧大猩猩 Glass 6 玻璃。而電池容量部分,今次 Xperia 1 III 內置咗 4500mAh 電,並支持無線充電以及反向充電功能,順帶一提嘅係,今次隨盒會附上 30W USB Type C 充電器,相比上代 18W 充電器快咗好多。顏色方面有灰色、紫色、黑色三種選擇。

圖片 012.png

圖片 009.png

重點依然係相機!三個鏡頭擁有四個光學焦段嘅拍攝能力

相機依然係 Sony Xperia 1 III 嘅賣點,今次 Xperia 1 III 雖然同上代一樣,望落都係用 3+1 (iToF) 鏡頭,而且都係擁有 ZEISS 字樣以及 T* 鍍膜嘅特色,外觀上仲見到一組好明顯嘅潛望式鏡頭,但如果你以為 Xperia 1 III 只係將望遠鏡頭升級,咁就錯哂!

Xperia 1 III 確實係有潛望鏡頭,但呢粒潛望鏡頭就擁有雙切換光學焦段設計,Sony 將潛望鏡頭內部設計咗一組可調整焦距鏡片組嘅功能,令望遠鏡頭可以擁有 70mm 與 105mm 兩種實際光學焦段嘅拍攝能力。

亦即係話,Xperia 1 III 雖然只係得三個拍攝鏡頭,但就同時擁有 16mm、24mm、70mm 以及 105mm 嘅拍攝能力,Sony 表示咁樣設計嘅目的係令使用者嘅長焦拍攝功能,可以延伸到 105mm 嘅旅遊鏡視角,並且透過數碼變焦 AI 補差點嘅 Zoom in 之下,可以達到就算去到 300mm 都能夠拍攝得清楚嘅變焦能力。

圖片 010.png

至於相機嘅硬件規格係點,Sony Xperia 1 III 有三個主鏡頭,分別為:

— 標準鏡頭:12MP ExymorRS 1/1.7 感光元件,搭配 F1.7 光圈,支援 OIS 光學防手震,支持 DualPD AF 對焦。

— 超廣角鏡頭:12MP ExymorRS 1/2.6 感光元件,搭配 F2.2 光圈,支持 DualPD AF 對焦。

— 望遠鏡頭:12MP ExmorRS 1/2.9 感光元件,搭配 70mm / 105mm 可變動焦距,光圈 F2.3 / F2.8 會隨鏡頭焦距調整,支援 OIS 光學防手震,支持 DualPD AF 對焦。


另外,Sony 引以為傲嘅 Real time EyeAF 實時眼部對焦系統,喺 Xperia 1 III 上亦都會擁有,手機喺自動追焦嘅情況下,可以達到每秒 20 張嘅連拍速度,而且每張相都可以對焦得到,而唔係亂咁影。

最後喺相機應用程式嘅部分,Sony 最後決定移除最原始嘅「Camera 相機」,以上代推出嘅 Photo Pro 相機應用程式取以代之,並且除咗 P / S / M / Auto 模式,仲加入了一個 Basic 模式,而呢個模式實際就係以前用開最原始果個 Camera 相機,簡單嚟講就係將呢兩個影相 App 合二為一。

打影音娛樂中心,打造最強娛樂手機

Sony Xperia 1 III 賣點除咗係相機,影音娛樂方面亦係其中一個賣點,今次同樣主打 Hi-Res 音效播放功能,並且透過自家可播送 990Kbps 嘅 LDAC 技術,令無線耳機都可以享受 Hi-Res 嘅效果,並且藉由 DSEE Ultimate 數位音質還原技術,運用 AI 自動優化音訊頻率及位元率,令非高音質嘅串流音樂檔案都能夠享受與 Hi-Res 相同嘅高解析音質效果。

而喺影音部分,Xperia 1 III 支援真實顯色 P3 色域與 BT.2020 顯色空間,同時今次 Sony 都表示手機喺出廠嘅時候會經過嚴謹嘅校色先會送到消費者手上,咁樣使用者手機屏幕嘅色準誤差率亦會變得更小;同時喺睇戲嗰陣,Xperia 1 III 亦支援 Dolby Atmos 全景聲功能以及 360 度 RealityAudio 環繞音效功能,且今次唔止耳機支援 360 度 RealityAudio 環繞音效,在外放喇叭部分亦都支援 360 度 RealityAudio 環繞音效,最大響聲也比上一代 Xperia 1 II 高出 40%,讓 Xperia 1 III 嘅使用者能夠更沉浸喺影音視聽體驗當中。

