無 M 字額,有雙鏡頭!$1000 唔使起跳,紅米 6 / 6A 超平價?

左定坤 (Cho Ting Kwan) 2018-06-12 12:14 | 小米
早前去完深圳小米 8 系列的地獄團之後,小米今日再發表新機,推出最新的千元平價手機 —— 紅米 6。小米旗艦機,網友未必會 buy,尤其抄 iPhone X 抄到咁十足,連個 M 字額瀏海屏都直接搬埋過去,真係好難提起買機的意慾。不過,如果價錢 $1000 左右的話,又唔同講法,網友理得佢係咪 M 字額,平夾抵玩會讓大家無視手機外觀,立即狗衝。紅米 6,在最初的傳聞入面,係話用上 M 字額,但最新的官方宣傳海報上,又似乎沒有。到底係有抑或無,實際外觀係如何呢?今次又有幾成似 iPhone X?睇下文啦!

紅米 6 (Facebook).jpg

紅米 6 正式發表!5.45 吋、無 M 字額,有四種顏色

先說說紅米 6 系列的外觀吧。紅米 6 用上金屬材質設計,具有 5.45 吋屏幕,屏幕比例為 18:9,機身尺寸跟傳統的 5 吋手機差不多大小。另外,有一個消息,相信米粉們應該會好開心,就係今次紅米 6 並唔會有 M 字額瀏海屏,應該唔會又俾人話似 iPhone X 吧。同時,小米亦在百元紅米 6 上加入了橫向的雙鏡頭,機身顏色有灰、玫瑰金、藍色以及金色四種選擇。

Image 004.png
▲ 小米表示,有不少用家提出紅米 5 太大,所以今次紅米 6 就改用了 5.45 吋,機身大小相等於傳統的 5 吋手機。

Image 006.png
▲ 機身用上「小楊柳腰」設計,小米表示握感會超好。

textlive_5e552317bc8c11a8e71abe5956cf40f6.jpg

textlive_0729c4ca0bb29d8ca76628a0c2e62f92.jpg

textlive_c63b75f978672e8838f3c91e22db6a6b.jpg

textlive_e4cc560dde108c8b00ffcba9b8d3c91c.jpg
▲ 有粉、金、藍、灰四種顏色。

紅米 6 用上 12nm 處理器,具有雙鏡頭設計

至於規格部分,紅米 6 用上了 MTK Helio P22 處理器, 相比上代紅米 5 的 S450,Helio P22 用上了 12nm 制程,CPU 功耗會相比舊代更低,而且處理器頻率為 2.0GHz,性能也理論上會有所提升。另外,有用家說 2GB RAM 實在太少了,所以今代的紅米 6 會改為 3GB RAM 起跳。至於紅米 6 的相機部份,也可以說是它的賣點,千元手機加入了雙鏡頭設計,兩個鏡頭分別為 12MP 以及 5MP,主鏡頭像素大小為 1.25um。

Image 008.png
▲ 紅米 6 用上了 MTK Helio P22 處理器,這款處理器採用了 12nm 制程,相比舊代的 14nm 功耗更低,亦即係話會更為慳電,而 CPU 頻率則有 2.0GHz。

Image 014.png
▲ 紅米 6 主鏡頭用上了雙鏡頭,分別為 12MP + 5MP,像素大小為 1.25um。 

Image 016.png

Image 017.png

Image 018.png

Image 019.png

Image 020.png
▲ 小米展示紅米 6 的實拍圖,不過我個人就唔係好信,真係可以影到咁,等遲下有機之後,再詳細地試玩一下。

Image 021.png
▲ 前置相機雖然只有一個鏡頭,但仍然能夠做到背景虛化。

Image 030.png
▲ 另外,紅米 6 亦支持以上四個 AI 人工智能功能。

Image 031.png
▲ 支持全網通 5.0,支持雙卡雙待雙 4G。

Image 024.png
▲ 稍為總結一下紅米 6 的升級。

同場加映:紅米 6A 壓軸登場,同樣配備 12nm 處理器!

