小米 Max 3 開箱評測!試續航、效能、相機!二千有找,值?

左定坤 (Cho Ting Kwan) 2018-08-18 19:20 | 小米
早兩日咪講過,行場收到風小米 Max 3 香港賣幾錢嘅,轉個頭第二日,有相熟店舖話我知,小米 Max 3 行貨已經到,咁版主就當然拿拿聲去借部返嚟開箱評測一下啦!上手玩過小米 Max 3 後,真心覺得呢部手機不錯,對於「大芒控」嘅網友來說,小米 Max 3 的確值得注意。即入正題,睇評測!

小米(Facebook).jpg

小米 Max 3 開箱評測!可惜跟機沒有保護套

先來做個開箱!不過講開箱之前,先簡單講下到底呢部小米 Max 3 有乜料到。小米 Max 3 主要有三大殺著:6.9 吋巨芒、5500mAh 核電、S636 性能不錯處理器,而綜合呢三個賣點,都不過是賣緊 $1999,個人認為實在是抵玩得過份,出街用來打下機、睇下漫畫,都正!

1.jpg
▲ 小米 Max 3 包裝盒,一如既往白雪雪、簡簡單單的設計,但就用金色印住「Max 3」嘅字樣。

2.jpg
▲ 包裝盒底部會見到寫有這部小米 Max 3 的重點特色,都係版主講果啲啦!

3.jpg
▲ 睇下包裝盒入面有啲咩先,其實都係果幾味,火牛、USB Type-C 線、卡針,最可惜就係竟然連清水套都無個,呢樣有點失敗 唔制

4.jpg
▲ 大電驚住會叉得慢?咁又唔會,跟機火牛支持最高 18W 的輸出。

5.jpg
▲ 上代 Max 2 就 6.44 吋 16:9 芒,而今代 Max 3 就 6.9 吋 18:9 芒,但當兩部手機拍埋一齊的話,其實機身尺寸是差不多的。

6.jpg
▲ 屏幕上方是 800 萬像素的前置鏡頭。

7.jpg
▲ 而下方則是有個稍為礙眼的下巴,不過都算小事,畢竟暫時都無乜邊部手機無下巴。

8.jpg
▲ 來到機背部份,小米 Max 3 是用上了金屬材質。

9.jpg
▲ 都係好似 iPhone X 咁,雙鏡頭係打直的。而中央部份會見到有圓形的指紋辨識鍵。

10.jpg
▲ 機背下方會有小米的 Logo。

11.jpg
▲ 機身右側會有開關鍵以及音量鍵。

12.jpg
▲ 而右側則會有三選二 SIM 卡槽。

13.jpg
▲ 機頂就是 3.5mm 耳機孔。

14.jpg
▲ 機底則是 USB Type-C 插槽。

15.jpg
▲ 拎上手無錯對版主嚟講係有啲大架,不過如果用嚟睇下書、打下機,其實又唔會話太 care。不過放落褲袋就麻煩啲,無返咁上下大嘅褲袋,未必能夠放得入。

小米 Max 3 效能評測

開完箱,睇過外型,之後就到效能部分。記得上代小米 Max 2 係用上 Qualcomm S625 處理器,雖然呢粒處理器出名係慳電,但問題係 GPU 性能好差,唔好講要打機,一般使用版主都會覺得窒窒地。今次 Max 3 改用了 Qualcomm S636 處理器,情況就大大改善了。呢粒處理器曾經在 ASUS ZenFone 5 上用過,版主試過用嚟打普通 Game 係可以接受的。為咗具體咁話俾大家知,小米 Max 3 效能到底如何,版主就用了一系列跑分軟件,為大家測試一下。

安兔兔跑分
Screenshot_2018-08-18-15-32-06-283_com.antutu.ABenchMark.pngScreenshot_2018-08-18-15-32-15-666_com.antutu.ABenchMark.pngScreenshot_2018-08-18-15-00-11-491_com.antutu.ABenchMark.png
▲ 安兔兔跑分結果顯示,小米 Max 3 得分有 118771 分,以千元價位手機嚟講,成績相當理想。當中 CPU 的成績為 55995 分,而 GPU 成績則為 21245 分。對比返小米 Max 2 的成績,在 GPU 部份小米 Max 3 進步了約 8000 分,而 CPU 更比起上代高出超過 3 萬分的成績。可見 S636 跟 S625,果然是不同的層次。

Androbench
Screenshot_2018-08-20-11-35-49-244_com.andromeda.androbench2.png
▲ AndroBench 呢個軟件,主要係用來測試記憶體嘅讀寫速度,Sequential Read 同 Sequential Write 速度分別為 270.92MB/s 以及 199.89MB/s,不過根據 ePrice YK 大師的說法,真正影響用家體驗的是 Random Write,都有成 88.25MB/s,速度幾乎可以 win 到大部份舊代旗艦機 (包括 Sony XZ Premium、Samsung S8+、HTC U11,詳情可參閱呢度)。

