三千中入貨!兩個理由!小米 BlackShark 黑鯊手機行貨 你要敗!

Keith Yim 2019-01-08 20:23 | 小米
版主對於電競手機嘅感覺只有一個字:貴!雷蛇一、二代都係天價;設備最齊嘅 ASUS ROG Phone 就更加唔駛講。有無想過,規格效能拍得住呢兩部,但賣價又平過佢哋一截,仲要係行貨嘅電競手機,係香港有得賣架?!呢部就係小米 BlackShark 黑鯊手機啦!除咗佢係最平嘅電競手機,版主仲揾到另一個理由你要敗佢!

Shark(Facebook).jpg

版主你話黑鯊手機行貨版,香港有得賣,但點解小米香港官網無架?是咁的,黑鯊呢個品牌,其實只係小米有份嘅,情況有 D 似華為手機與榮耀 Honor 之間嘅關係,亦因為咁,黑鯊手機透過非小米官方渠道出行貨,而今次代理,仲係成日接收傳媒訪問,香港只有一個 IT 達人開嗰間公司,信心是有架。

今次行貨上市係黑鯊手機第一代,採用 Qualcomm Snapdragon 845 八核心處理器,整合 Adreno 630 顯示元件,識玩都知呢個配搭係好適合打高階遊戲。小米黑鯊用上 4000mAh 電池,兼支援 Quick Charge 3.0 快充香港行貨係「低配版」有 8GB RAM 及 128GB ROM。而黑鯊手機除了有大電及最 TOP 規格外,最重要佢仲跟機送打機專用嘅手機配件,行貨版照送。

另外一隻彩蛋就係,香港推出嘅係國際版本,唔係加了 Google Play 咁簡單,係成個 JoyUI 鏟走,變了乾淨版 Pure Android 8,變相會係另一部小米 Android One 手機!

咁行貨賣幾錢?下面有報價。

黑鯊遊戲手機在文章發表時,香港建議零售價為 $3698,按這裡有詳細規格及最新賣價

相關產品 (1)

相關報導 (1)

三千中入貨!兩個理由!小米 BlackShark 黑鯊手機行貨 你要敗!

三千中入貨!兩個理由!小米 BlackShark 黑鯊手機行貨 你要敗!

版主對於電競手機嘅感覺只有一個字:貴!雷蛇一、二代都係天價;設備最齊嘅ASUSROGPhone就更加唔駛講。有無想過,規格效能拍得住呢兩部,但賣價又平過佢哋一截,仲要係行貨嘅電競手機,係香港有得賣架?!呢部就係小米BlackShark黑鯊手機啦!除咗佢係最平嘅電競手機,版主仲揾到另一個理由你要敗佢!

Keith Yim | 2019-01-12

最新新聞