續航力之皇? 5000mAh 大電 P1 香港登場,價錢做到最平核電手機嗎?

Lawrence 2015-11-10 21:59 | Lenovo
今年 Samsung 的旗艦機放棄左可換電式設計引來不少批評,而另一邊廂 LG 不論係 V10 還是 G4 都仍然堅持電池可更換則得到網友的讚賞。兩個牌子旗艦機獲得的反應如此不同,某程度上可以說明大家對於手機的續航力仍然係相當重視的。今年好積極發展入門市場的 Lenovo 剛剛就發佈左一部主打 5000mAh 電量的新機 P1 ,一齊來睇睇佢賣價吸唔吸引先!

//timgm.eprice.com.hk/hk/mobile/img/2015-11/10/203802/prince1025_1_4566_45a50c249ab1755e8eb4b809f8c356c2.jpg

對決華為、 Moto ! Lenovo P1 做到最高性價比「核電」強機嗎?

今次 Lenovo 發佈的 P1 ,係規格上有 5.5 吋 FHD 大芒,香港推出的版本可以見到,處理器上 P1 用上了 Qualcomm S615 處理器搭 2GB RAM 以及 16GB 內置容量,而相機部份就係 1300 萬像素主鏡頭配 500 萬像素前鏡。表面上只係一部平平無奇的中階機,但其實 P1 真正的賣點就係其 5000mAh 電量,而且支援雙向快速充電技術,可以為其他裝置充電,完全係一部「為大電而生」的手機。唯一可惜的是,呢部 Lenovo P1 並不支援中港 4G,TD-LTE 的頻段方面只有 Band 40 (2300 MHz)。 有關 P1 的詳細表現,大家可以睇下版主 Keith 的開箱試玩! Lenovo P1 係價錢方面,定價為 $2499 ,將係 11 月 18 日開賣。係呢個價位下,呢部 5000 mAh 大電機主要的對手有 Mate 7 同埋暫未係香港推出的 Moto X Play 。

從規格看來, Lenovo P1 賣點明顯就係在不太差的規格下 sell 其大電量,咁對比一現時香港一眾大電強機,到底 P1 又有沒有優勢呢?如果純以電量來看的話,能夠同 P1 勉強有得比較的就只有華為上年推出的旗艦 Mate 7 。係規格上 Mate 7 的屏幕比起 P1 更大,有成 6 吋,在處理器上用左以省電為賣點的 Krin 925 ,更重要係有 4100mAh 電量。另外要留意係 Mate 7 標準版可能係 P1 最大的對手,因為近日衛訊做緊 Mate 7 清貨,價錢只係 $2950 ,同樣具有競爭力。

八核 4G 機皇香港賣 $3,780!華為 Ascend Mate 7 國際版開箱
▲Mate 7 標準版近日係衛訊有減價,不過推出左都有一段日子了。

除左 Mate 7 之外,同樣以大電為主打的仲有之前版主都分享過開箱的 Moto X Play ,跟 P1 同樣係 5.5 吋 FHD 芒同時有 3630 mAh 電量,可惜在港開賣日期而家都未有消息。除左以上兩部電池容量較大的大芒機外,可以留意續航力較為出色的手機仲有 CMHK 近排推出,定價只係 $888 定 and! A1 ,雖然規格相當一般但係其待機時間竟長達 150 小時!再附上呢幾部機的詳細規格比拼,大家可以參考下。

3630mAh 超大電! Moto X Play 續航、相機版主開箱一手試
▲ Moto X Play 以大電為賣點,可惜係香港唔知幾時出⋯⋯

//timgm.eprice.com.hk/hk/mobile/img/2015-11/10/203802/prince1025_5_4566_a9034f48f1942a07e1bdf7413eab55bf.png

仲有便宜點的樂檬 Note 及樂檬 2
最後,係今次發佈會中,Lenovo 同時仲推出左樂檬 Note 以及樂檬 2。在外型上樂檬 Note 的機身尺吋為 152.6 x 76.2 x 7.99 mm,重量為 140g,同 P1 一樣採用了 5.5 吋 IPS 屏幕。配罝方面,樂檬 Note 配備了 64 bit MediaTek MT6752 1.7GHz 八核心處理器,內置了 2GB RAM 以及 16GB ROM,並可支持最高 128 GB 的 microSD 卡。另外,樂檬 Note 配備了 1300 萬像素主鏡頭以及 500 萬像素前置鏡頭。電量方面,咁樂檬 Note 主打嘅唔係 「大電池」,所以電量都相差低啲,只有 2900 mAh,不過好就好在係使用可替換式的電池。樂檬 Note 亦會支援 64 位元 Lollipop 系統,並同樣於 11 月 18 日正式香港上市,建議零售價為港幣 HK $1399

至於樂檬 2,佢係一部主打「高性價比」的千元手機,將於 11 月 18 日上市,建議零售價只需 HK $1199,就可以享有 Qualcomm Snapdragon 410 四核心處理器、2GB RAM 以及 16GB ROM。而呢部樂檬 2 同樣配備 1300 萬像素主鏡頭以及 500 萬像素的前置鏡頭,更支援 4G 功能。不過呢部樂檬 2 只有 5 吋屏幕,相信唔少人應該會對呢部機興趣不大吧?

//timgm.eprice.com.hk/hk/mobile/img/2015-11/10/203802/prince1025_3_4566_179aabf1ee36fa86279373ea96e6e0d8.JPG
▲ 左邊是樂檬 Note,右邊是樂檬 2。

在文章刊登時,Lenovo Vibe P1 香港建議零售價為 HK $2499,按這裡有詳細規格及最新賣價

相關產品 (1)

相關報導 (3)

五千電量大測試 Lenovo P1 用足三日 不用充電

五千電量大測試 Lenovo P1 用足三日 不用充電

網友每天機不離手嘅時間,可能比食飯、飲水、睇電視嘅時間都要多。但手機電池,唔係部部都咁大,大部份係2000-3000mAh左右,不少網友都投訴唔夠用!LenovoP1最大賣點就係「電」,內置5000mAh電池,等於兩部其他手機嘅總電量!到底,5000mAh電池,代表什麼乜呢?以下我地用幾個測試,去了解一下,五千電係日常使用裡面,可以用到幾盡!

管理員 | 2015-12-03
連用 80 小時! 5000mAH 核電級 ! Lenovo P1 版主上手試

連用 80 小時! 5000mAH 核電級 ! Lenovo P1 版主上手試

當相機、屏幕、速度,都鬥到無得再鬥,大家理想嘅手機,可能係一部用得好耐,唔怕無電嘅長命手機。Lenovo呢部P1跟機有5000mAH大電池,聽落已經好吸引。版主玩過,呢部機其實真的為「慳電」而生?點解?

Keith Yim | 2015-11-16
 5000mAh 聯想 P1 香港開賣,價錢算唔算最平「核電皇」?

5000mAh 聯想 P1 香港開賣,價錢算唔算最平「核電皇」?

今年Samsung的旗艦機放棄左可換電式設計引來不少批評,而另一邊廂LG不論係V10還是G4都仍然堅持可換式則得到網友的讚賞。網友們對兩個牌子旗艦機的反應如此不同,某程度上可以見到大家對於手機的續航力仍然係相當重視的。今年好積極發展入門市場的Lenovo剛剛就發佈左一部主打5000mAh電量的新機P1,一齊來睇睇佢賣價吸唔吸引先!

Lawrence | 2015-11-11

最新新聞