小米重量級旗艦 1 月發佈!會是小米 4S 還是小米 Arch ?
其實早幾日網上已經流傳一張疑似小米 4S 的真機圖,我們可以看到有特窄邊框設計已經和小米 4 有相當大的分別,有點令人想起 Pantech Vega Iron 2,不過還未有更完整的規格流出;而另一方面網上又流傳了一張小米手機 Arch 的圖像,我們可以見到採用了雙曲面屏幕,但是不是合成圖片就不得而知啦。呢兩部機係空穴來風?其實未必,因為小米他們在小米手機微博上面公佈 1 月 15 號就會有一部「重量級旗艦」產品即將發佈,版主都收到消息應該會有手機產品,看來大家可以等下一部小米旗艦啦。另外接近發佈時期又好多消息流傳,包括採用 Intel 處理器的小米平板 2代 與再一次傳出會有賣 $2,999 人民幣但係用 Intel i7 處理器、 16GB RAM(約 $3,744 港幣)的小米筆電會發佈,不過同一張圖流傳咁多次,有幾多成真就不得而知啦。網友又估 1 月中既小米發佈會,會有咩新產品呢?
▲「小米手機」的微博公佈會有新一代旗艦產品
▲如果這部是小米 4S ,大家又覺得係咪已經有自己既設計風格呢?
▲至於網上流傳小米會推出筆電吧?版主睇過那些所謂「新圖片」,不就是幾個月前流傳的「銀米」?版主就覺得可能性相當低啦…