紅米 2 極速抵港開箱!雙卡雙 4G 千二有找!

Lawrence 2015-01-13 18:22 | 小米
隨著以超高性價比為賣點的魅族魅藍 note 係上年推出,相信小米壓力應該係前所未有咁大。原因無他, 5.5 吋 FHD 大芒連八核仲要 4G 雙卡都不過係 999 人仔,紅米 Note 都唔夠佢高性價比。當然,小米同樣有應對方法,就係推出售價更平的紅米 2 。同之前香港推的紅米 Note 4G 唔同,今次紅米 2 唔單止支援 4G,仲係雙卡雙待雙 4G ,水貨賣價千二蚊唔洗!版主今次就同大家做一個極速的開箱,有興趣的朋友不妨睇完發表下意見啦!

//timgm.eprice.com.hk/hk/mobile/img/2015-01/13/200753/lawrencelaw_3_4568_59abaadf1710dbc3b4285565e39d74e8.JPG

支援自動切換 4G !聯通版要小心 D

紅米 2 雖然早係 1 月 9 號已經係大陸開售,但香港版行貨正式發售日期就仍然未有。不過同以往一樣我地當然會有水貨率先玩到,今次到港的紅米 2 就係聯通雙卡 4G 版。換句話講,係頻段上呢部紅米 2 所支援 4G 頻段只有FDD-LTE 1800,2100 同埋大陸 TDD-LTE 頻段 B41(2600 Unicom)。係香港會用唔到 FDD-LTE 2600 頻段以及 中移動大陸頻段 B38 (2600 CMCC)、B39 (1900)、B40 (2300) ,即係用唔到 CMHK 的中港 4G 漫遊。如果大家想入手支援中國移動雙卡 4G 版本,即支援大陸 TD-LTE 頻段同埋香 FDD-LTE 1800 以及 2600 頻段呢個版本將會稍後先抵港,賣價會比聯通雙卡 4G 版貴少少。聯通 4G LTE 雙卡版本為 : HK$1150,稍後推出的中國移動 4G 4G LTE 雙卡版,暫定 HK$1180 。

係規格方面,紅米 2 就用上 4.7 吋 720 x 1280 解像度屏幕、 Qualcomm S410 1.2GHz 搭配 1GB RAM 以及內置 8GB 容量(可以插 MicroSD 卡,最大 32GB )。相機方面就係 800 萬像素主鏡頭同埋 200 萬像素前鏡頭,係電池容量方面就用上 2200mAh 可換式電池。

//timgm.eprice.com.hk/hk/mobile/img/2015-01/13/200753/lawrencelaw_3_4568_6545d747105a87e0c9a7d87c46b2d5c1.jpg
紅米 2 包裝同以往小米手機一樣頗為簡單,跟機只有充電器同 USB 線。

//timgm.eprice.com.hk/hk/mobile/img/2015-01/13/200753/lawrencelaw_3_4568_cdcf88a0ca299a817f571657c8302db0.jpg
紅米 2 所用的電池容量為 2200mAh 。

//timgm.eprice.com.hk/hk/mobile/img/2015-01/13/200753/lawrencelaw_3_4568_0fab0241053f7a8d7dfd25981233ce78.jpg
機背有一點值得大家留意,以往小米手機好多都用上左鋼琴面烤漆,今次紅米 2 就用左磨砂質地,終於可以告別手指模啦。


//timgm.eprice.com.hk/hk/mobile/img/2015-01/13/200753/lawrencelaw_3_4568_737c16a5e67b18b9bec33ada7fb9454c.jpg
▲ 作為雙卡雙待雙 4G 手機,紅米 2 用 Micro Sim 卡。另外,版主試用時亦能夠順利以 csl. 網絡接收 4G 訊號。

//timgm.eprice.com.hk/hk/mobile/img/2015-01/13/200753/lawrencelaw_3_4568_0bb470f8614f1890b542f6a21d8a9594.jpg
▲ 以聯通 4G 雙卡版來講,兩個 SIM 卡槽都可以放置 4G 上網卡,而且同 HTC 雙卡 4G 手機一樣,紅米 2 聯通 4G 雙卡版都有自動切換 4G 功能。版主試用過,當紅米 2 改用 Sim 卡 2 連接 4G 訊號係需要一段時間的(最少 1 分鐘左右)SIM 2 就會會用到 2G GSM。但要留意,大陸紅米 2 係有 3 個版本,只有移動雙卡 4G 版 同埋聯通 4G 雙卡版做到雙 4G 功能,而且各款紅米 2 支援頻段亦都唔同,想買水貨機的朋友入手前就要睇清楚!