遊戲功能部分,Xperia 1 III 同樣支援遊戲中心控制,而這次嘅遊戲中心又進一步強化,特別支援「Low gamma raiser 暗部背景增強模式」,使用者如果玩嘅遊戲有太多黑暗背景很難睇到細節,呢個功能會透過 AI 分析畫面嘅亮暗部,去自動提升畫面中嘅暗部細節,讓使用者能夠輕易地看清楚畫面細節;而另外新增的「Audio equalizer 」功能則是讓遊戲中心可以直接開啟音效等化器功能,讓使用者直接調整遊戲的音效,從中低音到高音頻的頻率都能夠調整,方便使用者聽聲辨位,另外還能藉由內建的麥克風降噪功能搭配耳機麥克風使用。

最後還有一個來自於 PlayStation 玩家熟悉的功能:「R.T record 30 秒回放預錄」,玩家只要在遊戲中心按下這個功能,手機就會自動幫你錄下過去 30 秒的遊戲畫面存檔,讓你不會錯過每一個擊殺成功 BOSS 的精彩瞬間。

Sony Xperia 1 III 在文章發表時,香港上市日期未定,按這裡有詳細規格及最新賣價

相關產品 (1)

相關報導 (5)

Sony Xperia 1 III 香港推新色!實機上手即睇 買佢定買 PRO-I?

Sony Xperia 1 III 香港推新色!實機上手即睇 買佢定買 PRO-I?

Sony最近推出一部超強拍攝旗艦手機,XperiaPRO-I,用上1吋感光元件,聽上來好厲害,而我們亦有上手試過這部手機的相機,表現是不錯,拍出來有Sony相機的味道,可惜試不到夜拍。不過,這部手機是強,但價錢也是相對的貴。如果嫌這部手機價錢太高,可以考慮較便宜一點的Xperia1III,最近更在香港推出了綠色新色,到底真機又是否美觀呢?立即同大家上手看看實機如何。

Jason | 2021-10-30
專業攝影值得擁有!話你知 Sony Xperia 1 III 點解係「拍攝最強」

專業攝影值得擁有!話你知 Sony Xperia 1 III 點解係「拍攝最強」

有人問我,我就會講,近期有甚麼手機值得入手。若果你好注重手機的相機表現,我會首選推介SonyXperia1III。用了這部手機大約三個星期,我發現它真的是一個神器,一個用來影貓狗、影BB的神器,對焦快、連拍快,實在是那些經常煩惱無法捕捉到小動物、BB最自然一面的救星。在這篇文章中,我就會同大家分享,SonyXperia1III相機功能有多實用。Let'sGo!

管理員 | 2021-08-26
相機、效能拼三星 S21 Ultra!Sony Xperia 1 III 開箱評測

相機、效能拼三星 S21 Ultra!Sony Xperia 1 III 開箱評測

SONY每年都會在上半年發佈Xperia旗艦機,再在下半年正式開售,今年也不例外。今年SONY就在七月正式在香港推出旗艦手機Xperia1III,作為最強勁的旗艦系列的Xperia1第三代產品,相信最注目的繼續是4K螢幕和高質素相機。今代小編就帶大家全方位評測Xperia1III。

DanielTangHK | 2021-07-08
有兩個版本!Sony Xperia 1 III 香港賣價 立即睇

有兩個版本!Sony Xperia 1 III 香港賣價 立即睇

SonyXperia1III,會在2021年7月6日香港發表,而且即日會在各大零售商接受預訂,本來以為會好快就開賣,但上回版主就告訴大家,原來就算月初有得訂都好,都要等到7月30日才開賣。現時我們還欠的資料,相信應該是價錢部份。原來,香港會推出兩個版本,建議零售價最平可以幾錢入手呢?看下文吧!

左定坤 (Cho Ting Kwan) | 2021-07-05
4K 120Hz 芒!相機、娛樂係賣點!Sony S888 旗艦 Xperia 1 III 發表

4K 120Hz 芒!相機、娛樂係賣點!Sony S888 旗艦 Xperia 1 III 發表

Sony終於有新機推出喇!傳聞一直都講話會有Xperia1III以及Xperia10III,但今次真係估你唔到原來有第三部,就係Xperia5III,呢個Xperia5系列以往都係下半年先發表,而家提早一次過Show哂畀大家睇,反而令我對下半年仲會出乜機,有少少期待。呢篇文章版主主要會講咗Xperia1III先,想知呢部旗艦手機有乜賣點,內文話你知!

左定坤 (Cho Ting Kwan) | 2021-04-14

最新新聞