主題:蝸居 WFH 神器:三星 Galaxy Book S 零噪音、超輕薄、超續航開箱!

  • 發表時間:2020-08-02 11:20
    香港疫情隨著免檢疫漏洞大爆發,越來越多人想 Work From Home (WFH),或者被逼 WFH 在家工作,呢個時候一部順手好用的電腦就係你最佳的工作利器! 三星趁機推出一部堪稱係 WFH 神器,定價 8480 元就有薄機身、輕重量、強續航,而且採用無風扇設計,呢部 Galaxy Book S 可以話相當吸引。一齊開箱睇睇啦!

    蝸居 WFH 神器:三星 Galaxy Book S 零噪音、超輕薄、超續航開箱!


    開箱一覽
    其實呢部 Galaxy Book S 係一部非常創新的筆電,點解咁講呢? 因為硬件上脫離一般筆電的玩法,從處理器、儲存裝置、甚至記憶體等等,改用流動通信硬件的方案。 大家還記得之前牽起過小潮流的高通處理器 Windows 筆電嗎? 但始終 ARM 版的 Windows 未成熟,大家又想要造工好、硬件夠用又省電的移動文書機。呢部 Book S 正正係回應市場的訴求而生,稍後逐一話你知點解!

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 香港三星並沒有推出高通處理器 LTE 版,畢竟 ARM 配 Windows 依然有各種小問題如軟件兼容度、程式轉換效能等,攞黎開工真係玩自己;行貨 Book S 只有 Intel 處理器 WiFi 版,行緊正常 x86 Windows 所以乜事都無,正!

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 我手上的型號係真 Win 10 Home 版(另有 Pro 版發售),各種規格盒身上一目瞭然。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 跟機配件如圖,可以話係應有盡有,起碼新機翻黎一打開個盒你唔需要額外買配件就可以如常使用。 你睇下蘋果筆電先啦,三星算係佛心喇 ~

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 跟機比埋個原裝 USB-C / HDMI 的影像輸出線;

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 亦比埋個 USB-C / USB-A 轉頭,等你插手指、接手機都可以立刻用到。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 呢部 Book S 係透過 USB-C 線材充電;條野好似我(講緊身高)咁長,拍埋屋企度門目測有約 2 米長。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 快充 25W USB-C 火牛支持多種固定電壓、甚至係動態電壓輸出模式! 最重要係望到火牛產地係越南,當場安心晒。


    機身外觀
    三星 Galaxy Book S 上手感覺真係好輕巧,13.3 吋屏幕 + 觸控屏幕加持下標重竟然只有 950 克,屬於黐線等級,而且厚度亦只有 11.8 毫米。對比同樣 13.3 吋屏幕但無觸控的 Macbook Air 筆電 1290 克 配 16.1 毫米,毫無疑問完全係規格上秒殺晒! 哪怕係再細一級的舊款 12 吋 Macbook,重量 920 克配 13.1 毫米厚度,依然係 Book S 優勝!

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 官方描述的水星灰,冰冷金屬質感非常靚,但當然缺點係吸油吸指紋啦。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 雕刻銀色光面的「SAMSUNG」標誌,保持簡約的外觀風格。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 機身底部非常乾淨,因為採用無風扇散熱方案,所以無窿可尋; 四個防滑膠「前平尾凸」,貼心地造出高低差,筆電放平檯面時有輕微的傾斜度,有助提高鍵盤體驗外,留有更多空氣經過底部幫助散熱。

    蝸居 WFH 神器:三星 Galaxy Book S 零噪音、超輕薄、超續航開箱! 蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 底部有一個塑膠卡槽,是 microSD 讀卡器。最高支持 1TB 的擴充容量。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 轉軸並沒有任何出風口設計,阻尼調整順暢而穩定,全段的開合感覺都好均勻自然。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 機身前沿凹入式揭屏設計,重點係平放檯面時係可以單手、兩隻手指就打開佢,方便習慣單手操作的用戶;左右側分別都有 AKG 喇叭。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 機身左側有 3.5mm 耳機孔、一個 USB-C 接口。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 右側仲簡單,得一個 USB-C 接口。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 機身真係黐線地薄,唔好唔記得佢係有觸控屏幕設計,所以做到咁薄係好難,而且厚度數值上亦完全秒殺自稱「Air」咁稀薄的筆電;真係要講句三星 Good Job 喇!


