版主而家就喺西班牙現場，正在準備緊小米 A2 的發佈會，如果網友想同版主一齊了解呢部小米 A2 / A2 Lite，可以留意一下以下的詳情：
日期：24 / 7 / 2018
時間：下午 5 時開始 (香港時間)
地點：西班牙
直播位置：
根據傳聞的消息所指，小米 A2 就是小米 6X 的國際版，除咗採用 5.99 吋芒，仲會配備 Qualcomm S660 處理器，內置最高 6GB RAM 以及 128GB ROM。同時，小米 A2 亦會具有雙主鏡頭設計，兩個鏡頭分別為 1200 萬像素以及 2000 萬像素，而前置鏡頭則為 2000 萬像素。電量方面，小米 A2 會內置 3010mAh 電池。最重要是，小米產品不嬲都 sell 性價比高，會唔會今次呢部小米 A2，能夠成功打破以往咁多部 S660 手機的最低價紀錄呢？
至於小米 A2 Lite 又是甚麼一回事呢？傳聞就話佢會有較小的 5.84 吋芒，有 M 字額，並配備 S625 處理器，內置最高 4GB RAM 以及 64GB ROM。小米 A2 Lite 亦同小米 A2 一樣，具有雙鏡頭，不過具體配置就不大相同，兩個鏡頭分別為 1200 萬像素以及 500 萬像素。
小米 A2 會在香港開賣的機會就比較大，而我認為小米 A2 Lite 就未必，始終就算格硬出咗，佢配置同上代升級並不大，可能未必有好大迴響。不過，呢啲都有待小米稍後再公佈，傳聞講嘅準定唔準，就有待發佈會後就會知曉。唔知網友對小米 A2 有沒有期望呢？