Yahoo 團購偷步開賣！ Lenovo Vibe Shot 登場
今次版主所提到的旗艦級新機所指的就係 Lenovo Vibe Shot 啦！相信大家對呢部機的認識都唔太深，所以版主首先就簡介一下先！ Lenovo Vibe Shot 係年頭 MWC 2015 時發佈，憑住獨特的外型設計加上強大的相機鏡頭都成功吸引到不少媒體的目光。係規格上 Vibe Shot 除左支援雙卡之外更加有 5.0 吋 FHD 解像度，處理器就係 64 bit 的 Qualcomm Snapdragon 615 1.7GHz 八核配 3GB RAM 以及 32GB 內置容量（支援最大 128GB SD 卡）。相信到左呢度大家都會有個疑問，呢個擺明就係中階機規格，點可能稱之為旗艦呢？分明吹水！其實 Vibe Shot 主打的賣點就係佢嘅 1600 萬相機鏡頭，唔單止有 OIS 光學防手震同紅外線對焦，而且係最快對焦時間可以做到 0.157 秒，比起 LG G4 的 0.276 秒快接近一倍！係電量方面 Vibe Shot 亦都有 3000mAh 電量以及預載最新的 Android 5.1 。
▲ 跟據 Lenovo 大陸官方資料， Vibe Shot 的對焦速度比起 LG G4 更快！
目前 Lenovo Vibe 雖然仍然未係香港正式推出，但係 Yahoo 團購上就出現左呢部機的蹤影。如果大家以為係水貨機的話就大錯特錯了，因為版主收到風，原來 Vibe Shot 係香港的確係準備緊推出，估計 8 月頭會推出，而定價方面亦已經決定左，將會係 $2699 ，同今次 Yahoo 團購價一樣！唔知大家又覺得呢部 Lenovo 新機吸引力夠唔夠呢？一齊留言講講吧！
▲ 而家 Vibe Shot 係 Yahoo 團購仲可以買到，以「獨家優先訂購」作為賣點，定價亦同 8 月頭推出時價錢一致，唔知大家又會唔會考慮入手？