對決 Note 4!小米 Note 版主極速試

Lawrence 2015-01-27 19:30 | 小米
剛剛版主 Eddie 就提過今日小米高層來港同香港媒體見面,版主 Lawrence 其實都有去。雖然今次見面小米高層只係不斷強調小米 Note 將會係第 2 季前於香港推出,而確切價錢同時間都仲未知。不過係見面期間版主就見到有小米高層已經用緊小米 Note !機會咁難得版主當然就借左部小米 Note 來試玩一陣啦!icon但之前 Eddie 係北京都試左咁多次,今次版主就決定係試玩小米 Note 之餘再試下同 Note 4 拼外型!有興趣的朋友不妨留意下今次的試玩分享啦,文章末仲有其他小米產品推出消息爆比大家知㗎!

//timgm.eprice.com.hk/hk/mobile/img/2015-01/27/200921/lawrencelaw_3_4568_dc55832c49bc90916fcc6002edc6eb85.jpg


外型手感俱佳!

首先要講今次版主試玩的小米 Note 仍然係工程機階段,換句話講同正式推出時的小米 Note 會有一定分別。不過版主拎上手試用時就覺得呢部小米 Note 無論係外型還是係軟件方面,完成度都相當高,所以今次的試玩分享仍然係有一定參考意義的。

係外型同手感上,其實版主 Eddie 早前係北京發佈會上都有同大家分享過,小米 Note 今次係外型上用上的雙玻璃面與金屬邊框同薄機身設計,無論係外觀定手感上都係相當唔錯的。而版主 Lawrence 今次試用之後就覺得小米 Note 機背所用的曲面玻璃同 Sony Xperia Z 系列手機所用的玻璃係觸感上其實幾似。當然啦,有用 Z 系列手機的朋友都知道玻璃面係外型靚仔的同時另一個問題就係好易沾到指紋,小米 note 其實都會,但兩者唔同的地方在於版主所用的 Z3 Compact 有防水功能可以「洗機」,而小米 Note 呢⋯⋯係無防水功能的。icon

//timgm.eprice.com.hk/hk/mobile/img/2015-01/27/200921/lawrencelaw_3_4568_68a6807e50d096ba5b21f6e975fec189.jpg
▲ 係手感上,小米 Note 真係可以話無得彈,但易沾到指紋就確係煩。


外型:小米 Note  VS Samsung Galaxy  Note  4

相信唔少朋友都同版主一樣覺得今次小米 Note 同 Samsung 的 Galaxy Note 4 有幾分相似吧,今次版主就將兩部機外型來個比一比。 

//timgm.eprice.com.hk/hk/mobile/img/2015-01/27/200921/lawrencelaw_3_4568_b82575bbfca24e4b0a7c5b505a8a333e.jpg
試用紅米 2 時,版主已經覺得係屏幕上小米確實做得唔錯。今次將 Note 4 的 2K 芒同 小米 Note 的 FHD 芒做比較時,版主亦覺得兩者難分優劣。

//timgm.eprice.com.hk/hk/mobile/img/2015-01/27/200921/lawrencelaw_3_4568_b32aec30a8b1116bed9928d2424a5a1c.jpg
▲ 厚度上,小米 Note 係 6.95mm 而 Note 4 係 8.5mm

//timgm.eprice.com.hk/hk/mobile/img/2015-01/27/200921/lawrencelaw_3_4568_34db9d4c8fe9c44cebd68b2ee8726fdd.jpg
係按鍵分佈上兩部機並唔一樣。

整體使用感覺良好,跑分大躍進但未級 Note 4 ?

