Oppo A17k  開賣! 千元有找,真 Android 12!小米、Nokia 有難

Keith Yim 2022-11-25 17:34 | OPPO
可能是經濟差,大家對手機價格越嚟越敏感。大家唔係對手機無需求,一人要用幾部手機已係潮流。問題係,已經唔想花太多錢買一部主打機,為勢所迫,仲要買多部用嚟造安心出行 Offline Mode,或者公司專用的 WhatsApp Phone。第二選擇,價錢越平越好。最得人驚係,平到一千有找嘅款式,要行呢兩款 App,甚至聽埋歌,睇埋片都應付到,所以 Nokia 最賣得最好係平價機,小米最近亦推出多款千元樓下紅米款式,而 Oppo A17s  亦加入戰團,到底點揀好?

5000 大電

Oppo 喺香港正式宣佈推出 OPPO A17k。OPPO A17k 最大賣點是擁有 5000mAh 大電池,亦擁有可以最高 7GB 嘅快閃記憶體。5000 大電,係咪代表好慳電,都要睇埋佢用乜嘢嘅 CPU,望望資料,原來採用 MTK Helio A35!呢粒 CPU 採用 12nm 制程,是 2020 年產品,省電效果未必夠呢兩年新出的入門 CPU 為佳,但用上 5000mAh 電池,真係衰極有個普,相信你要當 WhatsApp 機,再睇埋片都用到兩日。若果用喺安心出行,我估一星期都唔駛充電了。

7GB RAM 乜玩法

Oppo A17K 有一樣加快手機運行速度,就係支援 RAM Expansion ,可以將本來可用的 ROM 轉換為 RAM,本來 3GB RAM, 可以由 ROM 抽掉部份容量變 RAM,最高可用 7GB RAM。千元樓下手機,有 7GB RAM :聞所未聞,而 7GB RAM 已是中檔手機的效能,手機開不同的 App 同時運作,都卓卓有餘,怪不得 Oppo A17K 可以運行完整版 Android 12 吧  (ColorOS 12.1) 不過,一分錢,一分貨,相機部份就要張就一下,800 萬像素主鏡頭及 500 萬像素前置自拍鏡頭,似乎只能作簡單的紀錄拍攝了。
                                                                                                                                                                                                                                                                                                                                                                                                                                                                                                                                                                               

紅米10A 只得 2GB RAM

看看對手又點樣?同樣是中國大陸品牌,千元樓下小米有一部叫紅米 10A,同様有 5000mAh 容量大電池,售價更加平,賣 $799,用MTK Helio G25 處理器,跟 Oppo A17K 用的 MTK Helio A35 都是 2020 年產物,12nm 制程。但跟機記憶體較少,得 2GB RAM 及 32GB ROM,出機跟建基於 Android 11 的 MIUI 12.5 作業系統。

Nokia 六千電手機

數完跟紅米 A2 比較,平機之霸,一定要數 Nokia,根據 ePrice  手機資料庫,Nokia 現時有一款跟 Oppo A17k 差唔多價錢,叫作 Nokia C30  的 Android Go 手機,文章刊登時,賣價為 $898。Nokia C30 比起 Oppo A17K 有著更大容量電池:6000mAH,官方寫明可以一口氣用三日咁長!相機亦比較勁 1300 萬像素後置加五百萬前置相機,亦有 Google 加持的 Go Camera,一様有人像模式。Nokia C30 廠商寫明有兩年安全性更新,令就算是入間手機,只要你堅持月月更新,至少有最新的手機資安保護效果。



 

最新新聞