csl. 消費券清貨場！三千頭入手 S888 旗艦！34 折有小米手環 6

左定坤 (Cho Ting Kwan) 2021-08-04 19:12 | 小米

政府首期消費劵已經到咗幾日，唔知大家用消費劵嗰陣，有無遇到乜問題呢？有無出現入唔到，甚至扣多咗錢嘅情況呢？當中有一間電子支付平台，就發生咗呢啲災難，甚至公司都被逼要出新聞稿道歉。而與此同時，同呢個電子支付平台好有關係嘅網絡商，就繼續喺兩間店舖推消費劵清貨場，當中 S888 旗艦只需三千頭入手，而小米手環 6 則 34 折賣。仲有好多唔同產品優惠，睇下文啦！



由即日起至 8 月 15 日，csl. 旺角西洋菜南街分店以及銅鑼灣怡和街分店，會舉行 csl. Bazaar 消費劵清貨場，支援四大儲值支付工具，並將一系列電子產品減價清貨，當中有些特別平的，例如半價 AirPods、7 折 Switch 等等，從網站顯示已經售罄，不過現時還有貨的產品之中，都有一些產品值得注意，例如三星 Galaxy S21 Ultra 256GB 由建議零售價 $9698 減至 $7198。而想平平地都有 S888 處理器，小米 11i 5G 256GB 則由 $4399 減至 $3299。

另外，非手機類嘅產品，HomePods mini 由 $749 減到 $644，而小米手環 6 更只需 34 折就有交易，$99 就買得到。不知網友又怎樣看呢？

按這裡有更多優惠產品詳情



小米 11i 在文章發表時，官網賣價為 $3999，按這裡有詳細規格及最新賣價。