主題:四千大電+最平金屬機!紅米 Note 3 效能+續航力 版主開箱試

ePrice HK
  • 發表時間:2015-11-30 19:25 收錄檢舉
    小米係 8 月推出的紅米 Note 2 憑用上 Helio X10 高階處理器再加上「頂爛市價」開賣,令大陸入門機市場競爭變得前所未有咁激烈。而樂視 Letv 、魅族、華為之後紛紛推出左以金屬機身,最少都算係中階規格的千元入門機。為左保持競爭力,小米話咁快又推出紅米 Note 3 (而紅米 Note 2 係香港開賣一個月也不到),呢部有 4000mAh 大電、指紋掃描以及 Heilo X10 處理器的新機係大陸定價最平只係 899 人仔,版主今次開箱試的高配版都只係貴兩百多。係性價比上紅米 Note 3 能否青出於藍,成為千元機的首選呢?睇下文就知!

    四千大電+最平金屬機!紅米 Note 3 效能+續航力版主開箱試
     

    紅米 Note 3 開箱試, 32GB 高配版仲抵玩?

    今次版主試玩的是紅米 Note 3 的高配版。同前代不同,紅米 Note 2 標準版當中係有分「移動版」以及「雙網通版」(當然,後來大家都知所謂移動版其實都係用到 FDD LTE ,跟雙網通版無別),而紅米 Note 3 的標準版就只有支援雙網通的版本,大家入手時就唔需要擔心會買錯。

    係規格上,紅米 Note 3 同紅米 Note 2 相比,大致上都係有進步。好似電池容量方面有 4000mAh ,而且仲有指紋掃描。不過,要留意係紅米 Note 3 最大的問題在於支援雙卡時卻唔支援 SD 卡,明明 Hugo Barra 於上次訪問提到紅米系列特色是支援 SD 卡,今次紅米 Note 3 又取消了,當中原因真係叫人摸不著頭腦。係唔支援 SD 卡的情況下,只有 16GB 內置容量的標準版紅米 Note 3 就要好似小米 4i 一樣面對同一問題,就係「 16GB 內置容量你夠用嗎?」。而且高配版係用上 32GB 內置容量的同時更加有 3GB RAM ,即使賣價貴上兩百人仔,但就性價比而言相信還是比較高的。

    四千大電+最平金屬機!紅米 Note 3 效能+續航力版主開箱試
    ▲ 今次包裝盒值得講下,因為小米終於放改左設計,大家又覺得個樣如何呢?

    四千大電+最平金屬機!紅米 Note 3 效能+續航力版主開箱試
    ▲ 跟機都係一貫入門機配件, USB 線同充電器一個,有 10W 。

    四千大電+最平金屬機!紅米 Note 3 效能+續航力版主開箱試
    ▲ 紅米 Note 3 因為用左 4000mAh 大電,所以係厚度上有 8.65mm 。

    四千大電+最平金屬機!紅米 Note 3 效能+續航力版主開箱試
    ▲ 版主特意唔用閃光燈去拍「三天皇鍵」,可以見到其實係會著燈,但係唔光。

    四千大電+最平金屬機!紅米 Note 3 效能+續航力版主開箱試
    ▲ 指紋掃描器係鏡頭下方。

    四千大電+最平金屬機!紅米 Note 3 效能+續航力版主開箱試
    ▲ 3.5mm 插口位於機頂而 Micro USB 插口就係機底。

    四千大電+最平金屬機!紅米 Note 3 效能+續航力版主開箱試
    ▲ 不支援 SD 卡但紅米 Note 3 卻有雙卡設計,不過係雙 Micro SIM 卡。
     

    外型,屏幕鬥「孖生兄弟」魅族 MX5 ,各有千秋?

    早係紅米 Note 3 的傳聞出現時,個人已經覺得紅米 Note 3 外型跟魅族定價中階的 MX5 相當近似,好似「餅印」咁。所以今次開箱版主都特意選左銀色版,跟 MX5 作一個外型,屏幕比拼,不過係開始前都要提一提大家 MX5 跟紅米 Note 3 雖然似樣,價錢卻有一定差距的。

    小米係今次紅米 Note 3 上一改以往紅米系列以塑膠為手機主要材質的風格,跟大隊玩金屬機身,出來在外觀上感覺算係唔錯,不會令人覺得好似「千元 Cheap 機」。不過,跟 MX5 相比,可以感覺到紅米 Note 3 在造功上,只能說乎合千元機的水平。在機背上,紅米 Note 3 的金屬材質跟 MX5 相似,不過拎上手卻可以感覺到兩者其實有不同, MX5 的金屬機背「金屬感」相當強烈,係有冷氣的室內空間拎上手係會有凍冰冰的感覺,而且用手指輕敲機背,亦有較硬淨的手感。相對之下,紅米 Note 3 都係金屬材質,手感亦算不錯,但係在造功方面卻可以見到一點小瑕疵。不知是不是個別的問題,版主試玩的紅米 Note 3 是不能完全放好 SIM 卡槽的,無論點樣推,都係會有一小部分突出來,邊框因此不算很平滑。

