Oppo Find 7 、 Find 7a 限時 7 日大減價！最平兩千三買到 S801 旗艦
今次又係邊個牌子挑戰 LG 的性價比呢？其實就係 Oppo 的 Find 7 同埋 Find 7a 啦！雖然大家係香港雖要透過 Oppo 官網 Oppo Stlye 去入手，但係今次 Oppo 的清貨特價實係有睇頭！因為不論係 Find 7 或者係 Find 7a套裝（包藍牙耳機、屏幕保護貼、保護套、VOOC 快充）都有減價，而其中 Find 7a 更加係 $289 （約港幣 $2240）就可以買到，比起不少大牌子 S801 旗艦更平啊！從規格來講， Oppo Find 7 同 Find 7a 雖然推左已近一年，但仍然相當有睇頭，其中 Oppo Find 7 同 LG G3 更加係相當接近，包括 5.5 吋 2560 x 1440（ 2K解像度） 屏幕，達到 538 的超高 PPI ，效能方面用了 Qualcomm S801 2.5GHz 四核心配合 3GB RAM、內置 32GB 容量（支援 128GB 插卡），拍攝方面採用 1300 萬像素主鏡頭，具備 f/2.0 光圈，前鏡頭是 500 萬像素比起 LG G3 強，電池方面是 3000mAh 可換式，以及比起 Qualcomm QC 2.0 更快的 VOCC 快充。比較可惜嘅係 Oppo 的保養而家改變為只有一年，真係可惜。係價錢方面，目前 Find 7 套裝的限時 7 日大減價只係需要 $329 美金（約為 $2550 港幣）。
但對版主個人來講，其實 Find 7a 就更加吸引啦！雖然係規格上其實 Find 7a 相對下比較遜色，除左 5.5 吋 IPS 屏幕只有 FHD 解像度之外， Qualcomm S801 2.3GHz 四核心處理器都只係配 2GB RAM 同 16GB 內置容量。相機就同 Find 7 一樣有 f/2.0 大光圈的 1300 萬像素鏡頭，而電池就係 2800mAh 可換式，係規格上就同 One E8 比較相近但係價錢就更平，套裝價 $289 美金（約為 $2240）。留意，根據 Oppo Style 所講今次優惠只係做到 7 月 14 日，要入手的朋友要襯早了。唔知呢個價大家又覺得衝唔衝得過呢？一齊留言講講啦！
▲ 版主覺得最令人糾結的地方係今次優惠聲稱限時 7 日， 7 月14 日結束
▲ 大家入手時真係要留意！買的話就要買 International Version ，因為 US Version 唔支援香港的 FDD-LTE 啊！
在文章發佈的時侯， Oppo Find 7 ， 套裝定價 $3,869 ，按此看詳細規格和最新賣價。
在文章發佈的時侯， Oppo Find 7a ， 套裝定價 $3,093 ，按此看詳細規格和最新賣價。
來源： OppoStyle