劈價鬥小米 Max! 6.2 吋以上平板手機,你會點揀?

左定坤 (Cho Ting Kwan) 2016-04-25 19:19 | Lenovo
對於小米來說,明日 (10/5) 將會是重要的一天,原因有二,其一是小米 5 正式香港開賣,另外便是小米 Max 終於都已經正式發表了。作為中國最大手機品牌之一,華為的 Mate 系列大芒機咁成功,小米亦都唔執輸,出番部大芒機。而小米 Max 即將推出之際,現有可以稱得上為「平板手機」的,不少商戶為了要清舊貨,紛紛將這堆手機進行劈價,劈左幾多? 而你又會點揀呢?

//timgm.eprice.com.hk/hk/mobile/img/2016-04/25/205245/prince1025_1_4566_6412867d60d09c2e24b4fad73436a631.jpg

6.8 吋平板手機,大舖減四舊,網絡商入手更便宜?
提到平板手機,Lenovo 的 Phab 系列可謂是代表作之一,當中就包括 Phab Plus 以及 Phab。Phab Plus 大家就聽得多,但 Phab 大家就未必有留意到,如果唔知的話,仲以為 Phab Plus 是 Phab 的增強版,然而實情剛剛相反。Lenovo 於去年 9 月推出了 6.8 吋芒的 Phab Plus 之後,同年 12 月再推出一部相對入門版的 Phab,雖然芒增大至 6.98 吋,但處理器方面就由 Phab Plus 的八核心改為四核心,而價錢方面亦相對便宜。Phab Plus 和 Phab 開賣時分別售 $2488 和 $1999,而劈價後大舖 / 網絡商的最平售價分別為 $1898 以及 $1499。

如果有網友嫌呢兩部機唔值呢個價,想再平平地入手,可以考慮一下細舖。不過 Phab Plus 細舖價同大舖價差不 多,都係 $1880 左右,所以有興趣的話就建議都係去番大舖買比較好。至於 Phab,近日細舖都慢慢將佢嘅售價下調,目前售價大約為 $1098,呢個價錢,當買部平板番去,抵唔抵?

//timgm.eprice.com.hk/hk/mobile/img/2016-04/25/205245/prince1025_3_4566_47413a5f6eddccefe7a6b36cdaa812db.jpg
▲ 6.98 吋的 Lenovo Phab 雖然出得比 Phab Plus 遲,但其實好多大舖都唔見有賣。版主去果間衛訊,就賣緊 $1499,有藍、黑、白三隻色。如果係深水埗細舖,就賣緊約 $1098。

//timgm.eprice.com.hk/hk/mobile/img/2016-04/25/205245/prince1025_3_4566_a47dade9bd332083860ed25dadaba497.jpg
▲ 至於 Phab Plus 方面,可能因為規格好啲,所以不少大舖、網絡商都寧願放棄 Phab。SUN Mobile 的 Phab Plus 淨機賣緊 $1898,比大舖平多一舊。

華為重點旗艦機,劈價七百有套送,抵唔抵?
對 Lenovo 品牌的手機無信心? 國內頭三的華為又如何呢? 講到大芒機,不能不提的是華為的 MediaPad X2。呢部 MediaPad X2 舊年正式推出,是華為的重點旗艦級產品。雖然配備平板級數的 7 吋芒,但具有撥號功能,在港推出時,都受到不少人的注目,有網友曾稱它為一部「好機」。MediaPad X2 的建議零售價為 $3080,衛訊做緊「即減 $500」的優惠,即 $2580。不過如果仲嫌大舖貴的話,可以考慮細舖,深水埗大約做緊 $2298,並會送原廠皮套以及玻璃貼。

//timgm.eprice.com.hk/hk/mobile/img/2016-04/25/205245/prince1025_3_4566_c3003f9eb30edf06051c93c4aab30ee3.jpg
▲ MediaPad X2 大舖做緊 $2580 呢個價,而深水埗細舖就賣緊約 $2298。

P8 Max 最後一水,值得考慮?
華為 P9 日前終於正式在香港開賣,可惜就未見 P9 Plus 的現身。雖然 P9 Plus 未現身,但想搵番上代的 P8 Max 都未必咁容易。早前版主行開深水埗福仁,見到係有店舖標左 P8 Max 的價錢出黎,不過一問發現,原來 P8 Max 水貨好多都已經唔再賣了,而最後一水的 P8 Max 最平就賣緊約 $2200。不過日前某店家表示,之前曾經諗過都停賣,但後來發覺依然好賣,所以之後再入番。版主見到目前最平賣緊 $2350,specs 同 MediaPad X2 差不多,你會點揀呢?

