又係 S625 慳電 U!平玩光學變焦雙鏡頭 小米 5X 抵港有炒價?

左定坤 (Cho Ting Kwan) 2017-08-05 13:24 | 小米
版主很清楚記得,上個月參加魅族 PRO 7 發佈會的時候,其實同日亦都撞左小米發佈會,不過當時我並沒有理會,一來版主身在珠海,想理都好難分到身,二來版主事前已收到風,當天發表的小米 5X,並不會在香港市場出售,所以並沒有太大的急切性,可以專心地主力做魅族 PRO 7。不過,雖然那時人在珠海,但都有留意着小米 5X 有甚麼特別,是一部可以平玩光學變焦的手機。如今這部小米 5X,水貨已經抵港,呢個價錢能夠足以打動到你嗎?睇下文啦!

小米 5X(Facebook).jpg

小米 5X 已經抵達深水埗一間手機店舖,第一水賣價約 $2260,相比建議零售價的 1499 人民幣 (折合港幣約 $1770),大約高出 $400 左右。當然,水貨剛抵港,賣價貴啲係正常嘅,尤其是香港並不會推出行貨,基本上想買的話,都一定要買水貨,所以呢個價錢相信應該會持續一段時間。當然,如果去到最後無乜人有興趣,賣價應該就會慢慢下調吧!

Mi5X1.jpg

不過二千二左右買呢部小米 5X,你又覺得值唔值呢?實有人會話,過二千小米手機,唔值。都係嘅,其實整體配置上,同紅米 Note 4X 係好相似的,都是有 5.5 吋金屬機身,內置 4GB RAM + 64GB ROM,配備 Qualcomm S625 慳電 U,不過電量相比紅米 Note 4X 還要少,只有 3080mAh。咁呢部小米 5X 憑乜嘢要賣得比紅米 Note 4X 貴呢?應該最主要原因係,佢用上了 12MP + 12MP 雙鏡頭,雖然平價機玩雙鏡頭並唔係話無,LG X Cam 係一個例子,但 LG 果種係玩廣角,而小米 5X 是好似 iPhone 7 Plus 咁,玩光學變焦。以呢個價位來說,對手又真係無乜嘅,你又點睇呢?

最新新聞