    當然,紅米 Note 3 在設計上也是有比起 MX5 優勝的地方,好像 MX5 機背天線位置係有刮手感覺的,而紅米 Note 3 設計相似卻沒有問題,另外就係因為加入左 4000mAh 電池機身較厚,所以相機主鏡頭都沒有突起。但總體來說,就版主所試用的兩部手機中, MX5 造功還是好一點的。

    不過,係屏幕方面紅米 Note 3 又收復了失地,因為魅族 MX5 係有少少偏黃同亮度不算出色。而紅米 Note 3 係呢方面就做得不錯啦!亮度足夠之餘亦不見有偏色問題,在低角度之下也表現都令人滿意,所以來到屏幕方面個人覺得紅米 Note 3 水準係比千元機水平更佳。

    四千大電+最平金屬機!紅米 Note 3 效能+續航力版主開箱試
    ▲ 今次一樣係搵左 MX5 做個比較(其實版主都不想重覆再用的,但兩部機真係太似樣)。

    四千大電+最平金屬機!紅米 Note 3 效能+續航力版主開箱試
    ▲ 係邊框上,紅米 Note 3 同 MX5 的處理都有不同。

    四千大電+最平金屬機!紅米 Note 3 效能+續航力版主開箱試
    ▲ 紅米 Note 3 同 MX5 個機背實在好似,好在紅米 Note 3 有個指紋青描器作辨認。

    四千大電+最平金屬機!紅米 Note 3 效能+續航力版主開箱試
    ▲ 喇叭處理上兩者都有不同,紅米 Note 3 係在機背,而 MX 5 在機底。

    四千大電+最平金屬機!紅米 Note 3 效能+續航力版主開箱試
    ▲ 版主今次試玩的紅米 Note 3 係有造功問題的, SIM 卡槽點都插不好⋯⋯

    四千大電+最平金屬機!紅米 Note 3 效能+續航力版主開箱試
    ▲ 指紋掃描而家好似成為左手機必備功能,紅米 Note 3 用法上同 Nexus 6P 一樣,一點就可以著芒。

    四千大電+最平金屬機!紅米 Note 3 效能+續航力版主開箱試
    ▲ 屏幕看來都係紅米 Note 3 的優點,不論亮度同顏色都不錯。

    四千大電+最平金屬機!紅米 Note 3 效能+續航力版主開箱試
    ▲ 從低角度看,紅米 Note 3 也是比較光。


    效能方面較 2GB RAM 版本紅米 Note 2 出色,但有點小問題⋯⋯

    來到效能方面,紅米 Note 3 係小米第一次將 3GB RAM 下放到紅米系列上,即使是上代紅米 Note 2 的升級版,也只得 2GB RAM 。所以大家可以料到,紅米 Note 3 高配版將會是目前紅米系列中效能最強的。而今次版主用了安兔兔最新的 6.0 Beta 5 版本去測試,在性能模式下得出來分數接近五萬!在 Vellamo 以方面比起紅米 Note 2 亦係出色少少,但不明顯。

    不過,之前有朋友提醒版主,大陸版紅米 Note 2 在 apps 的兼容性上有點小問題,就係不少日系 Game 都用不了。版主今次在紅米 Note 3 上就試左從 Qoo 下載「白貓」以及「超級高達:王者」兩隻版主沒有玩開人氣卻相當不錯的日系 Game ,前者直接彈 app 而後者就黑芒數秒再彈 app ,平時有玩日系 game 的朋友要留意了。(不過⋯⋯版主好中意的「貓咪收集」沒有問題)

    四千大電+最平金屬機!紅米 Note 3 效能+續航力版主開箱試
    ▲ 隨住安兔兔上左 6.0 版,紅米 Note 3 的跑分成績看來都很不錯,有近五萬分。

    四千大電+最平金屬機!紅米 Note 3 效能+續航力版主開箱試
    ▲ 為免大家不習慣,版主都有用 5.7.3 跑一次,分數又跌返落去⋯⋯icon

    四千大電+最平金屬機!紅米 Note 3 效能+續航力版主開箱試
    ▲ Vellamo 的成績則較為平穩,紅米 Note 3 整體略優於上一代,但不算明顯。

    四千大電+最平金屬機!紅米 Note 3 效能+續航力版主開箱試
    ▲ 在 Basemark 2.0 上紅米 Note 3 有 59.60 FPS ,不過講到打機⋯⋯有點麻煩呢。

    四千大電+最平金屬機!紅米 Note 3 效能+續航力版主開箱試
    ▲ 點解有點麻煩?因為部份日系 Game 直接下載後玩不到啊!
     

    相機規格跟紅米 Note 2 一致

    係相機方面,從官方資料看來,紅米 Note 3 同上代基本上沒有分別,一樣係 1300 萬像素, f2.2 光圈、 78度廣角,主打係有快達 0.1 秒速度的 PDAF 相位對焦。今次試用上感覺都幾快,要留意係預設左照片質素只係「標準」而不是「高」。今次版主係在調至高質素的情況下,試紅米 Note 3 的夜拍表現,大家又點睇?