之前已經有傳聞說過,小米今次並不會只有紅米 6 一款手機,原本以為會有大芒版的紅米 6 Plus,但似乎就沒有,卻想不到發表了一部紅米 6A,配備了 MTK Helio A22 四核心處理器,同樣是用上 12nm 制程,省電能力相當不錯,而性能部份則對比 S425 CPU 提升了 37%。另外,紅米 6A 具有 5.45 吋全面屏,具有 13MP 主鏡頭以及 5MP 前置鏡頭,並支持前置背景虛化。

Image 037.png

Image 038.png

Image 041.png
▲ 紅米 6A 加入了 MIUI 系統優化,系統內存佔用空間減少了 30%。

Image 043.png
▲ 紅米 6A 八大亮點。

$1000 有找!紅米 6 / 紅米 6A 賣價有驚喜?

去到網友最關注的價格環節,到底紅米 6 系列的建議零售價,會是幾多呢?紅米 6 將會由 3GB + 32GB 起跳,定價為 799 人民幣起,折合港幣約 $979。

而版主收到風,紅米 6 香港會賣,按照人民幣定價推算,預計賣價會由 $999 / $1099 起。

Image 033.png
▲ 紅米 6 有兩個版本,分別為 3GB + 32GB 以及 4GB + 64GB,定價分別為 799 人民幣以及 999 人民幣,折合港幣分別約 $979 以及 $1224。

Image 045.png
▲ 至於紅米 6A,則只有一個 2GB + 16GB 版本,賣價為 599 人民幣,折合港幣約 $734。

紅米 6 (3GB / 32GB) 在文章發表時,香港上市日期未定,按這裡有詳細規格及最新賣價
紅米 6 (4GB / 64GB) 在文章發表時,香港上市日期未定,按這裡有詳細規格及最新賣價
 

相關產品 (2)

相關報導 (3)

百元手機紅米 6 抵港!S845 旗艦小米 8 同步現身,賣價搶先睇!

百元手機紅米 6 抵港!S845 旗艦小米 8 同步現身,賣價搶先睇!

記得早兩個星期,小米喺中國大陸發表咗紅米6以及紅米6A,當時就話知道好多用戶都不太希望有瀏海屏,所以紅米6無令大家失望,係「不帶瀏海」。然而其實果陣聽佢講呢句嘅時候,版主真係R哂頭,諗諗下乜你對上出果部小米8,唔係都係一樣有M字額,而且仲似iPhoneX似得咁足咩?算喇,佢鍾意「今天的我打倒昨天的我」,其實網友都唔care,反正夠平,性價比夠高,網友一樣會敗。小米8、紅米6兩部手機,今日正式喺香港發表,賣價會係幾多?喺發佈會之前,搶先話你知!

左定坤 (Cho Ting Kwan) | 2018-06-26
百元手機用 12nm 處理器!紅米 6 上手 + 效能評測

百元手機用 12nm 處理器!紅米 6 上手 + 效能評測

平價手機,其實好多人愛,所以小米——尤其是紅米系列,喺香港就做得起。6月中嘅時候,小米在中國大陸發表了入門新機紅米6,首載MTKHelioP22處理器,官方就話比起舊代紅米5嘅QualcommS450處理器好,除咗頻率有更大的2.0GHz外,而且仲改用了12nm制程,即係比起舊代理論上亦會更省電。但畢竟是MTKU,就算表面幾風光,網友都未必會buy。之前小米無請版主去中國嘅發佈會,無機會上手試玩呢部紅米6,而今日終於正式抵港,叫做可以碰下部機,

左定坤 (Cho Ting Kwan) | 2018-06-26
無 M 字額,有雙鏡頭!$1000 唔使起跳,紅米 6 / 6A 超平價?

無 M 字額,有雙鏡頭!$1000 唔使起跳,紅米 6 / 6A 超平價?

早前去完深圳小米8系列的地獄團之後,小米今日再發表新機,推出最新的千元系列手機——紅米6。小米旗艦機,網友未必會buy,尤其抄iPhoneX抄到咁十足,連個M字額瀏海屏都直接搬埋過去,真係好難提起買機的意慾。不過,如果價錢夠低的話,又唔同講法,網友理得佢係咪M字額,平夾抵玩會讓大家無視手機外觀,立即狗衝。紅米6,在最初的傳聞入面,係話用上M字額,但最新的官方宣傳海報上,又似乎沒有。到底係有抑或無,實際外觀係如何呢?今次又有幾成似iPhoneX?睇

左定坤 (Cho Ting Kwan) | 2018-06-12

最新新聞