玩 PUBG 食雞後感!黑鯊遊戲手機 2 Pro 評測

Wilson Li 2019-09-03 15:05 | Blackshark
講到黑鯊遊戲手機 2 Pro,作為一部電競手機,最緊要當然係打機嘅體驗啦!除咗用上 Qualcomm Snapdragon 855 Plus 處理器同埋 Adreno 640 GPU 之外,佢嘅 Master Touch 功能亦都對打機有好大幫助,配合 240Hz 嘅 Report Rate,理論上打機體驗應該幾正嘅!空巴 Wilson 出席完黑鯊遊戲手機 2 Pro 發佈會後,就在吉隆坡上手試下用呢部手機玩下 PUBG,順便同大家分享下我嘅玩後感!

FB.jpg

有留意之前的文章都知道,如果購買黑鯊遊戲手機 2 Pro,跟機會附有一個左手手掣連支架,喺打機果陣可以作為輔助,尤其是我呢啲手汗多嘅人嚟講,多得呢個手掣,讓我打機打得耐,都唔會因此而影響表現。而如果有齊左右手掣的話,仲可以變到好似玩 Switch 咁,好似玩緊遊戲機一樣!

而喺黑鯊遊戲手機 2 的右側,會有個掣可以快速啟動遊戲模式,開啟之後,除咗打機會有優化,同時仲會 block 曬所有通知。你知啦,打打下機最煩就係,無啦啦有人 send message 嚟,呢個 moment 會令我感到好不爽。
 
Screenshot_20190903-231519.png
▲只要滑動機身右側的按鍵,就可以進入 SHARK SPACE,開啟遊戲模式。入到去,會見到呢個介面。

Screenshot_20190903-231635.png
▲ 選擇你要開啟的遊戲,入到 Game 就會見到上方有一系列嘅操作設定,例如停用通知功能、開啟 MasterTouch 功能等等。

用黑鯊遊戲手機 2 Pro 試玩 PUBG 遊戲片段



▲ 用完黑鯊 2 Pro 打機,就等我講下我嘅感覺:操作上係快咗嘅,攪到我唔係好習慣,要玩一輪先適應得到。另外,有個手掣真係好方便,玩 PUBG Mobile 嗰陣,我會俾對手開槍更快更準。而手掣上面多咗快速鍵,有時對手未反應得切,我就射冧左佢啦。因為屏幕大咗,有成 6.39 吋,方便我呢 D 手大嘅人,操作上可以更加靈活。係上面條 Video,大家可以睇到我點樣去揾敵人,過程順利無窒機。另外因為畫質太靚嘅關係,靚到我打完舖都有少少暈。

總結:以打機手機嚟講,黑鯊 2 Pro 我好滿意。佢係操作上有針對遊戲而設計,同時因為佢係電競手機嘅關係,處理器效能都推到好高,令到遊戲體驗相當順暢,很少出現「卡」嘅情況。你又會唔會有興趣呢?
 

相關產品 (1)

相關報導 (1)

玩 PUBG 食雞後感!黑鯊遊戲手機 2 Pro 評測

玩 PUBG 食雞後感!黑鯊遊戲手機 2 Pro 評測

講到黑鯊遊戲手機2Pro,作為一部電競手機,最緊要當然係打機嘅體驗啦!除咗用上QualcommSnapdragon855Plus處理器同埋Adreno640GPU之外,佢嘅MasterTouch功能亦都對打機有好大幫助,配合240Hz嘅ReportRate,理論上打機體驗應該幾正嘅!空巴Wilson出席完黑鯊遊戲手機2Pro發佈會後,就在吉隆坡上手試下用呢部手機玩下PUBG,順便同大家分享下我嘅玩後感!

Wilson Li | 2019-09-30

最新新聞