留意到，豐澤網店將華為 Honor View20 減價，128GB 的幻夜黑寫住特價 $2999，減幅達 $1100，而魅海藍則賣緊 $3299，減幅 $800；至於 256GB 版本，則只有幻影藍色，由原價的 $4899 減至 $3799，減幅同樣有 $1100。
不過咁，雖然 Honor View20 呢個價錢，已經係比市面大部份嘅大舖，包括門市嘅豐澤、衛訊、百老匯便宜，但有一間係例外，佢就係蘇寧。大家都知道，其實眾多大舖之中，唯獨蘇寧最唔跟價錢，特別係華為手機，佢哋好多時都會賣得比其他大舖平。早排經過旺角西洋菜街某間蘇寧，就見到佢將 Honor View20 減價，實際係恆生信用卡優惠，128GB 賣 $2888，比豐澤網店價再平 $100，而 256GB 則賣 $3488，比起豐澤網店價再平 $300。
頭先提到，蘇寧特別鍾意將華為手機減價，而除咗 Honor View20 之外，其實最近推出無耐嘅 nova 5T 都有減價，原價 $3088，最新賣價為 $2588，同樣用上 Kirin 980 處理器，仲要有四個主鏡頭，顏色又幾時尚，中階價錢有旗艦效能，有 Google GMS 服務，平平地做孝子機，還是可以接受嘅。網友又點睇呢？
華為 Honor View20 (128GB) 在文章發表時，大舖賣價為 $2888，按這裡有詳細規格及最新賣價。
華為 Honor View20 (256GB) 在文章發表時，大舖賣價為 $3488，按這裡有詳細規格及最新賣價。
華為 nova 5T 在文章發表時，大舖賣價為 $2588，按這裡有詳細規格及最新賣價。