▲之前炒貴 $200 的紅米 1s 在場內用 $990 就可以買到，不過官方都開賣之餘，又送電池，睇怕場內要再減先吸到客
紅米 1s 場內清貨價平手賣！官網訂送電池、座充、保護貼！
紅米 1s 其實係 7 月就已經正式開賣唔使搶，因此紅米係場內既價錢都一直係度跌，最近版主行場都發現紅米 1s 價錢已經跌到 $990 甚至 $980 既蝕本價清貨，而紅米 Note 亦都係 $1,300 有找就買得到。不過官方係呢排應該著力清楚，首先係中秋推出送電池、座充同埋保護貼既優惠，三樣野加埋值 $147 ；今日又將呢個優惠延長，睇怕場內既紅米 1s 價錢會跌得更勁。話說回來，小米之前係北京發佈小米 4 ，FDD-LTE 版本要年底先有，究竟香港幾時會有？場內的鋪頭就話要等多兩、三個月，亦都係差唔多年底既時侯先有，有冇 4G 就暫時未知。但係魅族 MX4 就預定係 9 月 20 登陸香港，你係咪仲等？真係自己諗過啦
。
▲現時落單買紅米 1s 就自動會有保護貼、電池座充和專用電池送，隨時可以買到唔需要輪，不過就限 mi.com/hk 訂先有
在文章發佈的時便，紅米 1s 定價 $999 ，按此看詳細規格和最新賣價。