真係估唔到，小米居然會喺香港推小米 11 雷軍簽名特別版，呢部手機會喺 2021 年 4 月 15 日正式喺香港開賣，建議零售價為 $5699。而版主聽聞，呢部小米 11 特別版，貨量並唔會好多，就以某間大舖為例，全港大約都係得 30 部左右。呢個時候，就係考驗香港米粉嘅「忠實度」了！有雷軍簽名加持，米粉係咪要必搶呢？
小米 11 雷軍簽名特別版，採用以波浪為靈感的 3D 紋理玻璃設計，在手機背面印有雷軍簽名，搭配時尚外盒包裝作為限量款式，並且採用 12GB 記憶體 + 256GB 儲存容量配置組合。而同普通小米 11 旗艦一樣，同樣係配備 Qualcomm Snapdragon 888 處理器，電池容量有 4600mAh。
