一個賬戶兩地走!微信支付香港版 WeChat Pay 支援免開戶通大陸

Keith Yim 2018-09-25 16:06 | 科技新知
最能夠代表一國兩制嘅應該就係支付工具。大家都知,支付寶跟微信支付是有分香港版與中國大陸版本。香港人開大陸版,唔係唔得,係好煩,同好難。香港版亦唔係咁易係大陸俾到錢。唔少人返大陸即變港燦「我哋只收微信同支付寶架咋,乜你香港人仲要用人仔架!」。不過,世界會變,香港好快一國 一制,微信支付香港版 WeChat Pay HK 會好快支援免大陸開戶,用香港版電子錢包係中國大陸俾錢、付費,即係你唔駛再申請中國大陸錢包!

fb-wechat.jpg


「微信支付」在大陸十分流行,家陣係中國大陸打的士,去士多買嘢,都未必肯收你人仔現金。不過,香港人其實唔多用到,因為微信支付大陸版,要有大陸手機號碼做認證,又要有大陸銀行戶口,雖然早前可以用「微信支付」大陸版綁定香港信用卡,但也只支援 Online 購物,實體商店都係用唔到。不過,據知 26/9 (三),WeChat Pay HK /微信支付母公司騰訊會正式公佈 WeChat Pay HK 「雙向跨境支付」細節。

據版主得到嘅消息,今次微信香港與中國銀聯、銀聯國際合作,為 WeChat Pay HK 錢包實現「雙向跨境支付」。銀聯會為 WeChat Pay HK 條碼支付業務提供轉接清算服務,全面保障 WeChat Pay HK 用戶跨境移動支付的安全。

簡單來說,如無意外,不久將來,WeChat Pay HK 錢包就可以係大陸用到「微信支付」即係跟大陸人一樣,係中國大陸用「微信支付」俾錢,咁對於成日往返中國大陸工作嘅網友來講,應該會係一個喜訊來!留意嘅係,今次用上「雙向跨境支付」字眼意味著,中國大陸錢包,與香港錢包正式打通,大家唔駛再分得那麼細。

細節如何,就要留意騰訊於 26/9 (三)下午嘅公佈啦

懶人包:10 月 1 日 WeChat Pay 香港版可在中國大陸直接使用微信支付

=

最新新聞