//timgm.eprice.com.hk/hk/mobile/img/2016-04/25/205245/prince1025_1_4566_61518cf5b3bb5ae7879775127d0e7524.jpg
▲ 深水埗福仁最後一水最平見到約 $2200,不過有店家反映呢幾日個價有回升的跡象。

Lenovo Phab Plus 在文章發佈時,大舖賣價為 $1988,按這裡有詳細規格及最新賣價
Huawei MediaPad X2 在文章發佈時,大舖賣價為 $2580,按這裡有詳細規格及最新賣價
Huawei P8 Max 在文章發佈時,並沒有在香港上市,水貨價約 $2480,按這裡有詳細規格及最新賣價

相關產品 (1)

相關報導 (4)

小米 Max 大陸水貨到港!兩大賣點 你唔買唔得?

小米 Max 大陸水貨到港!兩大賣點 你唔買唔得?

昨日版主分享了兩篇關於六吋大芒手機嘅文章,一篇係外國媒體實測六吋芒SonyXperiaXAUltra、另一個係台灣版主Inno試玩6.44大芒嘅小米Max。估唔到,小米Max中國大陸水貨已到港!賣價一陣先講,但版主搵到兩個賣點,若你呢刻要揀大芒機,呢兩個賣點,可能令你一定要衝。此外,若果唔鍾意小米,又有無其他大芒選擇?

Keith Yim | 2016-05-18
劈價鬥小米 Max! 6.2 吋以上平板手機,你會點揀?

劈價鬥小米 Max! 6.2 吋以上平板手機,你會點揀?

成日都話,不少香港人都中意大芒機,呢個係一個不能否認的事實。而近日有不少消息傳出,小米將會在5月發表一部擁有6.4吋的小米Max,並且好大機會會在香港開賣,對於香港人來說,這個會是好消息嗎?就在小米Max即將推出之際,現有可以稱得上為「平板手機」的,不少商戶為了要清舊貨,紛紛將這堆手機進行劈價,劈左幾多?而你又會點揀呢?

左定坤 (Cho Ting Kwan) | 2016-05-09
6.8 吋芒 用 S615 CPU: Lenovo Phab Plus 跑分公開

6.8 吋芒 用 S615 CPU: Lenovo Phab Plus 跑分公開

話說尋日介紹完6.8吋特大螢幕的智能手機-LenovoPhabPlus,今日呢版主就即場上手試!之前講過話版主中意一啲大MON嘅手機嘅,所以今日一上手真心覺得:正!呢部機將於9月11日會喺香港全市開售,賣價二千五有找,價錢貴又唔算貴嘅,但實質好唔好用呢?為左解開呢個疑團,版主就為大家快速測試一下呢部機同埋講下對呢部機嘅感受,大家睇下買唔買得過啦!

左定坤 (Cho Ting Kwan) | 2015-09-05
新機個芒唔夠大? 二千五有找入手 6.8 吋 Full HD 又點睇

新機個芒唔夠大? 二千五有找入手 6.8 吋 Full HD 又點睇

9月3日嘅手機消息,全部都係SonyZ5天下。一出三部嘅Z5系列,的確吸引到不少人嘅眼球,但網友似乎覺得Z5Premium屏幕未夠大,如果去到6吋以上就好了。其實,若果真係要六吋屏幕,Sony自己都有部XperiaC5Ultra,但想更大個芒嘅話,聽日(9月4日)會有部FullHD解像度,6.8吋嘅型Phablet手機係香港公佈售價詳請。版主知道,呢部機支援中港4G外,更平過C5Ultra,二千五應該入到手!

左定坤 (Cho Ting Kwan) | 2015-09-03

最新新聞