主題:平過 Nokia 7 Plus、魅族 15!S660 手機大舖再減,邊部你會揀?

ePrice HK
  • 發表時間:2018-06-29 14:25 收錄檢舉
    時至今日,邊部先至係最平 S660 手機?放在幾個月之前,ASUS ZenFone 4 高配版、Sharp AQOUS S2 高配版,都名列最平 S660 排行榜的第一、二位。然而,當呢兩部手機賣到咁平價時,眨下眼就清哂貨,仲有乜嘢平價 S660 手機選擇?之前就話,而家大舖最平 S660 手機係 Nokia 7 Plus,但如果計埋專門店,最平應該係魅族 15。不過,最近有大舖將一部 S660 手機劈價清貨,暫時係得呢間大舖先做到呢個價咋!仲平過 Nokia 7 Plus、魅族 15,你又會唔會考慮買佢呢?睇下文啦!

    平過 Nokia 7 Plus、魅族 15!S660 手機大舖再減,邊部你會揀?

    今次版主想講的大舖,唔係一般平時講開「四大舖」(衛訊、豐澤、百老匯、蘇寧),而係講緊中原電器。話說最近經過旺角 MOKO 嘅中原,突然間發現原來佢哋都仲有賣 Vivo X20 Plus,而且賣價仲比起出面一般的大舖平好多,只係賣 $3080。睇返出面大舖,都係賣緊 $3698,而家中原平咗成 $600,會唔會更加吸引到網友入手呢?

    (版主聽聞,蘇寧接收哂 X20 Plus 貨尾,口價可以做到 $2980 喎。但係唔係間間店舖都做到? 有興趣入手的網友可以親身去分店問下)

    平過 Nokia 7 Plus、魅族 15!S660 手機大舖再減,邊部你會揀?

    你可能會問,Vivo 而家都出到 X21 啦,何必仲要去買舊貨呢?說話就唔係咁講,其實 X20 Plus 同 X21,大家都係用上 S660 處理器,只係前者就只有 4GB / 64GB,而後者就有 6GB / 128GB。特別地方係唔係好多?最特別的賣點咪就係 X21 有屏下指紋囉。咁即係代表啲乜? 其實有屏下指紋,又真係唔代表到啲乜,Gimmick 黎架啫,又唔係用咗會識飛。再比較返,X20 Plus 又要無 M 字額,而且電量仲有 3905mAh,續航應該會比 X21 更強。如果唔係太過追求屏下指紋,我個人認為大家都係 S660,都係買 X20 Plus 好過啦。

    至於 Nokia 7 Plus 以及魅族 15,現時依然維持着 $3188 以及 $3099。雖然其實三部機價錢都唔相差好遠,但都叫做係俾 Vivo X20 Plus 超越咗嘅。呢幾部價錢相若嘅 S660 手機之中,網友又會點樣去揀呢?

    Vivo X20 Plus 在文章發表時,中原最平賣價為 $3080,按這裡有詳細規格及最新賣價

    立即加入Facebook 專頁,新聞/消息/優惠,最快知。

    01樓 ▲TOP 回列表頁