▲有舖頭仲用緊「電腦節價」名義引人睇佢賣的 Notebook，但個價唔夠吸引。
電腦節期間，唔少腦場舖頭都話自己賣的 Notebook，劈到同會場價一樣去爭客，到現在電腦節完了，有些舖頭又話電腦節價「延期進行」。但王大文格過部分特價機款，售價其實同電腦節開鑼前一樣，所謂的「電腦節價」，粹純係寫出來引人注意，而且唔一定特別平！
就以據說曾在電腦節賣到缺貨的 Asus K40IJ 為例，Asus 自己的展館以 $5,480 發售，更除了原本的 2GB RAM 外，再送多 2GB。但我在旺電及灣電中，都搵唔到有舖頭賣到 $5,480 咁平，就算有舖話做緊「電腦節價」，都只係 $5,580，仲要冇 RAM 送。所以行電腦節，始終有較大機會掃到平貨，下次再去迫吧！
▲Asus K40IJ 的 T6500 2.1GHz 版，屏幕尺寸係 14.1 吋，硬碟容量有 320GB，原本只有 2GB RAM，未做「電腦節價」前的定價係 $5,980。