講完外型就講下小米 Note 的軟硬件。雖然大家都好期待小米 Note 頂配版的出現,但目前小米都只係可以展示到標準版比大家睇。今次版主所試用的小米 Note 同樣都係標準版,用上 Qualcomm S801 處理器同 3GB RAM ,而內置容量係 16GB 。係 Android 版本方面就仍然係 4.4.4 。雖然今次試用的小米 Note 唔係頂配版,但係試用其間無論係開 app 或者係試用小米其他功能,小米 Note 表現同而家版主用緊的 Galaxy Note 4 分別真係唔大,整體感覺係唔錯的。講到硬件,大家可能會問跑分又點呢?其實版主係有為呢部小米 Note 跑分的,而且安兔兔成績比上次版主 Eddie 係北京為小米 Note 跑分的成績高唔少,(上次版主 Eddie 安兔兔成績係三萬分)今次有四萬四分左右,但稍低於 Galaxy Note 4 。不過今次版主就比唔到圖大家,信不信就交由大家決定了。icon

//timgm.eprice.com.hk/hk/mobile/img/2015-01/27/200921/lawrencelaw_3_4568_22ebf65c40d77970c7677cdebccc9828.jpg
唔知係咪因為開發中的緣故,大家可以見到小米 Note 的 MIUI 只係 5.1.26 版本。(係大陸正式發售的小米 Note 係用 Miui 6.0 版本)

小米平板推出亦有期,將同紅米 2 同期出!(而小米 4 就。。。機會渺茫)

最後,版主早前提到有其他小米產品消息可以爆料,究竟係咩呢?就係小米平板同紅米 2 一樣,都會係農曆新年前係香港推出!係今次見面上面版主亦都見到有小米高層正使用緊小米 Note 的 16 GB 版本。不過坦白講,小米平板由推出至今已經大半年,雖然規格真係唔差,但新鮮感對比紅米 2 同仲要等一段時間先會出的小米 Note 真係差得遠,唯有希望價錢會做得吸引啲啦。最後最後,相信大家已經遺忘左的小米 4 相信係香港推出的機會就比較渺茫了,小米高層就透露係小米 Note 正式於香港推出之前都未有推出小米 4 的計劃,相信心水清的朋友都估到係咩嘢意思啦。icon 另外,今次小米高層亦提到係今年小米會盡量將係大陸同香港推出產品時間差距縮細,務求做到產品於香港同大陸同步推出,唔知大家又睇唔睇好呢?有意見的朋友快啲留意啦!

//timgm.eprice.com.hk/hk/mobile/img/2015-01/27/200921/lawrencelaw_3_4568_2ec2c6917e13261552cbfdb78d6bb890.jpg
呢部就係將會於香港上市的小米 Pad ,所以大家都會見到 Google Play Store 的 icon 。

 

小米 Note 相關文章:

小米高層香港爆料! 紅米2 香港版,上市有期!
小米 5 定 小米 Note 直接現身?令人「驚喜」的小米產品即時發佈!
不是小米 5 !小米將新機命名為小米 Note
人仔 2299 打殘 5.7 吋芒 小米 Note 發佈 + 功能介紹
小米 Note 實機圖賞
規格再發燒!大芒旗艦小米 Note 高級版迎戰大牌旗艦 你點揀?
小米 Note 不再發燒?上手跑分測試效能齊齊睇!


紅米 2 相關文章:

加 RAM 加大容量 紅米 2 加強版現身
紅米 2 水貨實測

小米平板相關文章:

小米平板賣 $2,300 值唔值?版主 Hands-on 試玩心得分享!

在文章發佈的時侯,小米 Note (16GB) 仍未公佈在香港的定價和開賣日期,按此看詳細規格與最新賣價。
在文章發佈的時侯,小米 Note (64GB) 仍未公佈在香港的定價和開賣日期,按此看詳細規格與最新賣價。
在文章發佈的時侯,小米平板仍未公佈在香港的定價和開賣日期,按此看詳細規格與最新賣價。

相關產品 (1)

相關報導 (9)

小米再爆雙 11 驚喜! 5.7 吋旗艦勁減超過一成!

小米再爆雙 11 驚喜! 5.7 吋旗艦勁減超過一成!

之前版主已經同大家分享過一啲雙十一「光棍節」不同營運商的促銷優惠,包括Asus的買一送一優惠、CMHK的一折手機優惠等等,另外之前亦同大家分享過,小米亦會推出「一秒雞,一部機」優惠。今日小米再爆神秘驚喜,就等版主即時再同大家分享一下!

左定坤 (Cho Ting Kwan) | 2015-11-09
玩過先知值唔值~ 港行小米 Note:拒絕發熱上手試!

玩過先知值唔值~ 港行小米 Note:拒絕發熱上手試!