    內部佈局
    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 非常工整清晰的佈局,一眼睇晒大面積鍵盤、大面積觸控板。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 機身太薄的緣故,按鍵觸感因為鍵程短,反饋感自然比較弱,但已經拋離蘋果筆電鍵盤; 

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 呢部 Book S 其實係有背光鍵盤,但個亮度真係好唔亮,倒不如話係螢光鍵盤。。。無燈房裡面開到最光都係上面呢種亮度(圖片儘量還原肉眼所見亮度)。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 按鍵無明顯段落感,直上直落又輕巧,非常適合女士輕輕力咁打字。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 大面積觸控板亦相當順滑,摸上手有絲質感覺,亦自然支持 Windows 10 的多指手勢操控。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 電源鍵整合指紋識別器,開機解鎖確實係方便好多。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 左右各一個完整大小的 Shift 和 Ctrl 按鍵,而 Home、Pg UP、Pg Dn、End 鍵整合成為 Fn 組合一部分。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 機身兩個 USB-C 都可以充電,但只係得右側有充電指示燈。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 一塊支持 10 點觸控的 13.3 吋 FHD 屏幕,一般亮度達 300nit,開啟 Fn + O 戶外模式下,亮度可以立刻提升到 600nit。 而且本 YK 私下用相機快門測試,並無發現屏幕有任何低頻閃的情況,正!

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 屏幕亦屬於三邊窄框設計,頂部有一個 100 萬像素鏡頭,同客開會個鏡頭梗係睇唔清最好啦,好似係!

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 依稀記得某果粉朋友收機當日係落大雨咁狗衝出去買 DOCK 用果下,翻黎成身濕過隻 DOG,真係慘。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 重點係三星呢個轉頭設計好人性化,記得要如圖所示的上下方向插入,咁你就會發現轉頭剛剛好貼住檯面,唔會出現唔覺意壓爛插頭,避免整爆 PORT 的慘劇發生。


    各項性能測試 
    規格一覽
    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 三星 Book S 採用一款非常特別的 i5-L16G7 處理器,採用 Foveros 3D 立體封裝技術整合 22nm 和 10nm 雙制程的玩法,擁有 4MB 快取記憶體;「一大四小」五核心的格局,係咪好熟悉呢?

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 今次 Intel 推出呢款低功耗處理器,又無超線程的設計,就咁睇其實係模仿緊 ARM 處理器「高效能拖低功耗」的特色。 

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 整合 Inetl UHD Graphics 圖像處理單元。

    開機速度
    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 開機需要 20 秒才能完成系統啟動,再多 31 秒載入其他應用進入桌面;速度不算快,但不到一分鐘的時間還算可以接受。

    綜合性能
    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 在 Novabench 綜合性能測試中,呢部 Book S 獲得 1080 分。 

    SSD 測試
    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 你會發現沒有辦法查看到詳細資訊,因為 Book S 採用最新的 512GB eUFS 儲存,其實類似手機的快閃儲存裝置,並沒有採用標準 SSD 規格;壞處係速度、壽命問題未獲得驗證,但好處係體積極小,機身做到咁輕薄功不可沒。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 在連續讀寫結果中,Book S 獲得 1094mB/s 和 416mB/s 的成績;而多工隨機讀寫 (4K Q32T1)卻有 272mB/s 和 222mB/s 的速度,結果不過不失,性能與主流 SSD 相距不大。

    CPU 處理器性能
    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 在 CINEBENCH R20 版測試中,Book S 呢個新奇的「親子 U」 i5-L16G7 多核心獲得 569 分;而在單核心方面得分亦只有 187 分;MR Ratio 係合理的 3.04 倍,皆因你係「一大四細」嘛;結果所見,效能相當入門。

    GPU 圖像處理性能
    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 核顯 UHD 在 BasemarkGPU 標準測試的 4K Vulkan 1.0 測試中得到 359 分;比較意外係效能竟然無被 UHD 620 拋離得太遠。

