▲在灣電芸芸 Netbook 當中,SL NB1000 除了有 $1,998 的價錢牌外,引起王大文注意的,還有它那鮮黃、鮮紅、黑及白色的外殼。
幾日前王大文報道過旺電有最平的 $2,199 Netbook,點知價位低處未算低,走過對面海灣電掃場時,竟發現一部 $1,998 的超平機!
這部機係由歐洲牌子 SL 推出,型號叫 NB1000,到港約有三個多月,電腦舖最初賣 $2,680 左右。但聽講它的來貨價唔貴,有幾大的劈價空間,所以近排灣電其中一間舖就平賣到 $1,998 去搶客。你可能會問,部機平到咁,係唔係好渣的?咁又唔係喎!它唔止有 10.2 吋芒,仲係行 Intel Atom N270 1.6MHz CPU,亦內置了 160GB HDD,規格基本上同主流 Netbook 差唔多。稍為不足的,只係它僅得 1GB RAM 而已;而且賣得咁平,大家都應該預計得到它只預載了《Linux》OS。
老實講,這部機係欠缺過人功能同特色,但「平」這個賣點已經蓋過晒一切,作為一部主要用來上網的 Netbook,真係好抵玩!
▲SL NB1000 只配備了 SIM 卡槽,卻沒有內置 HSPA 模組,只是 3.5G Ready,以此價位來說,相當合理。
▲$1,998 的 SL NB1000,就在灣仔電腦城這間鋪頭內出現。
SL NB1000 官網