***重點升級：超廣角鏡頭大提升***
相機從來都係 Sony Xperia 1 系列嘅重點，喺硬件上，Xperia 1 VII 沿用咗上兩代嘅 24mm 廣角鏡頭，採用 1/1.35 吋感光元件，光圈為 F1.9，之所以繼續用返之前嘅廣角鏡頭，最主要原因係呢個廣角鏡頭本身實力已經足夠強大，唔少用家都對之讚不絕口，認為即使同全片幅相機比較，亦唔會有太大落差，而低光拍攝效果亦非常滿意，唯獨以往嘅 Xperia 手機中，遠焦鏡頭仍有唔少進步空間。
▲ 標準拍攝。
因此，上代嘅 Xperia 1 VI 就升級咗佢哋嘅遠攝鏡頭，由本來 Xperia 1 V 85-125mm 焦段，升級至 85-170mm，唔單止變焦距離更遠，而且仲支持遠攝微距功能，相比以前使用超廣角鏡頭嚟做微距拍攝，用遠攝鏡頭嚟拍微距照片，可以避免近距離拍攝陰影問題。
▲ 使用遠攝鏡頭拍攝。
▲ 遠攝鏡頭亦可以拍攝微距相片。
去到今代的 Xperia 1 VII，Sony 更升級咗佢哋嘅 16mm 超廣角鏡頭，用上咗 1/1.56 吋感光元件，相比上代嘅 1/2.55 吋大咗 2.1 倍，擁有更大尺寸嘅感光元件，有效提升低光源嘅拍攝性能，當拍攝夜間超廣角相片，成像可以更光亮，清晰度更高，而且噪點更低，並能拍出更柔和的色調效果。與上代的 Xperia 1 VI 相比，Xperia 1 VII 更加入咗超廣角鏡頭失真校正校能，可以降低使用超廣角時邊緣嘅變形情況，例如當你用超廣角影一班朋友，一般中間嘅人會比較有優勢，左右兩邊會因為超廣角而變到好似肥咗，而呢個校正功能就可以幫你修正返，幫你「還原靚靚」。
Sony Xperia 1 VII 相機 AI 功能超實用
Sony Xperia 1 VII 亦具有兩大相機新功能，當中包括 AI 大師級攝錄以及自動取景功能，到底係啲乜嚟呢？AI 大師級攝錄，簡單嚟講就係透過 AI 演算，可以追蹤拍攝主體。開啟「置中鎖定」功能，可以使拍攝主體保持畫面中間，關閉「置中鎖定」功能，亦能夠將手機變成穩定器，即使快速移動都可以保持穩定；而後者嘅自動取景功能仲厲害，可以喺 AI 偵測追蹤主體之外，同時拍攝全畫面同特寫影片，當中嘅特寫影片，你可以自行選擇唔同尺寸嘅 16:9 畫面，亦都可以自己設定橫向定係直向，方便作唔同用途，例如如果變成直向，方便用家 post Facebook Reels 或者 IG Reels，而橫向則作一條影片嘅 Close-up。
001: 配 Snapdragon 8 Elite 處理器，性能頂級
Sony Xperia 1 VII 配備最新嘅 Snapdragon 8 Elite 處理器，較上代 Snapdragon 8 Gen 3 性能更強，無論係多工處理、遊戲運行定係 AI 運算，都可以輕鬆應對。搭配 12GB RAM 與高達 512GB 儲存空間，確保流暢體驗與充足容量。此外，搭載 Vapor Chamber 散熱系統，即使長時間運行大型遊戲也能保持穩定。對於追求極致性能的你，這款手機是真正的「效能怪獸」。
002: 用上全新 BRAVIA AI 技術
早兩代 Sony 旗艦手機，都已經用上咗佢哋 BRAVIA 電視嘅影像技術， 而去到今代的 Xperia 1 VII，同樣將 BRAVIA 旗艦機型的影像處理技術，整合在 Xperia 手機之中，等用家可以用最高品質嘅顯示效果欣賞影片，同時亦具有強光影像增強模式，自動調整亮度、色域、色溫以及適應環境，最大亮度相比上代產品提升咗 20% 以上，等你可以喺戶外陽光底下，都可以清楚見到屏幕上嘅內容。
