6.4 吋雙鏡手機大舖減價
首先說說近期減價的大芒手機，呢部手機有 6.4 吋 1080p 芒，屏幕比例為 16:9，配備 MTK MT8783 處理器，內置 3GB RAM 以及 32GB ROM，電池容量有 4050mAh。而呢部手機的賣點，不單止有大芒大電，更是具有 13MP + 13MP 雙主鏡頭。講完咁多，仲未估到係邊部？正常嘅，因為呢部手機版主平時比較少提，佢就係 Lenovo Phab 2 Plus，最近衛訊做緊「聖誕優惠價」，只需 $1699 就可以買到，網友又會否考慮呢？
性價比王者！6.44 吋 + 5300mAh，至抵係佢?
講到大芒 + 大電，不得不提的應該是小米 Max 2 吧? 相比 Lenovo Phab 2 Plus，小米 Max 2 芒有 6.44 吋，電又有 5300mAh，而且仲要有 4GB RAM + 64GB ROM，不單止，而且更是用上 Qualcomm U，除了沒有雙鏡頭外，似乎各方面都相比 Lenovo Phab 2 Plus 更勝一籌。官方賣價亦不過是 $1899，相比 Phab 2 Plus 貴 $200，網友又會揀 Lenovo 抑或小米呢？
6 吋 Alcatel 新機現身，配雙鏡頭，會是對手?
除左 Lenovo Phab 2 Plus 同埋小米 Max 2，其實亦都可以考慮 Alcatel 最近推出的 A7 XL，具有 6 吋 1080p 芒，配備 MTK MT6750S 處理器，內置 3GB RAM 以及 32GB ROM，並具有 4000mAh 電池。雖然係用上 MTK U，不過算是近年 Alcatel 手機中，規格相對是好一點的一部。另外，A7 XL 亦是 Alcatel 首款在香港推出的雙鏡頭手機，兩個鏡頭分別為 12MP + 2MP，並具有 ReFocus 功能，能夠做到先拍攝後對焦。價錢方面，Alcatel A7 XL 建議零售價為 $1888，呢個價錢你又是否能夠接受呢？
Lenovo Phab 2 Plus 在文章發表時，大舖賣價為 $1699﹐按這裡有詳細規格及最新賣價。
小米 Max 2 在文章發表時，官網賣價為 $1899，按這裡有詳細規格及最新賣價。
Alcatel A7 XL 在文章發表時，建議零售價為 $1888，按這裡有詳細規格及最新賣價。