搞錯! Messenger 都唔放過? 有廣告的 Messenger,你仲願意用嗎?

左定坤 (Cho Ting Kwan) 2017-04-12 17:27 | 科技新知
版主知道,有不少網友都很討厭見到廣告,版主可以理解。但諗深一層,人哋都要搵食,無理由因為你的討厭,而放棄自己飯碗,係咪先? 所以對於廣告,版主並不抗拒,但係覺得,廣告應該係放在一個合適的平台,唔係係又放廣告,唔係又放廣告吧? 就好似平時碌碌下 Facebook、Instagram,間唔中出現廣告係可以接受的,但而家你同我講,遲下就連 Messenger 都會刊登埋廣告,我會覺得 over 左囉!有廣告的 Messenger,你還願意用嗎?

Messenger(Facebook).jpg

Facebook 日前宣佈,由今個星期開始,將會陸續在 Messenger 主頁上放置廣告,廣告會設於聯絡人及上線聯絡人之間的位置,包含圖片、文字以及連結,所佔的空間好大,令人想睇唔到都難。無錯,對於做生意、店家黎講,或者係可以令到多啲人 click 入去同佢哋互動,但問題係,假如人哋係想同你傾,平時碌 Facebook 望到個廣告,都會識得 click 入「Message」向你查詢,又何必多此一舉,特登要在 Messenger 再搞廣告呢?

ad-facebook.jpg

講到尾,其實都係 Facebook 賺錢的策略,但變相要逼 Messenger 用戶睇多啲廣告。其實,Messenger 係一個俾用家同朋友聊天的平台,如果硬要在 Messenger 內插入廣告,你還會願意使用嗎? 長此下去,可能分分鐘連 Whatsapp 等等都會加入廣告,你又制唔制?

來源: The Next Web | iThome

最新新聞