機身大小適中手感令人滿意

以外型大小同埋重量來講,紅米 2 只係重 133g ,拎上手當然唔會覺得墜手,版主仲覺得稍嫌有點太輕,但配合埋機身大小來講相信會幾岩女士。係機身大小方面,可能因為版主唔太習慣大屏幕手機,版主反而覺得只有 4.7 吋芒的紅米 2 手感岩岩好,即使手機厚度係 9.4mm 並唔算薄,但拎上手感覺上手機唔太大又唔會太細。不過能否完全做到單手操作呢?就好視乎用家隻手的大小啦,版主勉強做到。總括來講紅米 2 係手感上係做得尚算唔錯,應該可以令大家滿意。

//timgm.eprice.com.hk/hk/mobile/img/2015-01/13/200753/lawrencelaw_3_4568_ea74f850596b31905667fe9ce238e837.jpg
按鍵分佈同紅米 1S 一樣,音量鍵同鎖機鍵位於手機右邊,Micro USB 係機底位置。

//timgm.eprice.com.hk/hk/mobile/img/2015-01/13/200753/lawrencelaw_3_4568_51e04942352699f006429fbd694af09d.jpg
拎上手感覺大小適中,配上磨砂質地的機背整體手感算係唔錯。


//timgm.eprice.com.hk/hk/mobile/img/2015-01/13/200753/lawrencelaw_4_4568_87591d2bd96f7d75acdcbbecac4281c8.jpg //timgm.eprice.com.hk/hk/mobile/img/2015-01/13/200753/lawrencelaw_4_4568_d5120355854b982f5c93ab0c2b912020.JPG
▲ 係屏幕方面,雖然紅米 2 只係得 720p 解像度,但其實使用上感覺唔差,清晰度同細緻度都足夠,問題反而在於屏幕亮度同可視角度都稍為不足。雖然只係用 HD 720p 解像度,但紅米 2 的 IPS 屏幕仍算清晰同埋細緻,反而可視角度唔算好,側邊睇亮度會頗為不足。

//timgm.eprice.com.hk/hk/mobile/img/2015-01/13/200753/lawrencelaw_3_4568_d47ecd1d87509af802fae949673bdbea.jpg
一向既往,紅米 2 亦用上熱感式按鍵,同樣係 Menu 、 Hone 、 Back 配合。

另外,因為今次到港的紅米 2 係水貨,所以並無原生 Google 服務,由於紅米 2 只係岩岩到港,係入手的時候就要問清楚店家能唔能夠裝上 Google 服務啦。而係軟件方面,紅米 2 搭載 Android 4.4.4 而 Miui 版本就係 6.2.4 。 最後簡單同大家分享一下紅米 2 跑分表現,

//timgm.eprice.com.hk/hk/mobile/img/2015-01/13/200753/lawrencelaw_3_4568_f96aab8efee2a3b8b3db95665cfcd8ae.jpg
▲ 紅米 2 硬件規格( Qualcomm S410 1.2GHz 搭配 1GB RAM )與同樣係以 4G 雙卡作為賣點的 Samsung Galaxy A3 同埋 HTC Desire 620 一樣,跑分亦可以用上述兩部機成績作為參考係 Quadrant Standard 跑分方面紅米 2 分數係 11077 ,比 A3 同 Desire 620 的萬二分水平稍低。而係安兔兔方面,紅米 2 分數係 19910 ,比 Desire 620 的 19735 分同 Galaxy A3 的 18895 分高少少。

//timgm.eprice.com.hk/hk/mobile/img/2015-01/13/200753/lawrencelaw_3_4568_b42a7a1c09a518a39bc5c443e2456130.jpg
▲ 係圖像表現方面,紅米 2 就比 Desire 620 同埋 Galaxy A3 略差,係 Basemark 2.0 上面紅米 2 表現係 25.21 fps ,而 Desire 620 係 26.29fps只得 qHD 芒嘅 Galaxy A3 就更高,接近 40fps 。

簡單來講,因為硬件規格分別唔大的關係,紅米 2 係效能表現上其實同 Desire 620 以及 Galaxy A3 相當接近,要分到高下實在唔容易。

//timgm.eprice.com.hk/hk/mobile/img/2015-01/13/200753/lawrencelaw_3_4568_8735d166f0c8eb86d43616a79ef9fad4.jpg
▲ 首先要留意因為今次紅米 2 係大陸水貨,所以跟機並無原生 Google 服務。另外 MIUI 版本係 6.2.4.0 ,相機介面就同 IOS 好似。

總結:版主今次簡單試用過紅米 2 之後,大抵上係手感同埋屏幕方面都覺得滿意,如果睇返 $ 1150 呢個售價而言亦都可以話係高性價比(相對規格相近的 Galaxy A3 同埋 Desire 620 賣價都係兩千幾水平來講)。當然啦,係規格上同已經係大陸推出左的魅藍 note 相比紅米 2 明顯及唔上對手,對規格較有要求的朋友來講魅藍 note 就可能更適合。

