齊齊討論「驚喜價」! 遲來的港版 64GB 小米 Note 發布
|
小米
小米連日係官方 Facebook 專頁放風話有新產品到港,我當然興奮啦! 俗語有話:遲到好過無到。今次到港既係小米 Note 標配版,用上 S801 處理器,3GB RAM 配 64GB ROM 。屏幕採用一塊 5.7 吋 FHD 屏幕,3000mAh 電池容量,雙卡雙待 4G 軟件切換。加上 1300 萬像素 OIS 主鏡頭,並配合 Ultrapixel 前鏡頭。機身搭載 MIUI 6,外型最大特點係曲面玻璃和金屬邊框,定價為港幣 2999 元。
至於幾時可以買,小米官方話 7 月 21 日中午 12 點開賣,無須預約!另外,CSL 今次都會同小米官網同步開賣!其實推出 S801 版本既小米 Note,在用家角度黎講,我會覺得比 S810 版本好,畢竟後者有發熱問題。雖然係 64GB 版,但價錢買到 2999 元,各位網友覺得又係咪合理?你地覺得係貴米定平米呢?一齊黎討論下,分享下你既意見啦!