    電力續航測試
    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 官方聲稱達 42Wh 電量提供長達 17 小時影片播放續航力;但檢測的結果顯示只有約 40Wh 左右。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 利用 Imtec Battery Mark 軟件,在飛行模式下將處理器 Chur 到全開狀態,屏幕亮度調整至最暗進行測試,跑出 7 小時 44 分的極限續航結果,說明用戶普通用機起碼有 7 小時多的可使用時間(當然睇埋你到底玩乜啦)。

    蝸居 WFH 神器:三星 Galaxy Book S 零噪音、超輕薄、超續航開箱!
    ▲ 機身放係 WiFi 隔離唔超過 1 米距離,利用 Chrome 做播放指定的 720p 解析度 Youtube 影片;開啟省電模式,屏幕調整到最暗下播放影片,觀測一小時播放後的耗電量。

    蝸居 WFH 神器:三星 Galaxy Book S 零噪音、超輕薄、超續航開箱!
    ​▲ 過了 60 分鐘後只使用了 7% 電量;由此推算,充滿電係可以睇到 14 小時 AV 無難度!

    關於這款機用上其他筆電比較少用上的 Intel Core i5-L16G7。這粒 Intel 全新 CPU,在香港來講,只有三星 Galaxy Book S 用上,到底呢粒 CPU,有什麼特別,可以用來反制 Apple 開始唔用 Intel 做筆電處理器的事件嗎?

    歡迎大家上 ePrice 新開的 Patreon 頻道,我們會以會員付費方式,帶給大家更詳細的「技術分析」文章,關於  Intel Core i5-L16G7,為何會有這粒 CPU 出現,都有故仔的, Click 入這裡,付費成為會員,就可以聽得到! 

    總結
    疫情下要 WFH 的處境,其實好多網友都私下問過本 YK 有無乜好筆電推介。臨時臨急要買一部合適自己工作用途的機係有一定難度。但令我意外的係,傳統上認知會覺得 15.6 吋大筆電,才會是在家工作的好選擇,畢竟性能好、散熱好、屏幕大。

    但武漢爆發肺炎以來,大部分網友要求的 WFH 筆電卻是續航好、夠輕薄、造工佳、最好屏幕唔太大又有 TOUCH 芒。後來瞭解到其實有不少網友家居乃蝸居,食飯檯工作、甚至床上工作亦變成常態。 有個網友甚至同我講,出現突發任務時,連去個廁所都要帶住手機、電腦入去拯救世界! 完全顛覆了本 YK 對筆電選擇的認知。

    當然,Samsung Book S 確實做到神奇的纖薄輕巧、續航強勁,雖然新型處理器的效能一般,但已滿足一般文書用戶的需求。 流動性強大的優勢,唔係只係出街先體驗到;屋企無工作臺的 Book S 用戶都能夠輕鬆穿梭飯檯、廁所、床鋪。


    Galaxy Book S 產品規格:
    型號 Galaxy Book S
    操作系統 Windows 10 Home Windows 10 Pro
    顯示器 13.3吋
    FHD LED 顯示屏
    1920 x 1080 解像度
    觸控屏幕
    處理器 Intel® Core™ i5-L16G7
    儲存空間 512 GB eUFS
    記憶體 8 GB LPDDR4x Memory
    圖像處理 Intel® UHD Graphics
    連接埠 兩個USB-C®
    MicroSD 讀卡器
    輸入 島型鍵盤
    觸控板
    指紋感應器
    無線連接 Wi-Fi 6 (Gig+), 802.11 ax (2x2)
    藍牙 v5.0
    鏡頭 1MP 網路攝影機
    音訊 數碼陣式雙麥克風
    AKG雙聲道揚聲器 (1.2 W x 4)
    Dolby Atmos® 音效
    二合一 耳機輸出 / 麥克風輸入
    電池及電源 內置42Wh 電池 (Typical)
    25W USB-C® 變壓器
    顏色 水星灰、粉紅金 水星灰
    尺寸 305.2 x 203.2 x 11.8毫米
    重量 0.95千克

    Galaxy Book S 建議零售價如下:
    型號 顏色   建議零售價
    Galaxy Book S(Windows 10 Pro版) 水星灰   港幣8,980元
    Galaxy Book S(Windows 10 Home版) 水星灰   港幣8,480元
    粉紅金  
    注意:以上一切規格資料最終以官方公佈為準。
     

    立即加入Facebook 專頁,新聞/消息/優惠,最快知。

    01樓 ▲TOP 回列表頁