在文章發佈時,紅米 2 仍未在港開賣,水價價錢 HK$1150 (聯通 4G 雙卡版本) ,按此看詳細規格及最新賣價。

查詢: K Digital 27299881

相關產品 (1)

相關報導 (7)

​千元有找 4G 手機拼相機、比音質! Lenovo A6000 vs 紅米 2

​千元有找 4G 手機拼相機、比音質! Lenovo A6000 vs 紅米 2

網絡商開始把用戶升級用4GLTE網絡,無論是正速定限速Plan,總之一個月費,用到4G/3G/2G網絡,點計都抵!所以識玩,一定揀4G款式!入手4G手機無難度,一千有找買得到!今次我們找了兩款最Hit嘅入門4GLTE手機:Lenovo樂檬A6000與紅米2,比拼一下買邊部最好!

管理員 | 2015-05-11
平價 64bit 四核、雙卡 4G 打紅米 2 !Lenovo 樂檬千元有找

平價 64bit 四核、雙卡 4G 打紅米 2 !Lenovo 樂檬千元有找

冇錯,「紅米」已經成為「平價」同埋「性價比」既代名詞,因為第2代既紅米2隨時都係官網買得到,仲要用$899平價買到S410四核心,720p屏幕、800萬像素主鏡頭,對於入門黎講已經夠用既規格。今日市場上又出一部平機去挑戰紅米2地位,就係Lenovo既樂檬香港版,千元有找既價位都有得比拼下啊!

Eddie | 2015-03-17
中移動上 4G 月費免費得紅米 2 !版主同你計邊個方案最抵!

中移動上 4G 月費免費得紅米 2 !版主同你計邊個方案最抵!

上年一部紅米,一部紅米Note,令唔少網友都去搶。當然啦,用咁低價錢可以買到一部規格唔差既手機,性價比還是幾好的。不過唔知係咪平價市場已經飽和,最近版主見到紅米2都冇人搶,隨時可以係官網都買得到(唔使F碼真係好好多)。而中移動香港亦宣佈會有新的紅米24G月費,同買機上台比較邊個方案抵?版主即刻同你計!

Eddie | 2015-03-16
千元 4G 大比鬥!  紅米 2  vs  Full HD 魅藍 note ! 你點揀?

千元 4G 大比鬥! 紅米 2 vs Full HD 魅藍 note ! 你點揀?

係MWC手機展後,大家都好關注旗艦手機,但過一陣子以乎焦點又去番「性價比」高嘅手機上面。好似今日魅族同小米,都公佈兩款性價比好高嘅手機。首先下星期二,魅族就會賣FullHD屏幕嘅魅藍note,而小米嘅紅米2亦唔駛再輪米,直接上網就訂到。魅藍note可以話係目前FullHD屏幕行貨機種裡面,最平嘅4GLTE手機,而紅米2更加係一千有找4G手機!你又會點揀?

Keith Yim | 2015-03-06
紅米 2 香港版 2 月 10 開賣!呢個價你買唔買?

紅米 2 香港版 2 月 10 開賣!呢個價你買唔買?

上星期版主Eddie就同大家預告左紅米2正式係香港推出的日期相當接近,二月頭就會開賣。果然,小米今日就公佈左紅米2的價錢同發售日期,係規格上會香港推出的紅米2同大陸版本分別不大,而價錢就xxx有找,唔知算唔算合乎大家心裡面的期望呢?

Lawrence | 2015-02-05
小米高層來港爆料! 小米 Note、紅米 2 港版上市有期

小米高層來港爆料! 小米 Note、紅米 2 港版上市有期

有網友覺得小米Note最少要去到2015年中先係香港出,到時所有Spec都Out晒啦。今日小米高層來港,跟香港媒體見過面,小米Note香港上市時間真係無咁早,但紅米2就有期了,仲有其他小米香港消息!

Eddie | 2015-01-27
紅米 2 極速抵港開箱!雙卡雙 4G 千二有找

紅米 2 極速抵港開箱!雙卡雙 4G 千二有找

隨著以超高性價比為賣點的魅族魅藍note係上年推出,相信小米壓力應該係前所未有咁大。原因無他,5.5吋FHD大芒連八核仲要4G雙卡都不過係999人仔,紅米Note都唔夠佢平。當然,小米同樣有應對方法,就係推出售價更平的紅米2。同以往小米手機唔同,今次紅米2唔單止支援4G仲係雙卡雙待雙4G,版主今次就同大家做一個極速的開箱,有興趣的朋友不妨睇完發表下意見啦!

Lawrence | 2015-01-13

最新新聞