    四千大電+最平金屬機!紅米 Note 3 效能+續航力版主開箱試 四千大電+最平金屬機!紅米 Note 3 效能+續航力版主開箱試

    四千大電+最平金屬機!紅米 Note 3 效能+續航力版主開箱試 四千大電+最平金屬機!紅米 Note 3 效能+續航力版主開箱試

    四千大電+最平金屬機!紅米 Note 3 效能+續航力版主開箱試 四千大電+最平金屬機!紅米 Note 3 效能+續航力版主開箱試

    四千大電+最平金屬機!紅米 Note 3 效能+續航力版主開箱試 四千大電+最平金屬機!紅米 Note 3 效能+續航力版主開箱試

    四千大電+最平金屬機!紅米 Note 3 效能+續航力版主開箱試 四千大電+最平金屬機!紅米 Note 3 效能+續航力版主開箱試
    ▲以上左邊是紅米 Note 3 而右邊係作參考的 MX5(用 ePrice 手機版的網友,上面的是紅米 Note 3 而下面是 MX5)。另外,最後一張圖是紅米 Note 3 用「標準」相片品質影的。
     

    【更新】加入電池表現!

    因為續航力測試一般講緊閒閒地都 6-7 個小時,所以紅米 Note 3 的續航力測試版主而家能夠補上。今次版主用上 PCMARK For Android ,係插上 SIM 卡並連接 WiFi 的環境下測試,結果如下:

    四千大電+最平金屬機!紅米 Note 3 效能+續航力版主開箱試
    ▲可以見到,紅米 note 3 係 PCMARK 上表現為 6 小時 17 分鐘,續航力不算特別出色。
     

    總結:性價比可能是新一輪大陸千元機最高,但是否值得入手就是另一個問題了

    睇完以上測試之後,可能好多網友都會以為版主對呢部機評價只係一般。其實當中原因係因為版主提高了要求,好中階甚至是旗艦的標準去看待這部機,如果以千元機來看的話,紅米 Note 3 反而算係有不錯的表現了。無錯,係外型造功上係有瑕疵、相機同電池續航力都未必有大家想像般好,而且本身亦有玩不到日系 Game 的問題。(據說其他用上 MTK 處理器的大陸版手機都有同樣情況)但就千元機價錢來講,以上的「問題」又是否真係咁重要?

    版主對紅米 Note 3 看法仍是正面的,因為從價錢的角度來講,我地將同期大陸千元機分別係 樂 1S 、魅藍 metal 以及華為 5X 作一個比較,以各款手機的「頂配版」價錢來計,就只有樂視的 樂1s 係跟紅米 Note 3 一樣做到 1099 呢個價錢,同時規格都係好近似,一樣有 Helio X10 配 3GB RAM 。而紅米 Note 3 作為最遲推出的手機,多了 4000mAh 大電呢個優勢,即使出來效果不算顯著,但感覺上性價比就是更高一點。簡單來講,紅米 Note 3 係新一輪千元機當中,仍是較有睇頭的一部。

    不過,講完性價比不錯之後,又係咪代表紅米 Note 3 好值得入手呢?又未必,因為紅米 Note 3 最大問題是不支援 SD 卡,令價錢較平的標準版變得唔抵玩。如果唔係堅持要有金屬機身同指紋辦識,規格相近的紅米 Note 2 16GB Rom 版價錢平唔少呢!另外,要重要係紅米 Note 3 的主要對手樂視 Le 1s (樂 1s 的港版名稱)係 12 月 8 日就會正式在港發佈了,如果係價錢上唔會太誇張的話,有行貨保養的 Le 1s 相信吸引力都會幾大。紅米 Note 3 如果會係香港推出的話,睇來都要加快腳步了。

    在文章發佈時,紅米 Note 3 正式發售日期未定,按此查看手機規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁
    相關產品▼
    • 小米 紅米 Note 3 (3GB)
    • 現時售價: 已下市
    • 尺寸: 150 x 76 x 8.65 mm / 164 g
    • 電池: 4000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1600 萬像素CMOS
    • 顏色: 金/銀/灰
    • 時間: N/A
    • 上市: 2016-03-23
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔
    • 小米 紅米 Note 3 (2GB)
    • 現時售價: 已下市
    • 尺寸: 150 x 76 x 8.65 mm / 164 g
    • 電池: 4000 mAh
    • 插卡: microSD
    • 螢幕: 1920 x 1080、 5.5 吋 IPS TFT
    • 相機: 1600 萬像素CMOS
    • 顏色: 金/銀/灰
    • 時間: N/A
    • 上市: 2016-03-23
    • 外型: 直立
      • 3G
      • HSDPA
      • 衛星導航
      • Wi-Fi
      • 藍牙
      • microSD 記憶卡
      • 觸控
      • 自動對焦
      • LED 閃光燈
      • 無 氙氣閃光燈
      • 3.5mm 耳機孔