003: Walkman 級數音質表現
Sony Xperia 1 VII 除咗擁有靚芒之外，佢哋對於音質嘅表現亦都相當嚴謹，佢唔單止保留而家好多手機無嘅 3.5mm 耳機孔，而且仲支持 Walkman 嘅高品質聲音技術，具有 Walkman 同等級嘅「高音質電阻」以及「高音質焊料」，可以為用家帶來清新明亮嘅音效，低音表現更沉穩，與上代 Xperia 1 VI 相比，提升咗 10% 嘅音壓等級 (70-400Hz 間)，空間感更濃厚。當然，就算不是用上有線耳機，小編用了 Sony WH1000M5 頭戴耳機去聽歌，音質效果也是相當出色，配合強勁的降噪能力，令我可以沉浸在音樂嘅世界入面。
004: 電池續航力勁長
Sony Xperia 1 VII 續航方面都有提升咗唔少，佢用上咗獨特嘅節能設計，就算唔使叉電，都可以使用 2 天，小編都試過好多唔同品牌嘅手機，都會明顯覺得佢舊電真係幾襟用。喺進行社交媒體、網頁瀏覽等嘅時候，可以自動進行最佳化處理，改善每個應用程式嘅效能，從而節省更多電力。小編拎過呢部 Xperia 1 VII 出去影相，影咗半日時間，返到屋企都仲有 6X%，大家都知影相本身其實都幾用電，咁影咗半日都有咁多電剩，都算係十分唔錯。005: 支持部份 Google Gemini 功能
Sony Xperia 1 VII 預載 Android 15 系統，與 Google 的 Gemini AI 技術無縫整合，為用戶帶來智慧化的使用體驗。透過 Google Gemini，可以協助用戶完成日常工作，例如 AI 修圖、魔術橡皮擦、Circle to search 等功能。006: 超長軟件更新時間
今時今日手機電池使用壽命都好長，而 Sony Xperia 1 VII 電池使用壽命更長達 4 年。雖然電池使用時間好長，但大家可能會更關心，到底部機用到咁多年，但軟件更新方面追唔追得上呢？如果你係 Xperia 1 VII 嘅用家，呢樣真係唔使擔心，本來上代 Xperia 1 VI 已經支持 3 年 OS 作業系統更新以及 4 年安全性支援更新，而今代 Xperia 1 VII 更升級至 4 年嘅 OS 作業系統更新以及 6 年嘅安全性更新。007: 紫色超靚機身顏色回歸
Sony 手機喺配色方面毫不馬虎，知道有好多 Fans 都期待 Sony 出返紫色嘅旗艦手機，所以今次佢哋 Xperia 1 VII 會有三種顏色，包括有夜暮黑、暮蘭紫以及暮松綠，雖然以往都曾經有推出過紫色嘅手機，不過今次 Xperia 1 VII 呢隻字，相比以往更加出色，紫色更為明顯，或者可以更加吸引到 Fans 興趣。你又鍾唔鍾意呢？
Sony Xperia 1 VII 香港賣價 + 上市資訊
最後價錢方面，Sony Xperia 1 VII 即日起至 5 月 22 日正式接受預訂，有 256GB 以及 512GB 兩個儲存容量版本，建議零售價分別為 $10199 以及 $10999，而預售期間購買 Xperia 1 VII，可享高達 $3300 優惠，當中包括：1. $800 超市禮券 / 海洋公園入場票 2 張 / + $699 購買 WH-1000XM5 頭戴式降噪耳機 (價值 $3190)
2. 抗菌手 機套 (價值 $290)
3. 現有 Sony Xperia 客戶升級至 Xperia 1 VII，更可享額外 $500 舊有客戶優惠。
扣除優惠之後，其實手機七千蚊左右就買到，你又會唔會考慮立即預購呢？
資料由客戶提供