Lenovo Flex 2 (14) 吋賣 $3,699 起平過腦場！開盒機最平 $1,000 有找你殺唔殺？
今日中環數碼嘉年華入面，其實就係將腦場搬左過去，版主見到多數都係賣 筆電、平板比較多，大家可能覺得要執平貨去腦場咪得囉，原來都有機款係腦場限定優惠。就好似 Lenovo Flex 2 (14）呢部可以屏幕 300 度翻轉既電腦，官方定價 $5,898 ，場內限定賣 $3,698 ，足足平左 $2,200！呢部機採用 14.1 吋 1366 x 768 解像度屏幕、配 Intel i3 4340U 、4GB RAM ，內置 500GB 的 HDD ，有讀卡器與 USB 3.0，亦有 HDMI Output ，場內買都有一年保養，都算唔錯啦！而採用 Intel i5 4210U 配 4GB RAM ＋NVIDIA GeForce GT840M 4GB GPU 既高階版就賣 $6,499 ，比官價平 $500 ，反而唔算吸引。
除左 Lenovo Flex 2 (14) 之外，版主見到場內的 Lenovo Yoga 2 (13) 、Yoto 3 Pro 等機都有減價，價錢比起官方價平 $1,000 ~ $1,500 左右，不過其實同腦場價錢差不多，唔需要特登去買。反而係場內有唔少「開盒機」用平價去賣。所謂「開盒」機，代表都係放過一輪既「陳列品」，不過問到場內最平既筆電係由 $800 ~ $1000 起跳，舊款既 10 吋平板最平都係 $499 ，不過就唔知大家去到既時侯遇唔遇得見啦。所有「開箱機」都包一個月保養，大家可以試真先入手！
網友們又覺得呢個優惠抵玩嗎？又會唔會考慮入手「開盒機」？有經開既網友見到有平貨，執到平貨都可以分享一下啊！
▲呢部行 3 代 Intel i3、4GB RAM 既 Lenovo S210 Touch 賣 $1,499 ，當然就係陳列品價錢，雖然就係舊款機，不過都有 USB 2.0 同 USB3.0 各一個，入面亦有 500GB 既 HDD 容量，版主因為筆電太多就忍痛冇買，場內亦有好多「開箱機」可以揀，都有一個月保養架！
▲場內有鋪買新機會送 $999 的禮品，其實最值錢係個防毒軟件
▲其他機款，和腦場睇開價錢差不多，但係經開都可以睇一睇既