K3 Note 採用了塑膠機背設計，令到機身相對地輕，呢個都可以話係 K3 Note 的特色之一，但呢個特點也許到了下一代就會失去。根據外媒消息指，下一代的 K4 Note 有傳會改用全金屬設計，就好似紅米 Note 3 咁，由塑膠變做金屬，同樣都係玩「高性價比」，唔知會唔會用埋紅米 Note 3 一樣的「膠質」金屬呢? 另外，K4 Note 有傳將會採用 5.5 吋 FHD 屏幕，同上一代一樣。
至於規格方面，K4 Note 有可能會採用 MTK Helio X10 或者 P10 處理器，記憶體方面將會有 2GB 以及 3GB 兩個版本，並內置 32GB ROM，但並不支援 microSD 卡。K4 Note 亦傳會配備 1300 萬像素主鏡頭以及 500 萬像素前置鏡頭，具備雙卡雙待以及 NFC 等功能，可惜電量方面，K4 Note 可能只有 3000mAh 電。另外，印度 Lenovo 在 Twitter 上透露，K4 Note 將會有指紋識別功能。
至於售價方面，2GB RAM 的 K4 Note 傳聞售價為 899 人民幣 (折合港幣約 HK $1073)，而 3GB 的則售 999 人民幣 (折合港幣約 HK $1192)。從配置上來看，除左 K4 Note 可能會多左 3GB RAM 版本同埋多左指紋識別之外，暫時黎睇其實同上一代的差別不大，而且仲要連最重要的 microSD 卡槽都無埋，版主都唔知對呢部機有咩野評價好了......希望一切只是傳聞，到推出時能夠帶給大家一個驚喜啦!
來源：GizChina | Lenovo India Twitter