Vivo NEX 將會在今晚正式抵達旺角先達，共有 S710 以及 S845 兩個處理器版本，前者內置 6GB RAM + 128GB ROM，第一水賣價為 $4990；而後者則內置 8GB RAM 以及 256GB ROM，第一水賣價則為 $6800，相比大陸建議零售價貴 $800 左右，並且暫時只有黑色。然而，在香港未出行貨之前，水貨會有炒價又好像是正常不過的事。你又會否考慮入手呢？
規格剛才都有略提過，NEX 具有 91.23% 屏佔比嘅屏幕，屏幕大小為 6.59 吋，並且沒有 M 字額，令到整體設計都較容易令人接受。那 Vivo 怎樣處理前置鏡頭以及 Sensor 的問題呢？首先，前置鏡頭會收藏在手機頂部，用上升降設計，要自拍時前置鏡頭會升上來，都算是有啲科技感，而 Sensor 則收埋喺屏幕下方。另外，NEX 採用了 12MP + 5MP 雙鏡頭，支持屏下指紋技術，並且具有 4000mAh 大電池。行貨預計會在 7 月抵港，有心想買 NEX 的網友，會忍耐一下等到 7 月先入手，定而家俾多 $800 買水貨搶先玩呢？
