來自大陸的威鋒技術組在微博上公告，指出發現某些紅包助手 ( 大陸搶紅包文化盛行，如果你唔知道係咩，可以跳過～ )，通過插件方式偷偷記錄 iCloud 賬號和密碼，目前為止發現有 225563 個有效的 iCloud 賬號與密碼，數字仍然在增加。技術組建議如果有使用任何搶紅包助手的網友，立刻刪除插件並修改密碼。
身處香港既網友未比會玩大陸既搶紅包，但呢類事件提醒大家要注意手機私隱安全，避免輕易安裝任何軟件、插件。其實越獄真係唔太安全，如果要玩越獄的網友，你藝高人膽大我都唔會阻止你，但如果對電腦認知比較少的網友，越獄固然可免則免。同時，亦唔好天真地以為無 Jailbreak 就百分百安全，記得時刻警惕注意手機使用習慣會否曝露個人私隱。
來源：威鋒技術組微博