話說早前同大家分享過港行小米Note既發售資訊,但見到唔少網友留言話覺得唔值2999元呢個價。如果望個規格,小米Note香港版只係用S801處理器同全高清屏幕,我紙上談兵未玩過機就咁望都覺得唔太抵玩。當我上手試玩之後就認同兩件事:第一、賣S801版本係正確,第二、小米Note的造工確實讓小米有信心開2999元呢個價錢!

YKer | 2015-07-14
對決 Note 4!小米 Note 版主極速試

對決 Note 4!小米 Note 版主極速試

剛剛版主Eddie就提過今日小米高層來港同香港媒體見面,版主Lawrence其實都有去,仲借左部小米Note來試玩一陣,有興趣的朋友不妨留意下今次的試玩分享啦,文章末仲有其他小米產品推出消息爆比大家知㗎!

Lawrence | 2015-01-27
小米 Note 鬥 iPhone 6 Plus 手感更好?版主上手試玩心得分享

小米 Note 鬥 iPhone 6 Plus 手感更好?版主上手試玩心得分享

小米發佈小米Note的時侯總喜歡用iPhone6Plus去比,提到機身的屏佔比很高,也做得相當薄身,加上雙玻璃設計,跟以往的小米手機可以說相當不同。不過定價方面也上升到$2,299人民幣起(約$2,900港幣),應該過了不少網友的心理關口,又睇下版主Eddie玩完真機有咩心得分享吧!

Eddie | 2015-01-18
小米 5 定小米 Note 現身?令人「驚喜」的新旗艦即時發佈!

小米 5 定小米 Note 現身?令人「驚喜」的新旗艦即時發佈!

終於等到1月15號呢個大日子了,今日係咩日子?咪就係小米2015年的第一部旗艦手機發佈會囉!尋日小米員工爆料話新旗艦有機會貴近一倍,網友們都不禁要問:「哪裡來的自信」。今日下午2點的發佈會,大家就知道究竟會是什麼一回事!當然版主Eddie已經準備好為大家送上第一手消息,記得密切留意!

Eddie | 2015-01-15
不是小米 5 !小米將新機命名為小米 Note

不是小米 5 !小米將新機命名為小米 Note

今日小米就會正式在北京發佈新機,但事前最大的新聞相信就係小米話今次將推出的手機唔係叫小米5。版主Eddie係北京岩岩就收到最新資料,今次推出的小米新機會叫....

Lawrence | 2015-01-15
5.7 吋芒 小米 Note 人仔 2299 打殘 iPhone 6 Plus?

5.7 吋芒 小米 Note 人仔 2299 打殘 iPhone 6 Plus?

今日15/1小米就係北京舉行左旗艦新機發佈會,正式發佈小米Note,以5.7寸大芒以及雙面曲面玻璃設計為賣點。仲有兩個版本,最平2299人仔用S801CPU,另有頂級配置版,用S810CPU、2K芒、4GBRAM!想知詳細規格係點?入黎睇過你就知道!

Lawrence | 2015-01-15
5.7 吋芒 + 4GB RAM + S810 CPU! 小米 Note 極速睇真機

5.7 吋芒 + 4GB RAM + S810 CPU! 小米 Note 極速睇真機

小米今次係小米Note上面推出兩個版本(普通版、頂配版)相信唔少朋友都估唔到,但版主就覺得小米Note外型同樣值得留意,想知外型有幾特別的朋友不妨睇下極速實機圖集啦!

Keith Yim | 2015-01-15
小米 Note 不再發燒?上手跑分測試效能齊齊睇!

小米 Note 不再發燒?上手跑分測試效能齊齊睇!

在今日的小米Note發佈會入面,前半段的確相當令人失望。因為見到傳聞中會令小米員工「驚喜」的產品只用到FHD+S801規格,不就是與上年的旗艦機差不多麻,去到最後才說到頂配版,不過網友們都覺得賣價$4,000港幣以上真的難講性價比。有一樣野網友們應該好想知,就係呢部小米Note跑分如何,版主都上手試過這部手機,就跟大家講講試玩的心得吧!

Eddie | 2015-01-15

最新新聞