多咗粒紅點！Apple Watch Series 3 LTE 開箱！
好了，閒話不說，小編而家就直入正題。先由外觀上說起，你以為你戴隻普通 Apple Watch Series 3 出街，就會無人認得出？少年你實在太年輕了！LTE 版本的 Apple Watch Series 3 有一個相當重大的特徵，就是其 Digital Crown 上的紅點，讓人更容易分辨，你手上的 Apple Watch Series 3 是普通版還是 LTE 版本。不止如此，假如你的 Apple Watch Series 3 LTE 遠離手機，或者你的手機關機了，你的 Apple Watch Series 3 LTE 便會出現訊號的圓點，代表着正在使用 eSIM 的訊號。
▲ 呢個就係 Apple Watch Series 3 LTE 的包裝盒，包裝盒面頭寫着「Apple Watch Series 3」。
▲ 而包裝盒底部會見到有關於我手上的 Apple Watch Series 3 的資料，包括：42ｍｍ、太空灰錶帶，並清楚寫住係支持 GPS + Cellular。同時，在上方亦會見到寫着 Apple Watch Series 3 所支持的頻段。
▲ 打開個包裝盒，你會見到「Designed by Apple in California」的字樣。
▲ 而包裝盒內裡除了有 Apple Watch Series 3 之外，還內附火牛以及充電器。
▲ 具有 1.65 吋顯示屏的 Apple Watch Series 3 LTE，其實小編覺得呢個尺寸剛剛好，已是相當完美。
▲ 手錶右側會見到有側面按鍵 (用作喚出多工鍵、開鍵、SOS 等功能) 以及可以旋轉的 Digital Crown (長按可使用 Siri)。
▲ 而左側則有喇叭，聽歌、講電話，都無問題。
▲ 另外錶底會有 Sensor，而條錶帶亦都同以往一樣，可以拆下來更換，但小編今次就唔同大家拆解佢了。
▲ 戴咗上手，真係讓我唔捨得除下來。
順帶一提，當你連接咗你手機之後，完成同步之後，Apple Watch Series 3 就可以獨立使用！不過，有一點好重要！csl. 同 1010 係全港首個 (亦係暫時唯一一間) 支援 Apple Watch Series 3 LTE 的流動網絡商。所以，你要完美地用到佢，揾 csl. 或 1010 上台是必需的呢！而如果你的手錶遠離你的手機，或者手機關了機，手錶就會自動使用 eSIM 的網絡，而在錶面上亦會見到有四個小圓點，代表網絡的強弱。csl.、1010 優先支援 Apple Watch Series 3 LTE，啟動方法簡單
步驟一：按照正常程序連接 Apple Watch
▲ 按照正常程序，iPhone 開啟 Watch 應用程式，然後用 iPhone 相機對住錶面進行配對。
步驟二：啟動 csl. eSIM 計劃
▲ 配對完成後會見到呢個畫面，回到「我的手錶」選擇「網絡」。
▲ 之後會見到可以選擇「設定流動網絡」。不過有一點要提提大家，如果你的 iPhone 未更新到最新的 iOS 11.2.5，你會見到「csl. 目前不支援 Apple Watch」，呢個時候只要你將佢升返做最新 iOS，就會回復正常。
▲ 按入「設定流動數據」，會見到呢個畫面，唔使理，得一個掣可以按，就係「選擇我的服務」。之後你就揀返「免費本地連接」(與流動服務計劃共享語音及數據)，再 Tick 「我已閱讀和同意 XXXXXXX」，再按下提交，之後就大功告成！
試過用過之後，小編覺得 Apple Watch Series 3 LTE 是相當值得買的！主要原因有以下三大點，令我覺得呢隻錶非常有用！
必買原因 001：支持 Cellular，唔使連住手機都可以獨立使用，手機 bye bye
等咗咁耐，小編都一直想買佢，為啲咩？為就係為咗佢內置 eSIM，首先你手機的電話號碼要同手錶上的 eSIM 一樣，然後只要將手機 SIM 入面的資料，直接同步至 Apple Watch Series 3 LTE，之後就可以唔使再連接住手機，都可以獨立打電話、上網，就算出街唔記得帶手機，都無有怕，相當方便！而如果用手機打電話，打出打入收音表現又如何呢？小編試過就發現，如果就這樣用手錶聽電話的話，其實可能會有點細聲，假若在比較嘈雜的環境中，未必聽得咁清楚。當然，正常你都未必會在街上，就咁舉起隻手、對住隻手錶講電話，最理想的方案是配合 AirPods 或者其他藍牙耳機，咁就 Perfect！
▲ 有得打出打入，完全沒有問題，就算沒有連接手機，整個過程都能夠完美的運作。如果配合埋 AirPods 使用，使用體驗更會大大提升。
必買原因 002：獨立使用都可以用到地圖導航
相信大家平時出街，去到一些陌生的環境時，好自然會拎部電話出黎，打開 Google Map / Apple 地圖，透過導航的功能去搵路。但而家因為有 Apple Watch Series 3 LTE，小編就算唔拎電話出黎，都一樣可以用到地圖的導航功能，呢點小編認為是非常有用的！
▲ 獨立在手錶上使用地圖、搵路都得，呢點認真好鬼正。
必買原因 003：就算無手機在手，一樣可以收發訊息
呢個都係小編認為最有用功能之一，就係就算你無帶電話出街，你都唔會錯過任何訊息，唔會因為你無帶電話，而 miss 左好多重要的訊息。同時，你亦可以透過 Apple Watch Series 3 LTE，透過語音輸入、Emoji 等回覆他人的訊息。不過可唔可以主動 send 訊息俾朋友呢？就要睇下隻 App 是否有 Apple Watch 專用應用程式，如果好似 WhatsApp 呢啲，就暫時做唔到了。
小結
上手試玩咗好短時間，但已經令小編深深愛上了這隻 Apple Watch Series 3 LTE。一來外型部份本身已經唔算差，二來因為佢內置 eSIM，可以讓 Apple Watch 在沒有連接手機的情況下，都可以做到不少手機先做到的功能，包括打電話、收發訊息、地圖導航等等，就算無帶電話出街，都未至於會變得與世隔絕。Apple Watch Series 3 LTE / eSIM 服務計劃：csl. / 1010
iPhone 及 Apple Watch 詳情：Apple