不用大陸銀行戶口!香港人大灣區、日本用支付寶 HK 畀錢! 優惠攻略

Keith Yim 2019-03-06 18:20 | 科技新知
香港人最憎係乜,明明寫住係支付寶優惠,原來只畀大陸支付寶!明明都係支付寶,香港版,中國大陸用不到。香港政府日日都迫你去嘅大灣區,仲係咁,唔得架喎!即日起終於可以用支付寶 HK ,係大灣區畀錢啦,仲有著數,著數,著數呀。。。仲唔搶住用?中間有無伏?版主話你知。(日本都用到喎,咁勁?)

2-alipay-fb.jpg

打通大灣區

今日支付寶 HK 宣佈,由 3 月 1 日起,支付寶 HK 已打通全個大灣區,包括熱門嘅消費地點,更有醫療、教育等消費地點。版主估計,好似係香港咁見到 支付寶 HK 嘅貼紙,就用到吧,咁點解我要用?是咁的

001:即日支付寶 HK 送你 HK$20 大灣區跨境消費優惠。
002:額免交易手續費
003:有優惠匯率


係咪咁著數以下幾張圖,話你知!



IMG_1214.png IMG_1215.png
▲ 同其他支付寶 HK 優惠好似,係分四次,每次減五蚊咁畀你用。而每次消費十元港幣以上先至用到。大灣區包括邊幾個城市,係支付寶 HK 個 App 都查得到嘅 (BTW 佢無提到香港同澳門呀,因為呢四張 Coupon 只合中國大陸呢九個城市呀)

IMG_1216.png
▲  支付寶 HK 提出嘅對換價又好抵?其實跟 Google 報價差不多,無乜好優勢。

IMG_1222.png
▲ 之前 WeChat Pay HK 打通中國大陸,又要實名,又要連結信用卡。初部版主試過,我係一個無實名嘅支付寶 HK 去攞相關優惠,所謂實名,只係打個姓與名,而信用卡,我之前戶口已掛上一張無名無姓嘅付預 MasterCard。不過,支付寶 HK 係出文個刻,掛信用卡功能仲係暫停,佢唔知會否學埋 WeChat Pay 不準掛入預付無姓無名嘅信用卡,就未知啦,希望唔好啦,我唔想實名,要我實名返大陸消費,不如用 Cash,我唔怕,但唔想,你怕唔怕,又想唔想?

日本都用到

熟書嘅網友都知,去日本,要著數,唔係用 JCB 卡,係用中國大陸出品嘅銀聯信用卡,真係一街都收銀聯,手續費仲低過 VISA、MasterCard。不過,以後你更加要學強國人。香港版支付寶 HK 宣佈,會打通日本,首先跟百貨公司合作。今個月內,日本大丸百貨博多天神店將會成為首間可以用 支付寶 HK 電子銀包購物嘅日本當地百貨公司,未來更會由九洲拓展至全日本。不過,得一間咁多,要著數,暫時來講我用銀聯卡好過。
 

最新新聞