Sony ： Xperia ZR 玩多色 主打夏日時尚市場！
係睇達人、網友點評 Xperia ZR 之前，不如先參考 Sony 官方的講法吧，原來在 Xperia ZR 上面用上了獨特的 Iconic Design ，型格的外形是適合一些對設計有高要求的用家，而且正值夏日，推出粉紅和湖水綠色去迎合時尚用家的需要。規格上面它用上了四核心、 2GB RAM 、 1300 萬像素鏡頭的配置，配合實體快門和 IP5/8 防水功能仲可以實現水底拍攝，大家可以參考 Sony Mobile HK產品部主管Geoff 對這部機的介紹影片：▲大家可以參考 Jeoff 對 Sony Xperia ZR 的介紹
達人、玩家點評 Xperia ZR
ePrice 的版主們其實已經詳細玩過日版機、日夜和水底拍攝拍攝、甚至連屏幕和跑分功能都試光了，大家想睇詳測其實可以參考番之前的文章，不過買機除左睇由頭試到尾既詳盡評測，玩家、達人既睇法都值得參考架，一齊睇睇吧：Phone Magazine 編輯 Jimmy Tang : 規格四平八穩，價錢略貴
畢竟 Xperia ZR 是用了四核心處理器配合 2GB RAM ，玩起來還是有不錯的流暢度，而且感覺上它屏幕的質素之進步了，這點都相當不錯，功能上還是 Xperia Z 上面的那些，不過加入了實體功能鍵，可以做到防水拍攝，是它一個大賣點。說到價錢方面我認為 Xperia ZR 還是略貴了一點，平番 $100~200 可能會好點。
▲ Jimmy 認為 Xperia ZR 是一部不錯的手機，當場試起來感受也不錯
Android 中文資訊網編輯 Sky Yee:水底拍攝質素不錯，可加入「水底模式」
老實講我對 Xperia ZR 的水底拍攝相當有興趣，講到底都係呢部機既一大賣點麻，試完一輪我有幾個意見：首先這部機應該加一個「水底模式」，因為在水底拍攝的相片和影片都有點偏藍、偏綠，你可以話這是實際反應水底的影像，但影還是感覺怪怪的；要讚的是在水底拍攝仍然有不錯的銳利度，在陽光普照的日子下拍攝是不錯的，可是陰天時高 ISO 的表現還是令人擔心。
要留意的是，雖然有實體快門鍵，但在水底拍攝仍然有一定的限制，因為是不可以操作屏幕的，所有參數要一早設定好，也不可以在水底改變對無點，不過配合音量鍵仍然在可以在水底做到 16 倍的數碼變焦，還是有不錯的可用性的。
▲ Sky 也在試了幾張在水底拍攝的相片，大家可以參考一下
先達店員阿坤： $4,000 定價略高，設計比較沒有特色
試玩這部機，覺得 Xperia ZR 的性能不錯，無論是翻頁或是從主頁跳進 Apps Drawer 也有不錯的流暢度，除此之外，屏幕、相機都有唔錯既表現。雖然這部機有防水功能，但機身設計實在太厚了（版主按：10.4mm)，如果我鐘意薄身靚仔機我會選擇 Xperia Z ，而且 $4,000 可以選擇的機種真是太多，比著我未都必會選擇入手這一部機。
版主 Eddie 點睇：與同價位機種比，規格、防水稍勝一籌
版主一直有留意網友的投票，下午價錢一出的時侯不少網友說 Sony Xperia ZR 定價太高，有網友認為唔需要 4G LTE 會入手日版，亦有網友話會等埋 Xperia ZU 出左，上手玩過先決定，我都黎分享一些睇法吧：
首先我認為 Xperia ZR 的定位是中高階機款，如果要用佢同旗艦機比是不公平的，畢竟定價也硬生生的相差 $1,000 啊，說到同級機款，就是規格和定價都差不多的 Samsung Galaxy S3 LTE ($4,598)和 LG Optimus G ($4,498) 這兩部了， Xperia ZR 雖然是三機中最貴的一部，但有著 IP5／8 防水功能加持，又有 Xperia Z 上面既 1300 萬像素 Exmor RS 相機、加上淺綠色真是很特別，賣 $4,698 我都認為有市場的。
▲港版 Xperia ZR 上手的感覺還不錯，始終我不太喜歡 5 吋的大屏幕手機，它的單手觸控感覺剛剛好
網友意見齊齊傾：
睇完咁多位達人、玩家對 Xperia ZR 既睇法，唔知大家又同唔同意我地咁睇呢？版主相信網友們都有自己一套的見解，唔知大家心目中點睇 Xperia ZR 的定價、規格和設計各方面呢？ePrice 係一個開放既平台，歡迎大家留言分享的，無論 Like 唔 Like 都講下吧！
▲ 在下午的投票中雖然都有唔少網友話唔會入手，但的確有網友睇中佢防水＋換電的功能
▲ Facebook 方面呢？最多網友都係話減價先考慮，又大家認為需要減幾多先考慮呢？
▲其實都唔係一面倒話 Xperia ZR 貴，有唔少網友都覺得定價合理的，大家又有冇想補充的？留言講講吧！
在文章刊登的時侯， Sony Xperia ZR 預售價格 $ 4,698，按此看最新價格和詳細規格。