GeekBench 4
39441603_253692935349660_107614790762889216_n.png
▲ 版主會用 GeekBench 4 去測試小米 Max 3 的續航能力 (根據 GeekBench 的定義和操作,Battery Life 係解作一般使用時間,但實際使用時間還是會視乎個人的用途而受到影響,故此這能視為一個參考指標)。方法係,Kill 哂所有 App,手機設至飛航模式,斷哂所有網路連結,連方向都鎖定埋,減低一切會影響電池消耗的可能性。另外,在 GeekBench 4 入面會揀返 DIM screen,將屏幕亮度降到最低,而之後程式會模擬固定輸出 100% 工作負荷,最後經過約 13.5 小時之後,小米 Max 3 終於都頂唔住,得出成績為 7971 分,相比具有 5000mAh 電池的 Moto E5 Plus,還要高出 4500 分,表現算是相當好呢。

小米 Max 3 雙鏡頭實拍

基本上今時今日手機鏡頭有的功能,小米 Max 3 都有,包括雙鏡頭、AI 拍攝等等。小米 Max 3 兩個鏡頭分別為 1200 萬像素以及 500 萬像素,除咗支持 Dual Pixel 對焦之外,仲會有 F1.9 光圈,再加上可識別 206 種場景的 AI 鏡頭,影出嚟個效果又是否如理想呢?即刻睇下啦!

日間拍攝
IMG_20180818_153849.jpg
▲ 周圍都是樹蔭,其實環境唔算十分光,但影出嚟依然可以清晰見到地圖上的文字。

IMG_20180818_154120.jpg
▲ 逆光下會預設自動開啟 HDR。

IMG_20180818_154203.jpg
▲ 放大嚟睇係有少少模糊,但千元價位的手機來說,算係咁啦!

IMG_20180818_154250.jpg

IMG_20180818_154320.jpg

IMG_20180818_155058.jpg

IMG_20180818_155332.jpg
▲ 縮圖無限好,放大有少許油畫化的情況。

IMG_20180818_155450.jpg
▲ 小米 Max 3 都有支持人像模式,可以做到明顯的虛化效果。

夜間拍攝
IMG_20180818_203710.jpg

IMG_20180818_203821.jpg
▲ 昏暗環境下,油畫化情況更加明顯,然而控光表現算是不錯。

IMG_20180818_221259.jpg

IMG_20180818_221323.jpg

IMG_20180818_221353.jpg
▲ 睇完以上的試相,你又滿意小米 Max 3 的相機表現嗎?

小結

試玩過小米 Max 3 之後,版主對呢部千元價位的手機,無論是效能、續航、實際使用等方面,都感到非常滿意。可惜的是,小米 Max 3 依然是用 MIUI 系統,而老實版主對呢個系統不太喜歡,如果遲下有機會出個 Android One 版本,咁就真係 perfect!相機部分,雖然始終是有瑕疵,但又未至於是不能接受的程度,諗返佢個價錢,$1999 咋喎,有大芒大電仲有效能不錯,除左小米,邊度搵?網友又對呢部小米 Max 3 有無興趣呢?會唔會考慮買返部玩下?留言講下你的睇法啦!

小米 Max 3 在文章發表時,4GB + 64GB 建議零售價為 $1999,按這裡有詳細規格及最新賣價

相關產品 (1)

相關報導 (2)

小米 Max 3 開箱評測!試續航、效能、相機!二千有找,值?

小米 Max 3 開箱評測!試續航、效能、相機!二千有找,值?

早兩日咪講過,行場收到風小米Max3香港賣幾錢嘅,轉個頭第二日,有相熟店舖話我知,小米Max3行貨已經到,咁版主就當然拿拿聲去借部返嚟開箱評測一下啦!上手玩過小米Max3後,真心覺得呢部手機不錯,對於「大芒控」嘅網友來說,小米Max3的確值得注意。即入正題,睇評測!

左定坤 (Cho Ting Kwan) | 2018-08-20
5500mAh 核電量!近七吋大芒!小米 Max 3 香港會上

5500mAh 核電量!近七吋大芒!小米 Max 3 香港會上

傳聞已久的大芒、大電池手機小米Max3正式發表,確認升級到6.9吋的平板等級超大屏幕和尿袋電源等級的5500mAh大電池,處理器則確認是高通S636。最重要是,這款手機不會只有中國水貨,未來也會有香港行貨!

Keith Yim | 2018-07-19

最新新聞